Loo gə́ killa rea kəm Ja̰’g 21:1 - Maktub gə́ To gə Kəmee

¹ Tɔɓəi ma m’oo dara gə́ sigi ləm, gə naŋg gə́ sigi ləm tɔ, mbata dara gə́ dɔtar gə naŋg gə́ dɔtar lé deḛ godo ləm, baa-boo-kad kara godo ləm tɔ.

Loo gə́ killa rea kəm Ja̰’g 21:1 Iomraidhean Croise

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Esai 51:11

Togə́bè ɓa deḛ gə́ Njesigənea̰ uga dɔ dee lé D’a tel ree, D’a tel ree Sio̰ gə pa kun baŋga ta dee’g Ndá rɔlel gə́ to gə no̰ a to dɔ dee’g asəna gə dɔgugu bèe, Kalrɔ gə rɔlel d’a ree pər gə́ rɔ dee’g ləm, Meeko̰ gə tuma̰ ŋgururu-ŋgururu d’a sané pá ləm tɔ.

Esai 57:20

Nɛ njémeeyèrje lé To to gə́ mán baa-boo-kad gə́ ula Gə́ askəm tel to lɔm el Ar bɔrɔ mán gə njawalaje d’ḭ keneŋ njem-njem.

Esai 66:22

Tɔgərɔ ya, to gə́ dara gə́ sigi gə naŋg gə́ sigi gə́ m’a gə kunda dee lé d’a to njaŋg nɔm’g lé togə́bè ɓa ŋgaka síje ləm gə ri sí ləm d’a to njaŋg nɔm’g bèe ya tɔ. Njesigənea̰ ɓa pa bèe.

Loo gə́ killa rea kəm Daniel’g 7:3

Daje gə́ boo-boo gə́ to ɓəd-ɓəd sɔ d’unda loo mee baa-boo-kad’g lé teḛ raga.

Njé gə́ Rɔmə 8:21

Deḛ d’unda meḛ dee yel ŋgina ne ndɔ gə́ d’a kɔr dɔ dee kúla ji ɓər gə́ kó dee tɔ ne ká-ká lé mba nduba ne rɔ dee raŋg-raŋg gə ŋgan-Alaje na̰’d.

2 Piɛrə 3:10

Ndɔ lə Mbaidɔmbaije lé a teḛ asəna gə njeɓogo, ndəa lé néje gə́ pən dara’g d’a kaw dɔ na̰’g wur-wur ləm, néje gə́ keneŋ d’a ndiri bura ya njigi-njigi kar pər o̰ deḛ lai ləma, naŋg nee gə kula reaje lai gə́ to keneŋ lé kara d’a roo dula-dula ləm tɔ.

2 Piɛrə 3:13

Nɛ jeḛ lé jeḛ ŋgina dara gə́ sigi ləm, gə naŋg gə́ sigi gə́ meekarabasur a kur kəi keneŋ, jeḛ ŋgina gə goo ndukun ləa gə́ yeḛ un ar sí lé.

Loo gə́ killa rea kəm Ja̰’g 13:1

Tɔɓəi ma m’oo da gə́ gajeeje dɔg ləm, dəaje siri ləm tɔ lé ḭ dan baa-boo-kad’g. Dɔgugu kára-kára dɔg to dɔ gajeeje’g neelé ləm, deḛ ndaŋg ri ndɔl dəaje’g kára-kára siri ləm tɔ.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

Loo gə́ killa rea kəm Ja̰’g 21:5

Yeḛ gə́ si kalimbai’g lé pana: Aa ooje, neḛ n’tum gin néje lai sigi. Tɔɓəi yeḛ ulam pana: Maji kam m’ndaŋg ta neelé mee maktub’g mbata ta neelé to kankəmta gə́ to njaŋg.

Loo gə́ killa rea kəm Ja̰’g 6:14

Dara kə́ dɔ na̰’d mber-mber to gə́ maktub gə́ kə́ na̰’d mber-mber bèe tɔɓəi mbalje gə dɔgoré-looje lé dee ŋgəs d’ya̰ loo-to dee gə́ kédé.