Loo gə́ killa rea kəm Ja̰’g 20:9 - Maktub gə́ To gə Kəmee

⁹ Deḛ d’aw taa loo dɔ naŋg nee pəl-pəl ləm, deḛ gugu gir loo-si lə deḛ gə́ to gə kəmee gə ɓee-boo gə́ d’unda dan kəm dee’g ləm tɔ. Nɛ pər ḭ dara oso dɔ dee’g roo dee dula-dula.

Loo gə́ killa rea kəm Ja̰’g 20:9 Iomraidhean Croise

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

2 Mbaije 6:15

Kura lə dəw lə Ala unda loo teḛ gə ndɔ rad ndá, yeḛ oo boo-njérɔje, gə kundaje, gə pusu-rɔje, gə́ d’aḭ ne dɔ ɓee-boo neelé sub. Yen ŋga kura lé ula dəw lə Ala pana: Ai-i, mbai ləm, see j’a ra ban wa.

Maktub gə́ wɔji dɔ Jɔb 38:18

See kəmi un tad lə naŋg nee lad wa. Ɓó lé i oo néje ne lai ya ndá ulam.

Pakɔsje 106:18

Pər kiri kudu-dəwje lə dee lé rigim ləm, Ndo̰ pər kara tuji njémeeyèrje neelé pugudu ya ləm tɔ.

Pakɔsje 87:2

Njesigənea̰ ndigi tarəw ɓeeje gə́ Sio̰’g lé Ur dɔ loo-sije’g lə Jakob lai ya.

Pakɔsje 97:3

Pər ɓa aw nea̰’g Roo njékoma̰ səaje gə́ gugu dəa sub lé.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Ejekel 38:16

I a kɔr rɔ kaw rɔ gə koso-dəwje lə neḛ gə́ Israɛl asəna gə mum gə́ a gə dəb dɔ ɓee’g bèe. Ǝi Gɔg, mee ndəaje gə́ gogo lé n’a kari aw rɔ gə ɓee lə neḛ gə mba kar ginkoji dəwje gə raŋg gər ne neḛ loo gə́ i a kar neḛ n’to gə kəmee kəm dee’g raga lé!

Ejekel 38:22

N’a gaŋg rəwta dəa’g gə yoo-koso ləm, gə məs ləm, gə ndi-bura-boo ləma, gə ndi kwɔjije ləm tɔ. N’a ɓugu pər gə kṵji pər gə́ kas gə́ o̰ bilim-bilim dəa’g gə dɔ kudu-njérɔje’g ləa ləm, gə dɔ koso-dəwje gə́ bula digi-digi gə́ d’a kaw səa lé ləm tɔ.

Ejekel 38:9

I a kḭ kaw ndá i a teḛ asəna gə lel-boo ləm, i a to asəna gə mum gə́ a gə dəb dɔ ɓee’g bèe ləm tɔ, i gə kudu-njérɔje ləi lai ləm, gə koso-dəwje gə́ bula digi-digi gə́ d’isi səi lé ləm tɔ.

Ejekel 39:6

N’a kula pər mee ɓee gə́ Magɔg’d ləm, gə mbuna deḛ gə́ d’isi gə́ majee dɔgoré-looje’g ləm tɔ, bèe ɓa deḛ d’a gər ne to gə́ neḛ n’to Njesigənea̰.

Misee 2:13

Yeḛ gə́ a kɔs kəm loo mbudu teḛ lé A kaw no̰ dee’g. D’a kɔs kəm loo mbudu ləm, D’a dəs tarəwkɔg’d ləma, D’a teḛ kaw ləm tɔ. Mbai lə dee a njaa no̰ dee’g ləm, Njesigənea̰ a to njekɔrno̰ dee ya ləm tɔ.

Habakuk 1:6

Aa ooje, n’a gə kɔs Kaldeje ɓɔḭ-ɓɔḭ Deḛ lé to koso-dəwje gə́ to njéo̰gje gə njémeekḭ juguguje ləm, Deḛ d’unda tad ɓee gə dɔ naŋg dana gaŋg Gə mba kaw taa loo-sije gə́ to ka̰ dee-deḛ el lé ləm tɔ.

Bula lə Israɛlje 11:1

Koso-dəwje d’im rɔ dee dɔ Njesigənea̰’g kəmee’g ya ndá né neelé lel Njesigənea̰ el. Loo Njesigənea̰ oo ndá oŋg ḭ səa pu, bèe ɓa pər lə Njesigənea̰ mbudu o̰ mbuna dee’g roo loo gə́ ŋgaŋ loo-si dee’g raga rugu-rugu.

Bula lə Israɛlje 16:35

Pər ḭ rɔ Njesigənea̰’g roo dəwje tɔl-joo gə dɔ dee rɔ-mi (250), to deḛ gə́ tuu né gə́ ə̰də sululu lé ya.

Lugu 17:29

Nɛ ndəa gə́ Lɔt unda loo Sɔdɔm’g teḛ ndá kṵji pər gə́ o̰ bilim-bilim, gə sa pər gə́ uba ŋgɔg-ŋgɔg ḭ dara ur dɔ dee’g ar dee d’udu ne bo̰.

Lugu 19:43

Mbata ndɔje gə́ njéba̰je ləi d’a teḛ dɔi’g kuru bwa gugu ne dɔi sub ləm, d’a gugu giri sub ləma, d’a kudu dɔi jigi-jigi ləm tɔ lé kàree a teḛ ndá d’a tujii pugudu gə ŋganije gə́ d’isi səi lé na̰’d.

Lugu 21:20

Loo gə́ seḭ a kooje boo-njérɔje d’a taa Jerusalem pəl-pəl ndá seḭ a gərje gao to gə́ ta tuji lə Jerusalem nai dəb ba ŋga.

Lugu 9:54

Jak gə Ja̰ gə́ to gə́ njékwakiláje lé d’oo bèe ndá deḛ dəjee pana: Mbaidɔmbaije, see i ndigi kar sí j’un ndu sí mba kar pər ḭ dara ree roo dee wa.

Tel tura Godndu 23:14

Mbuna nékodoje’g lə sí lé seḭ a kilaje kwɔs kára keneŋ, ɓa a la sə sí gə mba kar sí urje ne bwa gə mba dubu ne siḭ sí loo gə́ seḭ a gə kawje wala lé.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Ǝbrəje 13:13

Ar sí n’teḛje j’awje rəa’g gir loo gə́ raga n’taaje ne rɔkul ləa j’odoje.

Loo gə́ killa rea kəm Ja̰’g 11:5

Ɓó lé nana ɓa ndigi ra sə dee némeeyèr ndá pər a teḛ ta dee’g roo ne njéba̰je lə dee. Ɓó lé nana ɓa gə́ ndigi ra sə dee némeeyèr ndá yoo-pər neelé ɓa gə́ kuma̰ yoo dee ya.

Loo gə́ killa rea kəm Ja̰’g 13:13

Yeḛ ra boo-nékɔbje saar ar pər ḭ dara ree sur-sur dɔ naŋg nee kəm dəwje’g.