Loo gə́ killa rea kəm Ja̰’g 20:8 - Maktub gə́ To gə Kəmee

⁸ Yeḛ a teḛ gə mba su kəm ginkoji dəwje gə raŋg gə́ d’isi dɔ kum naŋg gə́ sɔ’g lé ləm, Gɔg gə Magɔg ləm tɔ gə mba mbo̰ dee ne loo-rɔ’g. Deḛ bula d’asəna gə nagəra gə́ ta baa-boo-kad’g bèe.

Loo gə́ killa rea kəm Ja̰’g 20:8 Iomraidhean Croise

1 Mbaije 4:20

Judaje gə Israɛlje lé bula yaa̰ d’asəna gə nagəra gə́ ta baa-boo-kad’g bèe. Deḛ d’usɔ gə d’ai d’isi ne dan rɔlel’g tɔ.

2 Sôrta Gḭka Israɛlje 18:21

M’a teḛ raga ndá m’a to ndil gə́ njetaŋgɔm ta njéteggintaje’g ləa lai ya. Njesigənea̰ ulá pana: I a kəree ya ndá a dumee tɔ. Maji kari teḛ aw ra togə́bè ya.

Esai 10:22

Ǝi Israɛl, ɓó lé koso-dəwje ləi d’a bula kasəna gə nagəra gə́ ta baa-boo-kad’g kara ges dee gə́ nai jebəre ba lé ɓa d’a tel ree ya. Tuji lé yeḛ wɔji njaŋg ya gə mba kar néra gə́ gə dɔ najee ɓa taa loo pəl-pəl ya.

Jeremi 33:22

To gə́ dəw askəm tura boo-néje gə́ dara el ləm, gə askəm kwɔji nagəra gə́ ta baa-boo-kad’g el ləm tɔ lé togə́bè ɓa m’a kar ŋgaka kura ləm Dabid ləm, gə Ləbije gə́ d’aw ra kula ləm ləm tɔ lé d’ḭ dɔ maree’d gə́ kédé-kédé bèe tɔ.

Ejekel 38:1

Njesigənea̰ ulam ta gə rɔtaje nee pana:

Ejekel 38:2

I ŋgon-dəw lé maji kari tel kəmi par gə́ dɔ Gɔg’d mee ɓee gə́ Magɔg’d, yeḛ gə́ to mbai gə́ njekaa dɔ dəb ɓeeko̰ gə́ Ros, gə Mesek, gə Tubal ndá tegginta wɔji ne dəa!

Ejekel 39:1

I ŋgon-dəw lé maji kari tegginta wɔji ne dɔ Gɔg! A pana: Mbaidɔmbaije gə́ Njesigənea̰ pa togə́bè pana: Aa oo, i Gɔg, mbai gə́ njekaa dɔ dəb ɓeeko̰ gə́ Ros, gə Mesek, gə Tubal lé neḛ n’aw səi gə ta.

Ejekel 39:6

N’a kula pər mee ɓee gə́ Magɔg’d ləm, gə mbuna deḛ gə́ d’isi gə́ majee dɔgoré-looje’g ləm tɔ, bèe ɓa deḛ d’a gər ne to gə́ neḛ n’to Njesigənea̰.

Ejekel 7:2

I ŋgon-dəw lé ta gə́ Mbaidɔmbaije gə́ Njesigənea̰ pa wɔji ne dɔ dəwje gə́ Israɛl lé ɓa nee: Aa ooje, rudee un ɗiao ŋga! Rudee si ree dɔ kum naŋg gə́ sɔ’g lé ŋga!

Ǝbrəje 11:12

Yee gə́ bèe ɓa yeḛ gə́ to dəw gə́ unda naŋg mba̰ lé oji ne ŋgon aree oji ne ŋgakeaje gə́ bula digi-digi to gə́ kéréméje gə́ dara ləm, gə nagəra gə́ ta baa-boo’g gə́ dəw askəm tura el ləm tɔ.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 16:14

Deḛ gə́ ndilje gə́ yèr, deḛ ra nékɔbje d’aw rɔ mbaije gə́ dɔ naŋg nee’g lai mbo̰ dee mba kɔm dee loo-rɔ’g ndɔ boo-oŋg lə Ala yeḛ gə́ njedum dɔ néje lai lé.

Loo gə́ killa rea kəm Ja̰’g 20:10

Njekurai gə́ su kəm dee lé d’wá d’ilá dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé loo gə́ da gə njéteggintaje gə́ ŋgɔm d’isi keneŋ. Ndá néurti a kula kəm dee ndòo dan kàrá gə loondul’g gə ləb dee ləb dee saar-saar gə no̰.

Loo gə́ killa rea kəm Ja̰’g 20:3

Yeḛ ilá mee bwa-wəl gə́ ɔr duu’g lé udu təa rḛdə mbiao̰ ɓó gə mba karee su kəm ginkoji dəwje gə raŋg gogo el ŋga saar ləb tɔl-dɔg neelé rudee a kun ɗiao. Gée gə́ gogo ndá tudee kilá ne tar waga ba ɓa gə́ kuma̰.

Loo gə́ killa rea kəm Ja̰’g 7:1

Gée gə́ gogo, m’oo kuraje lə Ala gə́ dara sɔ gə́ d’aar tar dɔ kum naŋg gə́ sɔ’g lé d’wa lel gə́ tel kəmee ula ɓəd-ɓəd loo-sɔ dɔ naŋg nee gə mba karee ula dɔ naŋg nee el ləm, əsé gə dɔ baa-boo-kad’g el ləma, əsé gə dɔ kagje gə́ rara kara el ləm tɔ.

Njéga̰g-Rəwtaje 7:12

Madianje ləm, Amalekje ləma, gə njé gə́ Bər ləm tɔ lé yal na̰ pə mee wəl-loo’g, bula digi-digi to gə́ beedéje bèe ləm, jambalje lə dee kara dum tura to gə́ nagəra gə́ ta baa-boo-kad’g bèe ləm tɔ.

1 Samel 13:5

Pilistije mbo̰ dɔ na̰ mba rɔ gə Israɛlje. Deḛ d’aw gə pusu-rɔje tɔl-dɔg (1.000) ləm, gə njérɔ gə́ gə kundaje tɔl-dɔg-loo-misa̰ (6.000) ləm tɔ, tɔɓəi njérɔje lé bula dum tura asəna gə nagəra gə́ to ta baa-boo-kad’g bèe. Deḛ d’aw d’wa loo-si dee Mikmas, par gə́ bər lə Bet-Aben.