Loo gə́ killa rea kəm Ja̰’g 20:4 - Maktub gə́ To gə Kəmee

⁴ Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.

Loo gə́ killa rea kəm Ja̰’g 20:4 Iomraidhean Croise

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Loo gə́ killa rea kəm Daniel’g 7:18

Nɛ njémeendaje lə Njekurdɔloo ɓa d’a taa ɓeeko̰ ləm, ɓeeko̰ lé a to ka̰ dee-deḛ ya saar-saar gə́ kédé-kédé gə no̰ ləm tɔ.

Loo gə́ killa rea kəm Daniel’g 7:22

saar loo gə́ Dəw gə́ ɓuga yaa̰ lé ree un ndia ar njémeendaje lə Njekurdɔloo lé mba gaŋg rəwta ləm, ar ndəa teḛ kar njémeendaje taa ɓeeko̰ lé gə́ ka̰ dee ləm tɔ.

Loo gə́ killa rea kəm Daniel’g 7:27

Ko̰ɓee ləm, gə dum dɔ loo ləma, gə boo-ronduba lə ɓeeko̰je gə́ dɔ naŋg neelé ləm tɔ lé d’a kar koso-dəwje gə́ to njémeendaje lə Njekurdɔloo lé tɔ. Ko̰ɓee ləa to ko̰ɓee gə́ to gə no̰ ləm, njédumdɔlooje lai d’a ra né karee ləma, d’a kila ne ŋgonkoji dəa’g ləm tɔ.

Loo gə́ killa rea kəm Daniel’g 7:9

Loo gə́ m’aw m’aa loo ɓəi ndá, m’oo kalimbaije gə lée-lée ndá d’ar Dəw gə́ ɓuga yaa̰ si dɔ’g. Kubu ləa tɔ ndá kələw-kələw asəna gə kəwje ləm, yiŋga dəa to asəna gə bḭ badə gə́ àr ŋgad-ŋgad ləm tɔ. Kalimbai ləa to asəna gə ndo̰ pərje ləm, gɔl kalimbaije gə́ to asəna gə gɔl pusu lé o̰ bilim-bilim to gə́ pər bèe ləm tɔ.

Matiyo 19:28

Jeju tel ila dee keneŋ pana: Ma m’ula sí təsərə, ndɔ gə́ d’a gə kar néje lai tel to lée’g béréré lé ɓa Ŋgon-dəw a kuba dɔ kalimbai ndubarɔ ləa gao si’g ndá seḭ gə́ unje goom lad-lad lé seḭje kara a kubaje dɔ kalimbaije gə́ dɔg-giree-joo neelé gao si keneŋ mba gaŋgta dɔ ginkoji Israɛlje gə́ dɔg-giree-joo neelé tɔ.

Matiyo 24:10

Yen ŋga mee ndəa’g neelé dəwje bula d’a tel gogo ndá d’a kun dɔ na̰ ləm, d’a kḛji na̰ bəḭ-bəḭ ləm tɔ.

Mark 6:16

Loo gə́ Herɔdə oo ta neelé ndá yeḛ pana: To Ja̰ Njera-batɛm gə́ ma m’tuga dəa m’gaŋg lé ɓa unda loo teḛ dan njé gə́ d’wəi’g ya.

Mark 6:27

Léegəneeya, yeḛ un ndia ar njerɔ kára gə́ njeŋgəmloo lé aree aw gə tɔgee mba ree gə dɔ Ja̰ Njera-batɛm lé.

Mark 9:11

Njékwakiláje dəjee pana: Gelee ban ɓa njéndaji-maktubje pana: Eli ɓa a ree kédé lé wa.

Lugu 1:17

Yeḛ a kaw no̰ Ala’g gə goo ndil gə siŋgamoŋ gə́ ka̰ Eli mba gɔl ne meḛ bɔ ŋganje kar dee d’wa ne ŋgan deeje gə́ rɔ dee’g ləm, mba gɔl ne meḛ njékaltaje kar dee taa ne kəmkàr lə njémeekarabasurje lé ləm tɔ. Togə́bè ɓa, yeḛ a gɔl dəwje gə mba kar dee to majikojije kar Mbaidɔmbaije ya.

Lugu 14:14

Yen ɓa rɔi a leli ne ɓəi mbata deḛje neelé d’askəm kwa səi noji godə maree’g el, nɛ ndɔ gə́ njémeekarabasurje d’a teḛ bwa-yoo’g ɓa d’a kwa səi noji godə maree’g ɓəi.

Lugu 22:30

mba kar sí sije ta nésɔ’g sɔje gə ta nékai’g aije mee ɓeeko̰’g ləm ləm, gə mba kar sí sije dɔ kalimbaije’g gə mba gaŋgje rəwta lə ginka Israɛlje gə́ dɔg-gir-dee-joo lé ləm tɔ.

Tagə́maji gə́ Ja̰ ndang 14:19

Waga ba bèe ndá dəwje gə́ dɔ naŋg nee d’a koom el ŋga, nɛ seḭ lé seḭ a koomje ya mbata m’isi kəmba ndá seḭ kara a sije kəmba ya tɔ.

Njé gə́ Rɔmə 11:15

Mbata ɓó lé kɔs gə́ Ala ɔs dee ŋgərəŋ lé tel to né gə́ ɔm dəwje lai dɔ naŋg nee na̰’d gə Ala ndá see tel gə́ yeḛ a tel kwa dee gə́ rəa’g lé see a to to gə́ ban wa. See a to kunda loo teḛ mbuna njé gə́ d’wəi’g mba si kəmba lé el wa.

Njé gə́ Rɔmə 8:17

Ɓó lé jeḛ n’to ŋganeeje ndá jeḛ n’to njékiŋga nédɔji síje lé. Ɓó lé jeḛ j’ula rɔ sí ndubu gə Kristi na̰’d gə mba kiŋga səa rɔnduba na̰’d ndá j’a to njékiŋga nédɔjije lə Ala na̰’d gə Kristi tɔ.

2 Timote 2:12

Ɓó lé jeḛ j’ai meḛ sí sam-sam Ndá j’a si səa na̰’d loo-ko̰ɓee’g ləa tɔ. Nɛ ɓó lé j’ɔr rɔ sí gelee’g Ndá yeḛ kara a kɔr rəa rɔ sí’g tɔ.

Loo gə́ killa rea kəm Ja̰’g 1:2

Yee neelé ɔr goo néje lai gə́ yeḛ oo gə́ ta lə Ala ləm, gə ta lə Jeju Kristi ləm tɔ ɓa yeḛ pa taree gə goo rəbee ya.

Loo gə́ killa rea kəm Ja̰’g 1:9

Ma, ŋgoko̰ si gə́ Ja̰ m’to gə́ njeboaloo-si lə si dan néurti’d gə́ ra si ləm, m’ai məəm sam-sam m’ŋgina sə sí ɓeeko̰ lé gin Jeju’g ləm tɔ. Ma nja m’isi gə karm ba dɔgoré-loo gə́ ria ləa lə Patmos. Ta lə Ala gə́ m’ula dee ləm, gə ginta lə Jeju gə́ m’ɔr ləm tɔ lé yee ɓa m’isi ne gə mbəa.

Loo gə́ killa rea kəm Ja̰’g 11:11

Loo gə́ ndɔ munda gə gesee dəs mba̰ ndá kəmə ḭ rɔ Ala’g uru meḛ dee’g ɓa d’ḭ tar ɓəi. Deḛ gə́ d’oo dee lé ɓəl dəb dɔ dee’g rigim.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 11:3

M’a kun ndum kar njékɔrgootaje ləm gə́ joo lé siŋga dee mba kɔr ne goo ta kar ndɔ dee tɔl-dɔg-giree-joo gə dəa rɔ-misa̰, d’a kaar gə kubu-kwa-ndòo rɔ dee’g.

Loo gə́ killa rea kəm Ja̰’g 11:7

Loo gə́ d’a tɔl ŋgaŋ kɔr goo ta lə dee bém mba̰ ndá da gə́ ḭ mee bwa-wəl gə́ ɔr duu’g lé a rɔ sə dee ləm, a dum dee ləma, a tɔl dee ləm tɔ.

Loo gə́ killa rea kəm Ja̰’g 12:11

Məs Ŋgonbad lé ɓa deḛ dumee ne ləm, ginta gə́ deḛ d’ɔr njai ɓa deḛ dumee ne ləm tɔ ndá deḛ d’ya̰ rɔ dee yag d’ar yoo ɓó deḛ ɓəl el.

Loo gə́ killa rea kəm Ja̰’g 14:11

Sa néurti gə́ ra dee lé tuu uba ŋgɔg-ŋgɔg gə ləbee-ləbee saar-saar gə no̰ ləm, deḛ gə́ d’wa darɔ da neelé gə néndaji da lé meḛ dee’g gə nana ɓa gə́ ar dee d’inja ndaji ria ŋgo nea̰’g lé loo-kwa-rɔ dee dan kàrá gə loondul’g godo ləm tɔ.

Loo gə́ killa rea kəm Ja̰’g 15:2

Tɔɓəi ma m’oo né asəna gə tad-mán gə́ dəa ndusu oso ɗəḭ-ɗəḭ bèe ar manee lé pélé gə́ pər ləm, deḛ gə́ dum da gə néndaji ria gə nétura gə́ ka̰ ria lé deḛ d’aar dɔ tad-mán’g neelé kṵdu-ko̰dè to ji dee’g ləm tɔ.

Loo gə́ killa rea kəm Ja̰’g 17:8

Da gə́ m’ée kédé lé ɓasinè yeḛ godo mba̰. Yeḛ a gə kḭ bwa gə́ suna godo ndá a kaw gə́ loo gə́ tuji pugudu’g. Dəwje gə́ dɔ naŋg nee gə́ ndaŋg ri dee mee maktub kəmə’g un kudee mee ndəa gə́ tum ne gin naŋg saar lé el ndá kaar dee a kwa dee paḭ loo gə́ deḛ d’oo da lé mbata yeḛ si gən nɛ yeḛ sané pa tɔɓəi nai dəb ndá a tel ree ɓəi.

Loo gə́ killa rea kəm Ja̰’g 2:26

Yeḛ gə́ a kun baŋga ləm, gə́ un néram gə́ maji ra saar rudu ndəa ləm tɔ lé ndá m’a kun dum karee to dəw dɔ ginkoji dəwje gə raŋg ya.

Loo gə́ killa rea kəm Ja̰’g 20:6

Deḛ gə́ d’a teḛ dɔkumbwa gə́ dɔtar lé rɔ dee a lel dee ləm, d’a to dəwje to gə́ gə kəmee ləm tɔ. Yoo gə́ joo a ɓar ri dee el ŋga, nɛ d’a to njékinjanéməsje lə Ala gə ka̰ Kristi tɔ ndá d’a ko̰ səa ɓee na̰’d as ləb dee tɔl-dɔg.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.

Loo gə́ killa rea kəm Ja̰’g 6:9

Loo gə́ Ŋgonbad lé ɔr nérḛdə ta maktub gə́ njekɔm’g mi lé ndá ma m’oo kankəmrɔ dəwje gə́ tɔl dee mbata lə Ala ləm, gə mbata ginta gə́ deḛ d’ɔr d’ar dəwje d’oo ləm tɔ d’isi ne ta loo-nékinjaməs’g.

Loo gə́ killa rea kəm Ja̰’g 7:3

Naŋg əsé baa-boo-kad əsé kagje lé raje sə dee né gə́ majel kára kara el saar j’a tɔs né ŋgono̰ kuraje’g lə Ala lə sí gə nétorjia ɓa.