Loo gə́ killa rea kəm Ja̰’g 2:7 - Maktub gə́ To gə Kəmee

⁷ Yeḛ gə́ mbia to gən ndá maji karee oo ne ta gə́ Ndil nja ɓa ula Eglisəje. Dəw gə́ a kun baŋga ndá m’a karee sɔ kandə kag kəmə gə́ to mee paradis’g lə Ala lé ya.

Loo gə́ killa rea kəm Ja̰’g 2:7 Iomraidhean Croise

Gḭ-Néje 2:9

Njesigənea̰ Ala ar kagje gə́ gə gel dee gel deḛ lai d’uba dɔ naŋg’d lé, njé gə́ maji kəm dəw’g ləm, gə njé gə́ maji gə́ ka̰ sɔ ləm tɔ. Kag kəmə lé to dan loo-ndɔ’g lé dana bab ləm, kag gə́ wɔji dɔ gər né gə́ maji əsé né gə́ majel kara to keneŋ ləm tɔ.

Gosota-Kəmkàrje 11:30

Kandə njemeekarabasur lé To kag-kəmə ləm, Njekəmkàr lé Taa dɔ dəwje gə́ taa ləm tɔ.

Gosota-Kəmkàrje 13:12

Nékunda-mee-yel gə́ tila gə́ tila lé Mbiri wur dəw gə́ mbiri, Nɛ néndiŋga gə́ dəw iŋga mba̰ lé To asəna gə kag-kəmə.

Gosota-Kəmkàrje 15:4

Ndo̰ gə́ kul yururu lé to kag-kəmə, Nɛ ndo̰ gə́ pata kori-kori lé tuji mee dəw.

Gosota-Kəmkàrje 3:18

Yee to kag-kəmə mbata deḛ lai Gə́ d’wá gə ji dee ləm, Deḛ gə́ d’wá ga̰ lé kara Rɔ dee lel dee ne ləm tɔ.

Ejekel 28:13

Kédé i to asəna gə loo-ndɔ lə Ala mee loo gə́ Edḛ, jərje gə́ gad dee ur kugu gə́ ri dee lə sarduanə, gə topajə, gə diama̰, gə krijolitə, gə onikis, gə jaspə, gə sapir, gə eskarbuklə, gə emerodə, gə larlɔr taa rɔi pəl-pəl, dalèje gə buulaje to gə́ néra kulaje ləi gə́ deḛ gɔl dee d’unda dee pèrèrè d’wɔji ne ndɔ tum gini’g.

Ejekel 31:8

Kag-sɛdrəje gə́ mee ndɔ’g lə Ala maji d’undá el ləm, Kag-siprɛsje d’as gə barkəmeeje el ləma, Kag-platanəje kara to to gə́ barkəmeeje el ləm tɔ, Kag kára kara gə́ mee ndɔ’g lə Ala gə́ kura as səa lé godo.

Matiyo 11:15

Nana ɓa mbia to gən mba koo ne ta neelé ndá maji karee oo ne ya.

Matiyo 13:43

Ndəa neelé rɔ njémeekarabasurje a nduba raŋg-raŋg ɓeeko̰’g lə Bɔ deeje asəna gə kàr gə́ nduba rəa raŋg-raŋg bèe tɔ. Yeḛ gə́ mbia to gən mba koo ne ndá maji karee oo ne ya.

Matiyo 13:9

Yeḛ gə́ mbia to gən ndá maji karee oo ne ta gə́ m’pa nee ya.

Mark 4:9

Tɔɓəi Jeju ula dee pana: Nana ɓa gə́ mbia to gən mba koo ndá maji karee oo ne ya.

Mark 7:15

Né kára kara gə́ ḭ raga oso mee dəw’g lé a kar mee dəw mina̰ ne jɔmri-jɔmri el, nɛ né gə́ ḭ mee dəw’g teḛ raga lé yee ɓa ar dəw mina̰ ne ya.

Mark 7:16

Ɓó lé nana ɓa gə́ mbia to gən ndá maji karee unda mbia oo ne ta neelé ya.

Lugu 23:43

Jeju ndigi təa’g pana: Ma m’ulai kankəmta təsərə ya, ɓogənè ɓa i a si səm na̰’d paradis ya.

Lugu 8:8

Nɛ njé gə́ na̰je teḛ wa naŋg dɔ naŋg gə́ maji’g, loo gə́ yee ḭ ndá andə tɔl-tɔl. Loo gə́ Jeju pata neelé togə́bè mba̰ ndá yeḛ ila boo-ndia naŋg pana: Nana ɓa gə́ mbia to gən gə mba karee oo ne ta ndá maji karee oo ne ya.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

1 Njé gə́ Kɔrḭtə 2:10

Ndil ɓa Ala ar kəm sí inja ne dɔ néje’g neelé. Mbata Ndil neelé teg néje lai wɔgədɔ-wɔgədɔ, meekuru lə Ala gə́ suna godo nja kara yeḛ teg ləm tɔ.

2 Njé gə́ Kɔrḭtə 12:4

Ma nja m’gər gao, né unee ŋgə̰dərə saar aw uru səa paradis ndá yeḛ oo ta gə́ dumkoo keneŋ gə́ dəw askəm pa taree el lé.

1 Ja̰ 2:13

Bɔ-ŋganje, ma m’ndaŋg maktub nee m’ar sí mbata seḭ gərje yeḛ gə́ si kédé gə́ dɔtar lé saar ya. Basaje, ma m’ndaŋg maktub nee m’ar sí mbata njekurai lé seḭ dumeje mba̰. Ŋganəmje, ma m’ndaŋg maktub nee m’ar sí mba̰ mbata seḭ gərje Bɔ-dəwje lé mba̰ tɔ.

Loo gə́ killa rea kəm Ja̰’g 13:9

Ɓó lé nana ɓa gə́ mbia to gən ndá maji karee oo ne ta nee lé ya

Loo gə́ killa rea kəm Ja̰’g 14:13

Ma m’oo ndu dəw ɓar dara pana: Maji kam m’ndaŋg ta nee mee maktub’g pana: Un kudee ɓasinè lé deḛ gə́ d’wəi gel Mbaidɔmbaije’g ndá rɔ dee a lel dee ya. Ndil lé pa bèe to pana: Oiyo, mba kar dee d’wa rɔ dee ta kula’g lə dee mbata kula ra dee gə́ maji lé orè goo dee ndəŋ.

Loo gə́ killa rea kəm Ja̰’g 15:2

Tɔɓəi ma m’oo né asəna gə tad-mán gə́ dəa ndusu oso ɗəḭ-ɗəḭ bèe ar manee lé pélé gə́ pər ləm, deḛ gə́ dum da gə néndaji ria gə nétura gə́ ka̰ ria lé deḛ d’aar dɔ tad-mán’g neelé kṵdu-ko̰dè to ji dee’g ləm tɔ.

Loo gə́ killa rea kəm Ja̰’g 2:11

Yeḛ gə́ mbia to gən ndá maji karee oo ne ta gə́ Ndil ɓa ula Eglisəje: Nana ɓa gə́ un baŋga ndá yoo gə́ joo a kula kəmee ndòo el ŋga.

Loo gə́ killa rea kəm Ja̰’g 2:17

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje: Yeḛ gə́ a kun baŋga ndá m’a karee muru gə́ ḭ dara gə́ to loo-kiya’g ɓəi ləm, m’a karee j’ər gə́ nda ləm tɔ. Dɔ jər gə́ nda lé d’a ndaŋg ria gə́ sigi gə́ dəw kára kara gər el lé keneŋ, yeḛ gə́ njekiŋga ri lé ɓa a gər.

Loo gə́ killa rea kəm Ja̰’g 21:7

Yeḛ gə́ a kun baŋga ndá a kiŋga néje neelé: n’a to gə́ Ala ləa ləm, yeḛ a to gə́ ŋgon neḛ ləm tɔ.

Loo gə́ killa rea kəm Ja̰’g 22:14

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.

Loo gə́ killa rea kəm Ja̰’g 22:17

Ndil lé gə njeŋgao-sigi lé pata pana: Maji kari gə́ ree. Yeḛ gə́ oo maji ndá aree pa togə́bè tɔ pana: Maji kari gə́ ree. Yeḛ gə́ kṵdaman tɔlee ndá maji karee ree taa mán kəmə gə́ aḭ teḛ kuji-kuji lé ai, m’a karee gə́ kar ya ɓó yeḛ a ndogo el.

Loo gə́ killa rea kəm Ja̰’g 22:2

Dan mee ɓee-boo gə́ dana bab ləm, gə dɔ koŋgo baa-boo’g loo joo bɔr ya ləm tɔ lé kag kəmə to keneŋ. Kag kəmə neelé andə gə ka̰dee gə lée-lée gə naḭ kára-kára naḭ dɔg-giree-joo ləm, kamee ɓa to gə́ kuma̰ kaji ginkoji dəwje gə raŋg dɔ naŋg nee ləm tɔ.