Loo gə́ killa rea kəm Ja̰’g 2:19 - Maktub gə́ To gə Kəmee

¹⁹ Ma m’oo nérai ləm, gə meenoji ləi ləm, gə meekun ləi ləm, gə ŋgonkoji ləi ləm, gə meekai sam-sam ləi ləma, gə kula rai gə́ i ra gogo bula unda njé gə́ kédé ləm tɔ.

Loo gə́ killa rea kəm Ja̰’g 2:19 Iomraidhean Croise

Maktub gə́ wɔji dɔ Jɔb 17:9

Lé bèe kara njera nédana aar njaŋg dɔ rəw-kabee’g ləm, Yeḛ gə́ njiá àr ŋgad-ŋgad lé siŋgá ḭ dɔ maree’d gə́ kédé-kédé ləm tɔ.

Pakɔsje 92:14

Maa̰ gə́ ma̰a dee mee kəi’g lə Njesigənea̰ lé Ar dee teḛkɔr mee gadlooje’g lə Ala lə sí.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Lugu 1:23

Loo gə́ ndɔ ra néje ləa lé godo mba̰ ndá yeḛ rəm aw mee kəi’g ləa.

Tagə́maji gə́ Ja̰ ndang 15:2

Barkəm nduú gə́ rara gə́ uba kaarm’g ɓa andə el ndá yeḛ tuga badə-badə gaŋg, nɛ barkəm gə́ rara ɓa gə́ andə ndá yeḛ rəa bur-bur gə mba karee andə unda njé gə́ kédé.

Njé gə́ Kolosə 3:14

Né gə́ ur dɔ néje’g lai lé ulaje rɔ sí dan meenoji’g, yee ɓa to kúla gə́ tuga sí na̰’d keg-keg.

1 Njé gə́ Tesalonikə 3:6

Nɛ ɓasinè Timote ḭ rɔ sí’g tel ree iŋga sí ndá yeḛ ula sí ta gə́ maji gə́ wɔji dɔ meekun lə sí ləm, gə meenoji lə sí ləm tɔ. Yeḛ ula sí pana: Kaw gə́ j’aw rɔ sí’g kédé lé seḭ la̰jije toree meḛ sí’g ta-ta gə meendakaḭ ar mal koo síjeḛ ra sí-seḭ ŋgwɔd-ŋgwɔd to gə́ jeḛ kara mal koo sí-seḭ ra síjeḛ ŋgwɔd-ŋgwɔd togə́bè ya tɔ.

2 Njé gə́ Tesalonikə 1:3

Ŋgako̰ síje, jeḛ j’oo loo gə mba ra Ala oiyo ta-ta mbata lə sí, yee ɓa to lée’g ya, mbata meekun lə sí teḛ boo, ḭ ne dɔ maree’g gə́ kédé-kédé ya ləm, seḭje kára kara lai seḭ undaje na̰ dan kəm na̰’d waje ne noji gə́ kédé-kédé ləm tɔ.

1 Timote 1:5

Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

1 Piɛrə 4:8

Ta gə́ ur dɔ taje lai lé: Undaje na̰ dan kəm na̰’d gə meenda londoŋ mbata meenoji lé ɔn dɔ kaiyaje bula.

2 Piɛrə 1:7

mba kar kunda na̰ dan kəm na̰’d orè goo néra gə́ aw gə goo ka̰ Ala ləma, mba kar meenoji orè goo kunda na̰ dan kəm na̰’d ləm tɔ.

2 Piɛrə 3:18

Nɛ maji kar sí tɔgje dɔ noji’g lə Mbaidɔmbaije Jeju Kristi, Njekaji sí ləm, gə dɔ gər ndiaa’g ləm tɔ. Maji kula rɔnduba dəa’g ɓasinè ləm gə saar gə́ ləbee-ləbee gə no̰ ləm tɔ. Amen!

Loo gə́ killa rea kəm Ja̰’g 2:13

Ma m’oo loo-sii ləm, ma m’gər gao kalimbai lə Njekurai to keneŋ ləm tɔ. I wa rim kɔgərɔ ləm, ndɔ tɔl Antipas, njekɔrginta ləm gə́ to majikoji gə́ deḛ tɔlee ɓee lə sí loo gə́ loo-si Njekurai to keneŋ kara i ya̰ goo meekun ləi el ləm tɔ.

Loo gə́ killa rea kəm Ja̰’g 2:9

Ma m’oo néurti gə́ rai ləm, gə ndòo gə́ teḛ dɔi’g ləm tɔ, nɛ i to gə́ bao ɓəi. Deḛ gə́ gaŋgta d’ɔm tai’g ləm, gə deḛ gə́ ɓar rɔ dee Jibje ɓa deḛ to gə́ Jibje el nɛ deḛ nja to gə́ kəi-kwa-dɔ-na̰ lə Njekurai ləm to lé ma m’oo dee gao ya tɔ.