Loo gə́ killa rea kəm Ja̰’g 2:17 - Maktub gə́ To gə Kəmee

¹⁷ Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje: Yeḛ gə́ a kun baŋga ndá m’a karee muru gə́ ḭ dara gə́ to loo-kiya’g ɓəi ləm, m’a karee j’ər gə́ nda ləm tɔ. Dɔ jər gə́ nda lé d’a ndaŋg ria gə́ sigi gə́ dəw kára kara gər el lé keneŋ, yeḛ gə́ njekiŋga ri lé ɓa a gər.

Loo gə́ killa rea kəm Ja̰’g 2:17 Iomraidhean Croise

Pakɔsje 25:14

Takə̰ji lə Njesigənea̰ gə́ to loo-kiya’g lé To mbata deḛ gə́ ɓəlee, Mba kar dee gər ne ta manrɔ ləa lé.

Pakɔsje 36:8

Ǝi Ala, meemaji ləi gə́ al dɔ loo sula lé M’oo gə́ né gə́ to ŋgonkəm bèe ya! Ndil bagee ɓa dəwje saŋg njo̰loo-kula-dɔ dee keneŋ.

Teḛ-Raga 16:33

Moyis ula Aaro̰ pana: Un jo kára ɔm muru gə́ ḭ dara lé keneŋ as ŋgo kára aree rusu ndá unda no̰ Njesigənea̰’g gə mba ŋgəm mbata lə ŋgaka síje gə́ kédé-kédé.

Gosota-Kəmkàrje 14:10

Dəw ya ɓa gər némeeko̰ gə́ to mée’g, Dəw gə́ raŋg a korè səa na̰ dɔ rɔlel’g ləa el.

Gosota-Kəmkàrje 3:32

Mbata dəwje gə́ njéra né kori-korije lé Njesigənea̰ oo dee gə́ né gə́ mina̰ Nɛ yeḛ to baokura lə dəwje gə́ njéra nédanaje.

Esai 56:4

Mbata Njesigənea̰ pata togə́bè pana: Njékujije gə́ d’a kaa dɔ ndɔ-kwa-rɔ ləm ləm, Gə́ d’a mbər néje gə́ taa kəm rəgm ləma, Gə́ d’a kaar dɔ manrɔ’g ləm njaŋg ləm tɔ

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 62:2

Togə́bè ɓa ginkoji dəwje gə raŋg d’a koo kaji ləi ləm, Mbaije d’a koo rɔnduba ləi ləm tɔ Ndá d’a ɓari gə rii gə́ sigi Gə́ ta Njesigənea̰ ɓa a teḛ kunda ne dɔi’g.

Esai 65:13

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, kuraje ləm d’a sɔ né, Nɛ ɓó a ra sí-seḭ, Aa ooje, kuraje ləm d’a kai mán, Nɛ seḭ lé kṵdaman a ra sí, Aa ooje kuraje ləm d’a kal rɔ dee, Nɛ seḭ lé rɔkul a dəb dɔ sí’g,

Esai 65:15

Seḭ a kya̰je ri sí Karee to gə́ nékubu rɔ lə koso-dəwje ləm Gə́ m’unda dee gə kəmee, Mbaidɔmbaije gə́ Njesigənea̰ a kar sí wəije mburug Ndá yeḛ a kar kuraje ləa ri gə́ raŋg.

Matiyo 13:11

Jeju tel ila dee keneŋ pana: Seḭ nja, d’ar kəm sí inja mba kar sí gərje ne ta lə ɓeeko̰ gə́ dara gə́ to loo-kiya’g ɓəi, deḛ lé d’ar kəm dee inja dɔ’g el ɓəi.

Mark 7:16

Ɓó lé nana ɓa gə́ mbia to gən ndá maji karee unda mbia oo ne ta neelé ya.

Tagə́maji gə́ Ja̰ ndang 4:32

Nɛ yeḛ ila dee keneŋ pana: Nésɔm-ma to keneŋ gən gə mba karm m’usɔ ya, nɛ seḭ ɓa gərje el.

1 Njé gə́ Kɔrḭtə 2:14

Dəw gə́ ə̰ji néje gə́ ka̰ dakasrɔ mée’g ndá a taa néje gə́ ka̰ Ndil Ala lé el, to némbə kəmee’g. Yeḛ askəm gər el mbata dəw gə́ Ndil Ala to mée’g ɓa askəm gər gelee ɓəi.

Njé gə́ Kolosə 3:3

Mbata seḭ wəije mba̰ ndá kɔm gə́ seḭ ɔmje na̰’d gə Kristi lé seḭ ulaje kəmə lə sí rɔ Ala’g pḛ́.

Loo gə́ killa rea kəm Ja̰’g 14:3

Deḛ d’ɔs pa gə́ sigi no̰ kalimbai’g ləm, gə no̰ nékundaje gə́ d’aw kəmba sɔ lé ləma, gə no̰ ŋgatɔgje’g lé ləm tɔ. Dəw kára kara askəm ndoo pa neelé el, nɛ deḛ gə́ tɔl-dɔg-loo-tɔl gə dɔ dee 44 lé deḛ gə́ dɔ naŋg nee gə́ d’uga dɔ dee ɓa d’askəm ndoo pa nee ya.

Loo gə́ killa rea kəm Ja̰’g 19:16

Ri dəw ɓa ndaŋg kubu’g ləa ləm, gə biŋgee’g ləm tɔ pana: Mbai gə́ ur dɔ mbai mareeje’g ləm, gə Mbaidɔmbaije ya ləm tɔ.

Loo gə́ killa rea kəm Ja̰’g 2:11

Yeḛ gə́ mbia to gən ndá maji karee oo ne ta gə́ Ndil ɓa ula Eglisəje: Nana ɓa gə́ un baŋga ndá yoo gə́ joo a kula kəmee ndòo el ŋga.

Loo gə́ killa rea kəm Ja̰’g 2:7

Yeḛ gə́ mbia to gən ndá maji karee oo ne ta gə́ Ndil nja ɓa ula Eglisəje. Dəw gə́ a kun baŋga ndá m’a karee sɔ kandə kag kəmə gə́ to mee paradis’g lə Ala lé ya.

Loo gə́ killa rea kəm Ja̰’g 3:22

Nana ɓa gə́ mbia to gən ndá maji karee oo ne ta gə́ Ndil ula Eglisəje ya.

Loo gə́ killa rea kəm Ja̰’g 3:6

Nana ɓa gə́ mbia to gən ndá maji karee oo ta gə́ Ndil ɓa ula Eglisəje.