Loo gə́ killa rea kəm Ja̰’g 19:8 - Maktub gə́ To gə Kəmee

⁸ D’un ndu dee gə mba karee ula kubu gə́ d’ṵji gə kúla palégal gə́ ndɔḭ ləd-ləd ləm, gə́ ndá kələw-kələw ləm tɔ lé rəa’g. Mbata kubu gə́ d’ṵji gə kúla palégal lé yee ɓa wɔji dɔ néra gə́ gə dɔ najee lə dee gə́ to gə kəmee.

Loo gə́ killa rea kəm Ja̰’g 19:8 Iomraidhean Croise

Pakɔsje 132:9

Maji kar njékinjanéməsje ləi lé Dolè rɔ dee gə meekarabasur ləm, Maji kar majikojije ləi lé Ra né wəl gə rɔlel ya ləm tɔ.

Gosota-Kəmkàrje 31:22

Yeḛ ṵji bel-kubuje gə́ ndər mbata ləa-yeḛ ləm, Kubuje ləa-yeḛ to kubu gə́ ra gə kúla palégal gə́ maji ləm, Gə ndajee ndul piro-piro ləm tɔ.

Esai 3:23

Gə nékoo-kəmje ləm, gə kubu-kaar gə́ ra gə kúla palégal ləm, Gə jɔg-kula-dɔ’g ləma, gə kubu gə́ ka̰ kila dɔ maree’g ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Ejekel 16:10

Neḛ n’ari ula kubuje gə́ d’ɔs ndaji ta’g ləm, n’ula négɔl ndar gə́ ndər gɔli’g ləm tɔ, tɔɓəi neḛ n’tɔ ɓəri gə ta-kubu gə́ d’ṵji gə kúla palégal ləm, n’ila kubu gə́ bḭ-maji dɔi’g ləm tɔ.

Ejekel 44:17

Loo gə́ d’a kandə tarəwje gə́ mee gadloo gə́ kəi kɔrɔg lé ndá d’a kula kubu gə́ d’ṵji gə kúla palégal rɔ dee’g, loo gə́ d’a kaar loo-kula’g tarəwje gə́ mee gadloo gə́ kəi kɔrɔg ləm, gə mee kəi’g ləm tɔ lé kubu gə́ d’ṵji gə bḭ badə kára kara a to rɔ dee’g el.

Matiyo 17:2

Rea tel ndɔḭ ar ŋgo nea̰ gə kwɔji kəmee ndɔḭ wər-wər asəna gə kàr ləm, kubuje ləa kara tel ndá ɔr njɔl-njɔl ləm tɔ.

Matiyo 22:12

Mbai lé dəjee pana: Kuramarm, see ban ɓa aw gə́ loo-naḭ’g nee ndá lal kula kubu-naḭ rɔi’g wa. Diŋgam neelé ta igee sel aree si jim.

Mark 9:3

Kubu ləa tel ndá ndogó jol-jol ɓó njerakubu karee ndá gə́ rara kara dɔ naŋg nee a ra karee ndá oso gée’g godo.

Lugu 24:4

To gə́ deḛ d’ə̰ji bea pi d’aar jim ndá aa oo, dəwje joo gə́ d’ula kubu gə́ ndoolé yḛd-yḛd rɔ dee’g lé teḛ kəm dee’g təsərə-təsərə.

Néra Njékaḭkulaje 1:10

Loo gə́ d’aar d’aa gée gə́ dara sɔmɔmo̰ ndá dəwje joo gə́ d’ula kubu gə́ nda rɔ dee’g d’uba dee naŋg bus

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.

Loo gə́ killa rea kəm Ja̰’g 15:6

Kuraje gə́ dara gə́ siri gə́ d’isi gə tuji-boo gə́ siri lé d’unda loo mee kəi-Ala’g teḛ raga. Kubu gə́ d’ṵji gə kúla palégal gə́ àr ŋgad-ŋgad ləm, ndɔḭ yaa̰ ləm tɔ lé to rɔ dee’g ndá d’wa kaar dee gə ndar gə́ ra gə larlɔr tɔ.

Loo gə́ killa rea kəm Ja̰’g 19:14

Njéboo-rɔje gə́ dara lé d’al kunda-ndulije ndolè ne gée ləm, kubu gə́ d’ṵji gə kúla palégal gə́ ndá kələw-kələw gə àr ŋgad-ŋgad lé to rɔ dee’g ləm tɔ.

Loo gə́ killa rea kəm Ja̰’g 3:18

Ma m’ndəjii mba kari ndogo səm larlɔr gə́ deḛ neán pərə mba kar siḭyee teḛ mée’g mba tel to ne bao ləm, mba kari ndogo səm kubu gə́ nda mba kula rɔi’g kar kudi gə́ to dum lé rɔkulee a godo ləm, mba kari ndogo səm kuma̰ rii ne kəmi ɓó gə oo ne loo ləm tɔ.