Loo gə́ killa rea kəm Ja̰’g 19:7 - Maktub gə́ To gə Kəmee

⁷ Ar sí n’raje rɔlel, ar sí j’alje ne rɔ sí ləma, ar sí j’ulaje rɔnduba dəa’g ləm tɔ, mbata ndɔ ra naḭ taa dené lə Ŋgonbad lé kàree teḛ mba̰ ndá dené ləa wa dɔ gɔl rəa mbata ndɔ-naḭ lé mba̰ tɔ.

Loo gə́ killa rea kəm Ja̰’g 19:7 Iomraidhean Croise

Pakɔsje 107:42

Dəwje gə́ njéra nédanaje lé D’oo ndá d’al ne rɔ dee Nɛ néra gə́ kori-kori ɔg dəw loo pata.

Pakɔsje 48:11

Ǝi Ala, to gə́ rii ɓar ɔr loo lɔi-lɔi lé Ta pidii kara ɓar ɔr loo lɔi-lɔi dɔ naŋg nee tɔ. Néra gə́ to gə dɔ najee lé taa mee jikɔli pəl-pəl.

Pakɔsje 9:14

Njesigənea̰, maji kari oo kəm lootondoo’g ya kari, Oo némeeko̰ gə́ njéba̰je ləm d’am m’isi danee’g, Maji kari ɔrm tarəwkɔg’d lə yoo,

Gosota-Kəmkàrje 29:2

Loo gə́ njémeekarabasurje d’ḭ dɔ maree’d gə́ kédé-kédé ndá Koso-dəwje d’isi dan rɔlel’g, Loo gə́ njemeeyèr o̰ ɓee ndá Koso-dəwje tila meḛ dee pugudu-pugudu.

Pa gə́ ur dɔ paje 3:11

Ŋgama̰dje gə́ Sio̰, Maji kar sí teḛje raga ooje Mbai Salomo̰ gə dɔgugu-mbai Gə́ kea̰je ula dəa’g Ndɔ ra naḭ taa dené’g ləa lé To ndɔ gə́ rəa lelee dɔɓəŋgəree’g ya.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 62:5

To gə́ basa ɔm ne na̰’d Gə ŋgoma̰də gə́ gər ŋgaw el ɓəi bèe lé Ŋganije gə́ diŋgam d’a kɔm səi na̰’d togə́bè tɔ. To gə́ njedené-sigi ra ne rɔlel dɔ dené’g ləa bèe lé I a to nérɔlel lə Ala togə́bè tɔ.

Esai 66:10

Seḭ lai gə́ undaje Jerusalem dan kəm sí’g lé Raje səa rɔlel ləm, Areeje to gə́ nékalrɔ lə sí ləm tɔ. Seḭ lai gə́ waje ndòo-yée lé Talje səa jagəra-jagəra gə rɔlel,

Esai 66:14

Seḭ a kooje ndá meḛ sí a lel sí ləm, Siŋga rɔ sí kara a ŋgəŋ ne ŋgəŋ-ŋgəŋ To gə́ mu gə́ idi bèe ləm tɔ. Njesigənea̰ a riba dɔ siŋgamoŋ ləa rɔ kuraje’g ləa Nɛ yeḛ a kar njéba̰je ləa d’oo oŋg-boo ləa.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 1:20

Loo gə́ yeḛ si ə̰ji taree mée’g bèe ɓəi ndá né gə́ mḭdi ɓa kura lə Mbaidɔmbaije gə́ dara teḛ ne dəa’g ulá ne pana: Jisəb, ŋgon Dabid, maji kari ɓəl mba taa Mari gə́ dené ləi el mbata kèm gə́ to mée’g lé to ka̰ Ndilmeenda ya. Yeḛ a koji ŋgon gə́ diŋgam ndá i a kunda ria lə Jeju.

Matiyo 22:2

Ɓeeko̰ gə́ dara lé to asəna gə mbai gə́ ra muru gad kunda dené lə ŋgonee kəi-ŋgaw’g.

Lugu 12:36

Seḭje lé maji kar toje asəna gə kuraje gə́ d’isi ŋgina ɓée deeje gə́ a kḭ loo ra naḭ kunda dené kəi-ŋgaw’g lé ɓó gə mba kɔr takəi karee loo gə́ yeḛ a ree kunda tabidi rəw-kəi lé tɔ.

Tagə́maji gə́ Ja̰ ndang 3:29

Dəw gə́ njedené-sigi, deḛ gə dené ləa d’wa boa gə na̰, nɛ baokura lə njedené-sigi gə́ aar keneŋ oo ndu sor ləa ndá rəa lelee yaa̰ mbata ndu sor gə́ yeḛ oo lé. Togə́bè rɔlel ləm-ma kara ɔr jol-jol tɔ.

2 Njé gə́ Kɔrḭtə 11:2

Mbata kəm əḭ dɔ sí’g gə kəmkəḭ ka̰ Ala. Ma m’ar sí taaje Kristi gə́ ŋgaw-kar gə mba kam m’teḛ sə sí rɔ Kristi asəna gə ŋgoma̰də gə́ rəa àr ŋgad-ŋgad gə́ gər ŋgaw el ɓəi.

Njé gə́ Epesə 5:23

mbata ŋgaw dené to dəw dɔ dené ləa to gə́ Kristi kara to ne dəw dɔ Eglisə gə́ to darəa-yeḛ ləm, yeḛ nja gə́ njekajee ləm tɔ.

Njé gə́ Epesə 5:32

Ta neelé to gə ndəree ɓəi, yee ɓa ma m’pa m’wɔji ne dɔ Kristi gə dɔ Eglisə tɔ.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Loo gə́ killa rea kəm Ja̰’g 11:13

Mee kàree’g neelé naŋg yə ɓugu-ɓugu ndá dəb ɓee-boo lé tuji loo-kára ndá debeeje nai jinaikara. Dəwje tɔl-dɔg-loo-siri d’wəi keneŋ ndá dɔkal deeje gə́ nai lé ɓəl yaa̰ ləm, d’ula ne rɔnduba dɔ Ala’g gə́ si dara lé ləm tɔ.

Loo gə́ killa rea kəm Ja̰’g 19:9

Kura gə́ dara lé ulam pana: Ndaŋ maktub ula dee ne pana: Deḛ gə́ d’a ɓar dee loo naḭ taa na̰’g lə Ŋgonbad lé rɔ dee a lel dee. Yeḛ ulam tɔɓəi pana: Ta neelé to gə́ kankəmta lə Ala ya.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.

Loo gə́ killa rea kəm Ja̰’g 21:9

Tɔɓəi kura gə́ dara gə́ mbuna mareeje gə́ siri gə́ d’aar gə baije gə́ siri gə́ rudu boo-oŋg to keneŋ lé ulam ta pana: Maji kari gə́ ree, m’a kari oo njeŋgao-sigi, yeḛ gə́ to dené lə Ŋgonbad lé.

1 Samel 2:1

An ra tamaji pana: Meem gə́ kəi ra rɔlel dɔ Njesigənea̰’g. Mbɔl dɔ Njesigənea̰ ɓa Siŋgam ḭ ne dɔ maree’g. M’teḛ tam m’oma̰ ne gə njéba̰je ləm Mbata ma m’al rɔm gə mba la gə́ i la səm lé.