Loo gə́ killa rea kəm Ja̰’g 18:9 - Maktub gə́ To gə Kəmee

⁹ Mbaije gə́ dɔ naŋg nee lai gə́ ndal səa mɔdkaiya ləm, d’uru səa na̰’d dan némajije gə́ d’al dɔ loo sula ləm tɔ lé d’a no̰ gə mán-no̰ kəm dee’g sii ne mbigi-mbigi mbata ləa loo gə́ d’a koo sa pər gə́ rée lé.

Loo gə́ killa rea kəm Ja̰’g 18:9 Iomraidhean Croise

Gḭ-Néje 19:28

Yeḛ un kəmee aa loo par gə́ Sɔdɔm gə Gɔmɔr gə loo lai gə́ to ndag-loo’g lé ndá aa oo, yeḛ oo sa pər ḭ naŋg uba ŋgɔg-ŋgɔg asəna gə sa pər mbo-boo bèe.

Pakɔsje 58:10

Ɓad ɓa kar ŋgoroje lə sí d’oo ŋgəw kag gə́ təb əsé yeḛ gə́ taa pər lé Lel-mal a sa dee rəw.

Esai 13:19

Babilɔn, i gə́ to nérɔnduba lə ɓeeko̰je ləm, Gə né rɔndɔḭ lə Kaldeje ləm tɔ lé I a tel to kasəna gə Sɔdɔm gə Gɔmɔr Gə́ Ala tuji dee lé.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Jeremi 50:40

A to asəna gə Sɔdɔm gə Gɔmɔr Gə ɓee-booje gə́ gugu dɔ dee sub Gə́ Ala tuji dee pugudu lé. Njesigənea̰ ɓa pa bèe. Dəw kára kara a si keneŋ Gɔgo el ŋga ləm, Dəw a ra ɓee keneŋ nda̰ el ləm tɔ.

Jeremi 50:46

Kaa taa gə́ deḛ taa Babilɔn lé Ɓar ar naŋg yə, Ndu kii ɓar birim-birim Mbuna ginkoji dəwje gə raŋg’g.

Jeremi 51:8

Kalaŋ bèe ya ndá Babilɔn oso guru rug-rug! Tuma̰je ŋgururu-ŋgururu gə mbəa, Ɔmje no̰-kag gə́ ra gə kuma̰ ta doo’g ləa, Banelə yee a kər kəmsə.

Ejekel 27:35

Dəwje lai gə́ dɔgoré-looje’g lé D’wa dɔ dee jiim mbata ləi ləm, Ɓəl-boo unda mbaije lə dee badə gaŋg dee ləma, Kəm dee tel wagəsa ləm tɔ.

Loo gə́ killa rea kəm Daniel’g 4:14

Rəwta-gaŋg neelé to godndu kuraje gə́ dara. Né gə́ d’wɔji-kwɔji ra neelé to ndukun lə deḛ gə́ to gə kəmee mba kar dəwje gə́ d’isi kəmba lé gər ne to gə́ Njekurdɔloo o̰ ɓee dɔ ko̰ɓee’g lə dəwje lai ləm, dəw gə́ yeḛ wɔjee mée’g ɓa yeḛ aree ɓeeko̰ ləma, dəw gə́ oso kul unda mareeje lai kara lé yeḛ ɔree undá keneŋ ləm tɔ.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.

1 Timote 5:11

Nɛ ɔs njékəisiŋgaje gə́ nai ma̰də lé rəw mbata deḛ lé loo gə́ malee ra dee ar dee ndigi kuba Kristi kyá̰ ndá ndigi taa ŋgaw gə́ raŋg.

Loo gə́ killa rea kəm Ja̰’g 14:11

Sa néurti gə́ ra dee lé tuu uba ŋgɔg-ŋgɔg gə ləbee-ləbee saar-saar gə no̰ ləm, deḛ gə́ d’wa darɔ da neelé gə néndaji da lé meḛ dee’g gə nana ɓa gə́ ar dee d’inja ndaji ria ŋgo nea̰’g lé loo-kwa-rɔ dee dan kàrá gə loondul’g godo ləm tɔ.

Loo gə́ killa rea kəm Ja̰’g 17:2

Yeḛ nja ɓa mbaije gə́ dɔ naŋg nee ra səa kaiya ndá dəwje dɔ naŋg nee d’ai mán-nduú gə́ wɔji dɔ kaiya rəa aree tɔl dee ne tɔ.

Loo gə́ killa rea kəm Ja̰’g 18:18

ndá loo gə́ deḛ d’oo sa pər gə́ rée ne ndá deḛ no̰ u-u-u pana: Ɓee-boo lé see garee gə́ tana səa to ra wa.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

Loo gə́ killa rea kəm Ja̰’g 18:3

Mbata ginkoji dəwje gə raŋg lai d’ai oŋg-boo, yee ɓa gə́ mɔdkaiya ləa gə́ mbaije gə́ dɔ naŋg nee ra səa lé tɔ. Njételkəmlarje kara nébaoje lə dee ur dɔ maree’g gə́ kédé-kédé gə goo nébao lə kaiya-dené gə́ turu dɔ loo lé.

Loo gə́ killa rea kəm Ja̰’g 18:7

Kɔs gə́ yeḛ ɔs gaji rəa ɓa uru ne dan némajije gə́ d’al dɔ loo sula ɓəi lé areeje uga gə néurti gə kəmndooyoo togə́bè tɔ. Mbata yeḛ ə̰ji ta mée’g pana: N’isi n’to mbai gə́ dené ləm, neḛ n’to gə́ dené nduba el ləm, kəmndooyoo a teḛ dɔ neḛ’g el ŋga ləm tɔ.

Loo gə́ killa rea kəm Ja̰’g 19:3

Deḛ pa gə́ gɔl joo ɓəi pana: Aleluia! Ndá sa pər ləa tuu gə ləbee-ləbee saar gə no̰.

Loo gə́ killa rea kəm Ja̰’g 2:22

Aa oo, m’a gə kwá kilá dɔ tira’g ndá deḛ gə́ ndalee gə mɔdkaiya lé ɓó lé d’wa ndòo rɔ dee dɔ néra gə́ yèr’g lə dee el ndá m’a kar néurti ra dee yaa̰.