Loo gə́ killa rea kəm Ja̰’g 18:8 - Maktub gə́ To gə Kəmee

⁸ Gelee gə́ nee ɓa tuji-booje d’a koso ne dəa’g mee ndɔ gə́ kára ba’g ya as bèe: yoo ləm, gə kəmndooyoo ləma, gə yoo-ɓoo ləm tɔ ndá pər ɓa d’a rée ne. Mbata Mbaidɔmbaije Ala gə́ njesiŋgamoŋ lé gaŋg rəwta dəa’g ya.

Loo gə́ killa rea kəm Ja̰’g 18:8 Iomraidhean Croise

Maktub gə́ wɔji dɔ Jɔb 9:19

See maskəm pata gə siŋgam wa. Yeḛ lé to njesiŋgamoŋ ya. See m’a kaw səa loo-gaŋg-rəwta’g wa. Ŋga see na̰ ɓa a ɓarm kam m’aar nea̰’g wa.

Pakɔsje 62:11

Undaje meḛ sí dɔ néraje gə́ kərm-kərm’g el ləm, Undaje meḛ sí yel dɔ né gə́ taa gə buguru’g el ləm tɔ. Loo gə́ nébaoje un kudu kḭ dɔ maree’d gə́ kédé-kédé ndá Undaje meḛ sí yel gə́ dɔ’g el.

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Esai 9:14

(Ŋgatɔgje gə njekoogootaje ɓa to gə́ dɔ Israɛlje ləm, Njetegginta gə́ ndoo dəwje taŋgɔm lé ɓa to gə́ ɓoŋ dee ləm tɔ.)

Jeremi 50:31

Aa oo, i gə́ njebeelé lé m’aw səi gə ta! Mbata ndɔ ləi teḛ mba̰, To kàr kar bo̰ nérai ɔs tai’g, Mbaidɔmbaije gə́ Njesigənea̰ Le bao-rɔje ɓa pa bèe.

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Jeremi 51:58

Njesigənea̰ lə bao-rɔje lé Pa togə́bè pana: Ndògo-bɔrɔ gə́ Babilɔn gə́ tad rəg-rəg lé A təd kərm-kərm ləm, Tarəwkɔgje ləa gə́ ndəw lé Pər a roo dula-dula ləm tɔ, Togə́bè ɓa koso-dəwje D’ula ne rɔ dee ndubu kari ba ləm, Ginkoji dəwje gə raŋg Dao ne dao-dao ləm tɔ Nɛ pər ɓa roo kula ra dee.

Jeremi 51:6

Ḭje Babilɔn aḭje ləm, Maji kar nana kara taa rəa ta yoo’g ləm tɔ Nà banelə seḭ a tujije səa na̰’d! Mbata to kàr dalba̰ lə Njesigənea̰, Yeḛ a ra səa né gə goo kula reaje.

Joɛl 2:11

Njesigənea̰ pata ar dee d’oo ndia no̰ bao-rɔje’g ləa, Mbata loo-siée un loo lad-lad, Njekar ta ləa aw lée’g béréré lé To Njesiŋgamoŋ, Mbata ndɔ lə Njesigənea̰ lé To ndɔ gə́ boo ləm, to ɓəl kədm-kədm ləm tɔ, See na̰ ɓa a kaskəm kaar dɔ gɔlee’g njaŋg wa.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.

Loo gə́ killa rea kəm Ja̰’g 11:17

Deḛ pana: Mbaidɔmbaije Ala gə́ njesiŋgamoŋ, i gə́ si keneŋ kédé gə́ dɔtar lé jeḛ n’rai oiyo yaa̰ mbata i ḭ gə boo-siŋgamoŋ ləi taa ne ɓeeko̰ ləi o̰ ya.

Loo gə́ killa rea kəm Ja̰’g 17:16

Gajee dɔg gə́ i oo lé deḛ gə da lé deḛ nja d’a kḛji kaiya-dené lé bəḭ-bəḭ ləm, d’a ti ne kubu rəa’g mbidi-mbidi karee aw gə kudee dum ba ləm, d’a sɔ darəa ləma, d’a rée dula-dula ləm tɔ.

Loo gə́ killa rea kəm Ja̰’g 17:18

Dené gə́ ma m’ée lé to ɓee-boo gə́ o̰ mbaije gə́ dɔ naŋg nee ya.

Loo gə́ killa rea kəm Ja̰’g 18:17

Njékwa ŋgaw-batoje lai ləm, gə deḛ lai gə́ d’aw gə rəw gə́ mán gə́ par gə́ nee, gə njébatoje ləma, gə deḛ gə́ saŋg nékiŋgaje dan baa-boo-kad’g neelé ləm tɔ lé deḛ d’unda rɔ dee ŋgərəŋ,

Loo gə́ killa rea kəm Ja̰’g 18:19

Deḛ sa babur d’ɔm dɔ dee’g ləm, deḛ no̰ gə mán-no̰ kəm dee’g ləm, d’wa ndòo-yoo ləma, deḛ no̰ pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Ɓee-boo gə́ garee godo gə́ njébatoje lai d’iŋga ne boo-nébaoje lə dee keneŋ lé mee kàree gə́ kára ba ya tuji teḛ dəa’g.

Loo gə́ killa rea kəm Ja̰’g 19:3

Deḛ pa gə́ gɔl joo ɓəi pana: Aleluia! Ndá sa pər ləa tuu gə ləbee-ləbee saar gə no̰.