Loo gə́ killa rea kəm Ja̰’g 18:3 - Maktub gə́ To gə Kəmee

³ Mbata ginkoji dəwje gə raŋg lai d’ai oŋg-boo, yee ɓa gə́ mɔdkaiya ləa gə́ mbaije gə́ dɔ naŋg nee ra səa lé tɔ. Njételkəmlarje kara nébaoje lə dee ur dɔ maree’g gə́ kédé-kédé gə goo nébao lə kaiya-dené gə́ turu dɔ loo lé.

Loo gə́ killa rea kəm Ja̰’g 18:3 Iomraidhean Croise

Esai 47:15

Yee ɓa gə́ né gə́ a gə teḛ Dɔ deḛ gə́ seḭ gəŋgje ta dee’g ləm, Deḛ gə́ seḭ ooje ndòo mbata lə dee gə kas sí ba lé ləm tɔ, Deḛ kara d’a sanéna̰ kad-kad: Yeḛ gə́ kára kara gə́ a kaskəm kaji sí lé godo.

Jeremi 51:34

Nebukadnesar, mbai gə́ Babilɔn Sɔ sí rɔg-rɔg ləm, Tuji sí pugudu-pugudu ləm tɔ, Yeḛ ar sí n’tel n’toje jo gə́ mée to wəl, Yeḛ uru sí mée’g magə To gə́ da-kɔb uru ne né bèe ləm, Yeḛ ar néje lə sí gə́ mbərḛ mbə̰ Rusu mée tub ləm tɔ, Yeḛ tuba sí.

Jeremi 51:7

Kédé lé Babilɔn To gə́ bai-larlɔr ji Njesigənea̰’g, Né gə́ mee bai’g neelé Ra dəwje lai dɔ naŋg nee, Ginkoji dəwje gə raŋg D’ai mán-nduú gə́ mḭ gə́ to mée’g lé. Gelee gə́ nee ɓa Ginkoji dəwje gə raŋg tel to ne mbəje.

Nɔ̰-ndôo gə́ wɔji dɔ Jerusalem 4:5

Dəwje gə́ kédé to njékusɔ néje Gə́ maji-maji lé kara D’wəi mburug-mburug dan rəw’g ləm, Deḛ gə́ kédé to njékula kubu Gə́ bḭ-maji gə́ ndul piro-piroje lé kara Deḛ rogo naŋg dan siḭ néje’g ləm tɔ.

Nahum 3:4

To mbata boo-néraje lə Ninibəje Gə́ to asəna gə néra kaiya-denéje Gə́ ra rɔ dee ma̰də ləm, ra goso su ne kəm loo ləm, Gə́ ndogo ne ginkoji dəwje gə raŋg gə nérakaiyaje lə dee ləma, Ndogo koso-dəwje gə nésukəmlooje lə dee ləm tɔ.

Lugu 7:25

Nɛ see ɗi ɓa seḭ awje gə mba kooje wa. See gə mba koo dəw gə́ njekula kubu gə́ bḭ maji rəa’g wa. Aa ooje, deḛ gə́ njekula kubuje gə́ rɔndɔḭ rɔ dee’g gə́ d’isi dan némajije’g lé deḛ to mee kəi-mbaije’g lə mbaije ɓa.

1 Timote 5:11

Nɛ ɔs njékəisiŋgaje gə́ nai ma̰də lé rəw mbata deḛ lé loo gə́ malee ra dee ar dee ndigi kuba Kristi kyá̰ ndá ndigi taa ŋgaw gə́ raŋg.

Loo gə́ killa rea kəm Ja̰’g 14:8

Kura gə́ dara gə́ raŋg gə́ njekɔm dee’g joo lé teḛ goo yeḛ gə́ kédé’g lé pana: Babilɔn gə́ boo lé oso, yee oso ya! Yee gə́ mɔdkaiya ləa ula pər meḛ ginkoji dəwje gə raŋg’g lai asəna gə kido gə́ ra dəw bèe lé yee nja oso ya.

Loo gə́ killa rea kəm Ja̰’g 17:2

Yeḛ nja ɓa mbaije gə́ dɔ naŋg nee ra səa kaiya ndá dəwje dɔ naŋg nee d’ai mán-nduú gə́ wɔji dɔ kaiya rəa aree tɔl dee ne tɔ.

Loo gə́ killa rea kəm Ja̰’g 18:19

Deḛ sa babur d’ɔm dɔ dee’g ləm, deḛ no̰ gə mán-no̰ kəm dee’g ləm, d’wa ndòo-yoo ləma, deḛ no̰ pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Ɓee-boo gə́ garee godo gə́ njébatoje lai d’iŋga ne boo-nébaoje lə dee keneŋ lé mee kàree gə́ kára ba ya tuji teḛ dəa’g.

Loo gə́ killa rea kəm Ja̰’g 18:23

Pərndɔ a ndogó ɓee ləi el ŋga ləm, ndu njédené sigije gə denéje lə dee a ɓar ɓee’g ləi gogo el ŋga ləm tɔ, mbata njételkəmlarje ləi to dəwje gə́ boo dɔ naŋg nee ləm, mbata nésukəmlooje ləi lé i su ne kəm ginkoji dəwje gə raŋg lai su-su ləma,

Loo gə́ killa rea kəm Ja̰’g 18:7

Kɔs gə́ yeḛ ɔs gaji rəa ɓa uru ne dan némajije gə́ d’al dɔ loo sula ɓəi lé areeje uga gə néurti gə kəmndooyoo togə́bè tɔ. Mbata yeḛ ə̰ji ta mée’g pana: N’isi n’to mbai gə́ dené ləm, neḛ n’to gə́ dené nduba el ləm, kəmndooyoo a teḛ dɔ neḛ’g el ŋga ləm tɔ.

Loo gə́ killa rea kəm Ja̰’g 18:9

Mbaije gə́ dɔ naŋg nee lai gə́ ndal səa mɔdkaiya ləm, d’uru səa na̰’d dan némajije gə́ d’al dɔ loo sula ləm tɔ lé d’a no̰ gə mán-no̰ kəm dee’g sii ne mbigi-mbigi mbata ləa loo gə́ d’a koo sa pər gə́ rée lé.