Loo gə́ killa rea kəm Ja̰’g 18:16 - Maktub gə́ To gə Kəmee

¹⁶ ndá d’a pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Ɓee-boo gə́ garee godo gə́ d’ula kubu gə́ d’ṵji gə kúla palégal gə kubu gə́ ndul piro-piro gə kubu gə́ kas njir-njir rəa’g ləm, gə́ ɗɔi rəa gə́ larlɔr ləm, gə jərje gə́ gad dee to yaa̰ ləma, gə mərkwɔji ləm tɔ. Mee kàree gə́ kára ba ya nébaoje gə́ tur dɔ loo lé tuji keneŋ pugudu.

Loo gə́ killa rea kəm Ja̰’g 18:16 Iomraidhean Croise

Ejekel 28:14

Kédé i to Nékunda gə́ dara gə́ njekaḭ bada gə́ naji bagi, neḛ n’undai ndá n’ari to dɔ mbal’g lə Ala gə́ to gə kəmee, i njaa mbuna kɔr mbalje gə́ taa pər gəgəgə’g.

Nahum 2:9

Ninibə lé kédé to asəna gə duu-mán gə́ mán aar keneŋ bèe Nɛ aa oo, manje d’yi tə-tə. Deḛ pana: Aarje naŋg, aarje naŋg! ... Nɛ dəw kára kara ɔm rəd el.

Loo gə́ killa rea kəm Ja̰’g 17:3

Ndil unm aw səm dɔdilaloo’g. M’oo dené si gir da-kas’g, da lé ri néndɔlje taa rəa pəl-pəl. Dəa siri ləm, gajee dɔg ləm tɔ.

Loo gə́ killa rea kəm Ja̰’g 17:4

Dené lé ula kubu gə́ ndul piro-piro gə kas njir-njir rəa’g ləm, yeḛ ɗɔi rəa gə larlɔr gə jərje gə́ gad dee to yaa̰ gə mərkwɔjije ləm tɔ. Bai gə́ ra gə larlɔr to jia’g ndá néndɔlje ləm, gə ram néje gə́ naŋg nee gə́ mina̰ jɔmri-jɔmri gə́ wɔji dɔ mɔdkaiya ləa ləm tɔ lé rusu bai lé njḭ-njḭ.

Loo gə́ killa rea kəm Ja̰’g 18:18

ndá loo gə́ deḛ d’oo sa pər gə́ rée ne ndá deḛ no̰ u-u-u pana: Ɓee-boo lé see garee gə́ tana səa to ra wa.

Loo gə́ killa rea kəm Ja̰’g 18:19

Deḛ sa babur d’ɔm dɔ dee’g ləm, deḛ no̰ gə mán-no̰ kəm dee’g ləm, d’wa ndòo-yoo ləma, deḛ no̰ pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Ɓee-boo gə́ garee godo gə́ njébatoje lai d’iŋga ne boo-nébaoje lə dee keneŋ lé mee kàree gə́ kára ba ya tuji teḛ dəa’g.