Loo gə́ killa rea kəm Ja̰’g 17:8 - Maktub gə́ To gə Kəmee

⁸ Da gə́ m’ée kédé lé ɓasinè yeḛ godo mba̰. Yeḛ a gə kḭ bwa gə́ suna godo ndá a kaw gə́ loo gə́ tuji pugudu’g. Dəwje gə́ dɔ naŋg nee gə́ ndaŋg ri dee mee maktub kəmə’g un kudee mee ndəa gə́ tum ne gin naŋg saar lé el ndá kaar dee a kwa dee paḭ loo gə́ deḛ d’oo da lé mbata yeḛ si gən nɛ yeḛ sané pa tɔɓəi nai dəb ndá a tel ree ɓəi.

Loo gə́ killa rea kəm Ja̰’g 17:8 Iomraidhean Croise

Pakɔsje 69:28

Maji kari ila néra gə́ kori-kori dɔ maree’g lə dee ar dee Ɓó gə mba kar dee d’iŋga dəb loo meekɔrjol ləi el.

Loo gə́ killa rea kəm Daniel’g 11:45

Yeḛ a la kəi-kubuje gə́ ka̰ kəi-mbai ləa mbuna baa-booje’g par gə́ mbɔr mbal gə́ to gə kəmee gə́ maji dum lé. Togə́bè ɓa yeḛ a teḛ ne rudu ndɔ’g ləa kar dəw kára kara la səa el tɔ.

Loo gə́ killa rea kəm Daniel’g 7:11

Ma m’aa loo tɔɓəi mbata lə ta beeléje gə́ gaji da pa lé. Tɔɓəi loo gə́ m’isi m’aa loo ya ɓəi ndá deḛ tɔl da neelé ləm, tuji darəa d’ilá pər’d gə mba karee roo dula-dula ləm tɔ.

Loo gə́ killa rea kəm Daniel’g 7:26

Bèe ɓa ndɔ gaŋg rəwta a teḛ ndá d’a kɔr dum dɔ loo ləa karee tuji pugudu ləm, karee godo saar gə no̰ ləm tɔ.

Loo gə́ killa rea kəm Daniel’g 7:3

Daje gə́ boo-boo gə́ to ɓəd-ɓəd sɔ d’unda loo mee baa-boo-kad’g lé teḛ raga.

Loo gə́ killa rea kəm Daniel’g 7:7

Gée gə́ gogo loo gə́ né ram gə́ mḭdi loondul’g lé m’aa loo ndá aa oo, da gə́ njekɔm’g sɔ lé to ɓəl yaa̰ ləm, to ɓəl kədm-kədm ləma, sḭgakuba ləa al dɔ loo sula ləm tɔ. Ŋgaŋgeeje gə́ boi-boi lé to gə́ larndul ləm, yeḛ sɔ ne né ləm, təd ne né ləma, ges né gə́ nai lé yee tuba naŋg mbajila-mbajila ləm tɔ. Yee to ɓəd ɓó to asəna gə daje lai gə́ kédé lé el, tɔɓəi yee uba gajeeje dɔg tɔ.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Lugu 10:20

Lé bèe kara raje rɔlel gə mba ndilje gə́ yèr gə́ d’oso kul no̰ sí’g lé el, nɛ raje rɔlel mbata ri sí gə́ deḛ ndaŋg mee ɓee gə́ dara lé ɓa.

Lugu 8:31

Deḛ neelé to ta Jeju’g pəgə-pəgə ra ndòo rəa’g mba karee tuba dee ɔm dee mee bwa-wəl gə́ suna godo’g lé el.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Néra Njékaḭkulaje 15:18

Mbaidɔmbaije gə́ njegɔl néje neelé Gə́ yeḛ riba dɔ dee kédé par-par lé yeḛ nja ɓa pa bèe.

Njé gə́ Epesə 1:4

Mbɔl dɔ Kristi lé ɓa Ala ɔr sí ne unda sí ne gə kəmee kédé gə́ dɔtar, loo gə́ yeḛ tum ne gin naŋg nee el ɓəi, mba kar sí j’isi ne gə kəmee nea̰’g ləm, kar gel sí godo ləm tɔ.

Titə 1:2

Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi.

1 Piɛrə 1:20

Ala nja ɔree ar sí mba̰ ɓa yeḛ tum gin naŋg nee ɓəi ləm, ndɔ gə́ rudu neelé yeḛ riba dəa mbata lə sí ləm tɔ.

Loo gə́ killa rea kəm Ja̰’g 11:7

Loo gə́ d’a tɔl ŋgaŋ kɔr goo ta lə dee bém mba̰ ndá da gə́ ḭ mee bwa-wəl gə́ ɔr duu’g lé a rɔ sə dee ləm, a dum dee ləma, a tɔl dee ləm tɔ.

Loo gə́ killa rea kəm Ja̰’g 17:11

Da gə́ kédé si gən nɛ ɓasinè godo lé yee nja ɓa to mbai gə́ njekɔm dee’g jinaijoo ləm, yee to mbuna njé gə́ siri ləma, yeḛ si aw loo gə́ a gə tuji pugudu’g ləm tɔ.

Loo gə́ killa rea kəm Ja̰’g 17:2

Yeḛ nja ɓa mbaije gə́ dɔ naŋg nee ra səa kaiya ndá dəwje dɔ naŋg nee d’ai mán-nduú gə́ wɔji dɔ kaiya rəa aree tɔl dee ne tɔ.

Loo gə́ killa rea kəm Ja̰’g 20:10

Njekurai gə́ su kəm dee lé d’wá d’ilá dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé loo gə́ da gə njéteggintaje gə́ ŋgɔm d’isi keneŋ. Ndá néurti a kula kəm dee ndòo dan kàrá gə loondul’g gə ləb dee ləb dee saar-saar gə no̰.

Loo gə́ killa rea kəm Ja̰’g 20:12

M’oo njé gə́ d’wəi gə́ to dəwje gə́ boo-boo gə njé gə́ gɔ-gɔ gə́ d’aar no̰ kalimbai’g lé. Yeḛ woḭ mee maktubje, tɔɓəi yeḛ woḭ mee maktub gə́ raŋg’d, yeḛ gə́ to maktub kəmə lé. Ndá deḛ gaŋg rəwta dɔ njé gə́ d’wəi’g lé gə goo ta gə́ ndaŋg mee maktubje’g neelé.

Loo gə́ killa rea kəm Ja̰’g 20:15

Nana ɓa gə́ ria godo mee maktub kəmə’g neelé ndá d’ilá dan pər gə́ tad rəg-rəg’d neelé tɔ.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.

Loo gə́ killa rea kəm Ja̰’g 3:5

Yeḛ gə́ a kun baŋga ndá m’a kula kubu gə́ nda rəa’g. M’a tuji ria mee maktub kəmə’g lé nda̰ el ləm, m’a teḛ gə ria gə́ raga no̰ Bɔm’g gə no̰ kuraje ləa gə́ dara ləm tɔ.