Loo gə́ killa rea kəm Ja̰’g 17:10 - Maktub gə́ To gə Kəmee

¹⁰ Dəaje gə́ siri lé wɔji dɔ mbaije gə́ siri tɔ. Deḛ gə́ mi ɓa tuji mba̰ nɛ ləm, njekɔm dee gə́ misa̰ si gən ɓəi ləma, njekɔm dee gə́ siri lé ree el ɓəi ləm tɔ nɛ loo gə́ a ree ndá a si kuree əw el.

Loo gə́ killa rea kəm Ja̰’g 17:10 Iomraidhean Croise

Esai 23:15

Mee ndəa gən lé meḛ dəwje a kwəi dɔ ɓee gə́ Tir’g as ləb rɔ-siri, yee ɓa a kas kuru ləb si kəmba lə mbai lé. Rudu ləb rɔ-siri lé né a teḛ dɔ Tir’g asəna gə né gə́ teḛ dɔ kaiya-dené gə́ d’ɔs pa d’wɔji ne dəa pana:

Loo gə́ killa rea kəm Ja̰’g 10:11

Tɔɓəi d’ulam pana: Ɔr gin né gə́ a gə teḛ dɔ koso-dəwje’g ɓəi ləm, gə dɔ ginka dəwje’g ləm, gə dɔ tapa dəwje-dəwje’g ləma, gə dɔ mbaije’g ləm tɔ.

Loo gə́ killa rea kəm Ja̰’g 13:12

Yeḛ to dəw dɔ dəwje asəna gə da gə́ kédé loo gə́ da gə́ kédé lé si keneŋ ləm, yeḛ ar naŋg nee gə dəwje lai gə́ d’isi keneŋ lé d’wa da gə́ kédé gə́ doo-yoo ər rəa’g kəmsə lé meḛ dee’g ləm tɔ.

Loo gə́ killa rea kəm Ja̰’g 13:3

Ma m’oo dəa gə́ kára lé iŋga doo-yoo keneŋ nɛ doo-yoo lé ər kəmsə. Dəwje lai gə́ dɔ naŋg nee d’ɔm goo da’g lé gə kəm dee gə́ bə̰dərə bə̰.

Loo gə́ killa rea kəm Ja̰’g 17:11

Da gə́ kédé si gən nɛ ɓasinè godo lé yee nja ɓa to mbai gə́ njekɔm dee’g jinaijoo ləm, yee to mbuna njé gə́ siri ləma, yeḛ si aw loo gə́ a gə tuji pugudu’g ləm tɔ.

Loo gə́ killa rea kəm Ja̰’g 17:16

Gajee dɔg gə́ i oo lé deḛ gə da lé deḛ nja d’a kḛji kaiya-dené lé bəḭ-bəḭ ləm, d’a ti ne kubu rəa’g mbidi-mbidi karee aw gə kudee dum ba ləm, d’a sɔ darəa ləma, d’a rée dula-dula ləm tɔ.