Loo gə́ killa rea kəm Ja̰’g 15:4 - Maktub gə́ To gə Kəmee

⁴ Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.

Loo gə́ killa rea kəm Ja̰’g 15:4 Iomraidhean Croise

Pakɔsje 105:7

Njesigənea̰ lé to Ala lə sí ya ləm, Rəwta-gaŋgje ləa lé yeḛ gaŋg wɔji ne dɔ naŋg nee lai ya ləm tɔ.

Pakɔsje 111:9

Yeḛ ɓa ɔm koso-dəwje tar ya. Yeḛ ar ndu manrɔ ləa lé to njaŋg gə no̰. Ria lé to gə kəmee ləm, to ɓəl kədm-kədm ləm tɔ.

Pakɔsje 22:23

M’a teḛ gə rii mbuna ŋgakɔmje’g ləm, M’a pidii loo-kwa-dɔ-na̰’g lə koso-dəwje ləm tɔ.

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 22:3

Ala ləm! Ma m’no̰ wəl dan kàrá nɛ i tel ilam keneŋ el ləm, Loondul’g kara m’oo loo kwa rɔm el ləm tɔ.

Pakɔsje 86:9

Ginkoji dəwje gə raŋg lai gə́ i unda dee lé D’a ree kɔs kəji dee naŋg nɔḭ-i Mbaidɔmbaije’g ya Mba kula ne rɔnduba dɔ rii’g,

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Pakɔsje 97:8

Dəwje gə́ Sio̰ d’oo ndá Deḛ ra ne rɔlel ləm, Ɓee-booje gə́ Juda kara d’al ne rɔ dee ya ləm tɔ Ǝi Njesigənea̰ mbata rəwta-gaŋgje ləi lé ya.

Pakɔsje 99:5

Ulaje rɔnduba dɔ Njesigənea̰, Ala’g lə sí lé Undaje barmba dəbje kəm sí naŋg no̰ nétura-gɔl-kɔm’g ləa lé. Yeḛ lé to Njerɔkunda.

Pakɔsje 99:9

Ulaje rɔnduba dɔ Njesigənea̰’d Gə́ to Ala lə sí lé Undaje barmba dəbje kəm sí naŋg dɔ mbal’g ləa Gə́ to gə kəmee doi, Mbata Njesigənea̰, Ala lə sí lé to Njerɔkunda.

Esai 24:15

Ulaje rɔnduba dɔ Njesigənea̰’g Mee looje gə́ bər lé Arje ri Njesigənea̰, Ala lə Israɛlje ɓar dɔ dɔgoré-looje gə́ mee baa-boo-kad’g tɔ.

Esai 25:3

Gelee gə́ bèe ɓa koso-dəwje gə́ to njésiŋgamoŋje D’ula ne rɔnduba dɔi’g ləm, Ɓee-booje lə ginkoji dəwje gə raŋg gə́ to njésiŋgamoŋje Ɓəli ne ləm tɔ.

Esai 26:9

Loondul’g lé ma m’ndiŋgai ləm, Ma m’ndoli gə ŋgaw məəm bura ləm tɔ, Mbata loo gə́ rəwta-gaŋgje ləi taa dɔ naŋg nee pəl-pəl lé Ndá njé gə́ dɔ naŋg nee ndoo ne né gə́ danasur.

Esai 45:23

Ma nja ma man rɔm gə rim ləm, Kankəmta ɓa teḛ tam’g Ɓó m’a telee ɓəd el ŋga ləm tɔ, Nana kara a rəm gə no̰ kəjee naŋg nɔm’g ləm, Dəw gə́ rara kara a kubu rəa gə rim-ma ya ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Esai 60:5

Loo gə́ i oo njai-njai ndá Rɔi a leli ləm, Məəi a gər njai-njai gə kalrɔ ləm tɔ, Loo gə́ nébaoje d’a kḭ dan baa-boo-kad ree rɔi’g ləm, Loo gə́ nébaoje lə ginkoji dəwje gə raŋg d’a ree rɔi’g ləm tɔ.

Jeremi 10:7

I gə́ to mbai dɔ ginkoji dəwje gə raŋg lé See na̰ ɓa a ɓəli el wa. I nja ɓa kəm kar dee ɓəli ya, Mbata mbuna njékəmkàrje’g Le ginkoji dəwje gə raŋg ləm, Gə mee ɓeeko̰je’g lə deḛ lai ləm tɔ lé Njetana səi godo.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Habakuk 1:12

Njesigənea̰, Ala ləm, i njerɔkunda ləm, See i ɓa sí keneŋ kédé par-par lé el wa. Jeḛ j’a kwəi el! Ǝi Njesigənea̰, i ɓa unda koso-dəwje neelé Mba kar dee to njégaŋ-rəwtaje ləi, Ǝi i kɔr mbal ləm lé, i ɔs kudu dee Mba kar d’ar bo̰ néra dəwje ɔs ta dee’g.

Jakari 14:16

Deḛ lai gə́ nai mbuna ginkoji dəwje gə raŋg’d Gə́ ree rɔ gə Jerusalem lé D’a ree gə ləb dee ləb dee Gə mba kunda barmba dəb kəm dee naŋg No̰ Mbai gə́ to Njesigənea̰ gə́ njeboo-néje’g ləm, Gə mba ra naḭ gə́ wɔji dɔ kəi-surumje ləm tɔ.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Njé gə́ Rɔmə 15:9

Nɛ njépole-magəje d’ula rɔnduba dɔ Ala’g gə mba meekɔrjol ləa gə goo ta gə́ ndaŋg mee maktub’g pana: Gelee gə́ nee ɓa m’a pidii mbuna ginkoji dəwje gə raŋg’g ləm, M’a kɔs pa kula ne rɔnduba rɔ rii’g ləm tɔ.

1 Piɛrə 1:16

mbata deḛ ndaŋg ta mee maktub’g pana: Seḭ a toje gə kəmee doi mbata ma m’to gə kəmee doi ya.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 14:7

Yeḛ pata gə ndia gə́ boi wəl pana: Ɓəlje Ala, ulaje rɔnduba dəa’g mbata kàr gaŋgta ləa teḛ mba̰. Yeḛ gə́ unda dara gə naŋg nee ləm, gə baa-boo-kad gə ŋgira manje lai ləm tɔ lé maji kar sí wáje meḛ sí’g ya.

Loo gə́ killa rea kəm Ja̰’g 16:5

M’oo kura gə́ dara gə́ to njekaa dɔ mán lé ndá yeḛ pana: Rəwta-gaŋg ləi to gə dɔ najee, i to gə kəmee, i gə́ si gən ləm, i si kédé gə́ dɔtar ləm tɔ.

Loo gə́ killa rea kəm Ja̰’g 16:7

M’oo ndu dəw ɓar loo-nékinjaməs’g pana: Oiyo ɓó Ala, Mbaidɔmbaije, Bao-siŋgamoŋ lé ta gə́ i ɔr ɔm dɔ dee’g lé to gə dɔ najee ya.

Loo gə́ killa rea kəm Ja̰’g 19:2

mbata rəwta-gaŋg ləa to gəd ləm, to gə dɔ najee ləm tɔ. Yeḛ gaŋg rəwta ila dɔ kaiya-dené gə́ njemina̰ naŋg nee gə mɔdkaiya ləa, yeḛ dal ba̰ məs kuraje ləa gə darɔ məsee-yeḛ nja.

Loo gə́ killa rea kəm Ja̰’g 19:8

D’un ndu dee gə mba karee ula kubu gə́ d’ṵji gə kúla palégal gə́ ndɔḭ ləd-ləd ləm, gə́ ndá kələw-kələw ləm tɔ lé rəa’g. Mbata kubu gə́ d’ṵji gə kúla palégal lé yee ɓa wɔji dɔ néra gə́ gə dɔ najee lə dee gə́ to gə kəmee.

Loo gə́ killa rea kəm Ja̰’g 3:7

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana:

Loo gə́ killa rea kəm Ja̰’g 4:8

Nékundaje gə́ d’aw kəmba sɔ lé deḛ kára-kára lai lé bag dee misa̰-misa̰ ləm, kəm dee taa rɔ dee gə meḛ dee pəl-pəl ləm tɔ. Deḛ pata nee dan kàrá gə loondul’g ɓó d’əw rɔ dee el pana: Mbaidɔmbaije Ala gə́ Njedumnéje lai, Njerɔkunda, Njerɔkunda, Njerɔkunda, yeḛ gə́ si dɔtar lé yeḛ si gən, yeḛ si ree tɔ.

Loo gə́ killa rea kəm Ja̰’g 6:10

Deḛ no̰ gə ndu dee gə́ boi wəl pana: Mbai, i gə́ njemeenda gə njekankəmta lé see ban ɓa i bə rɔi lal gaŋg rəwta lé ɓəi wa. See ban ɓa i dal ba̰ məs sí gə́ ɔm dɔ dəwje gə́ dɔ naŋg nee el ɓəi wa.

1 Samel 2:2

Njerɔkunda gə́ to as səi-i Njesigənea̰ kára kara godo. I ya to Ala kára ba Ɓó yeḛ gə́ raŋg godo. Biri mbal gə́ to to gə́ i Ala lə sí bèe lé godo.