Loo gə́ killa rea kəm Ja̰’g 15:3 - Maktub gə́ To gə Kəmee

³ Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,

Loo gə́ killa rea kəm Ja̰’g 15:3 Iomraidhean Croise

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

1 Sôrta Gḭka-Israɛlje 6:49

Israɛlje d’ar Ləbije ɓee-booje lə dee gə looje gə́ gugu dɔ dee.

2 Sôrta Gḭka Israɛlje 24:6

Mbai lé ɓar Jeojoda, ŋgɔ-njekinjanéməs lé dəjee pana: See gelee ban ɓa i aa dɔ Ləbije mba kar dee ree gə lar-kuga-dɔ-rɔ lə Judaje gə njé gə́ Jerusalem gə goo ta gə́ Moyis, kura lə Njesigənea̰ gaŋg dɔ Israɛlje’g gə mba gɔl ne kəi-kubu-kɔrgoota lé el wa.

Nehemi 9:14

I ar dee gər ndɔ-kwa-rɔ ləi gə́ to gə kəmee ləm, I un ndui ar dee godnduije gə tornduije Gə ndu kura ləi Moyis ləm tɔ.

Maktub gə́ wɔji dɔ Jɔb 36:24

Maji kar məəi wəi dɔ pidee dɔ kula reaje’g el, Dəwje lai pidee ne gə pakɔsje lə dee.

Maktub gə́ wɔji dɔ Jɔb 5:9

Yeḛ ra boo-néje gə́ dum gər ginee ləm, Yeḛ ra néje gə́ maji dum gə́ dum tura ləm tɔ.

Pakɔsje 100:5

Mbata Njesigənea̰ lé to gə́ njemaji dum, Meemaji ləa to saar-saar gə no̰, Meenda londoŋ ləa lé ḭ dɔ maree’d gə́ kédé-kédé Mbata lə ŋgaka dəwje-dəwje.

Pakɔsje 105:5

Seḭ ginka Abrakam gə́ to kuraje ləa lé ləm, Seḭ ŋgaka Jakob gə́ yeḛ ɔr sí unda sí gə́ koso-dəwje ləa lé ləm ləm tɔ

Pakɔsje 111:2

Kula ra Njesigənea̰ lé to kulaje gə́ boo. Deḛ lai gə́ d’unda néraje neelé dan kəm dee’g lé Deḛ saŋg gelee ta-ta.

Pakɔsje 111:7

Kula reaje gə́ yeḛ ra gə jia lé Yeḛ ra gə meenda londoŋ ləm, Gə néra gə́ gə dɔ najee ləm tɔ, Ndukunje ləa lai lé to kankəm néje gə́ gəd ya ləm,

Pakɔsje 139:14

Ma m’pidii mbata m’to dəw-kunda ləi gə́ maji dum. Kula raije lé maji péd-péd ya, Yee ɓa ma m’gər gao ya.

Pakɔsje 145:17

Njesigənea̰ lé to njemeenda londoŋ dɔ rəwje’g lai ləm, Yeḛ to njemeekɔrjol dɔ néraje’g ləa lai ya ləm tɔ.

Pakɔsje 145:6

D’a pata siŋgamoŋ ləi gə́ to ɓəl kədm-kədm ləm, M’a kɔr sor boo ləi gə́ ur dɔ loo lé ləm tɔ.

Pakɔsje 18:30

Mbɔl dɔi-i nja ɓa M’ta̰ ne mbuna kudu-njérɔje m’teḛ ləm, Mbɔl dɔi-i Ala ləm lé ɓa M’al ne dɔ ndògo-bɔrɔ m’ur ne naŋg raga ləm tɔ.

Pakɔsje 78:12

Yeḛ ra néje gə́ dumkoo Kəm bɔ deeje-je’g mee ɓee gə́ Ejiptə’g Gə mee ɓee-boo gə́ Soa̰’g ya.

Pakɔsje 92:5

Ǝi Njesigənea̰, néraije lé ar rɔm lelm yaa̰, Nérai gə́ i ra gə jii lé kara M’ɔs ne pa m’al ne rɔm ya.

Pakɔsje 99:4

Maji kar dee d’ila riɓar dɔ siŋgamoŋ’g Le mbai gə́ njekunda meekarabasur dan kəmee’g lé ya, Néra gə́ danasur lé I nja aree to njaŋg ləm, Meekarabasur gə néra gə́ gə dɔ najee lé kara I nja ra mbuna njé’g lə Jakob lé ləm tɔ.

Esai 33:22

Mbata Njesigənea̰ lé to njégaŋ-rəwtaje lə sí ləm, Njesigənea̰ lé to njekar sí godndu ləm, Njesigənea̰ to mbai lə sí ləma, Yeḛ nja ɓa gə́ njekaji sí ləm tɔ.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Loo gə́ killa rea kəm Daniel’g 6:20

Ta lookàr gə́ loo to gḭdo-gḭdo ɓəi ndá mbai ḭ aw gə tɔgee ta bwa toboḭje’g lé.

Loo gə́ killa rea kəm Daniel’g 9:11

Israɛlje lai d’al ta ta godnduije’g ləm, deḛ d’uba rəw ləi d’ya̰ d’oo ne ndui el ləm tɔ. Togə́bè ɓa ta ndɔlje gə ndu manje gə́ ndaŋg taree mee maktub godndu Moyis’g, kura lə Ala wa ne dɔ sí gə mbəa, mbata jeḛ n’raje kaiya, j’ɔsje ne ta lə Ala rəw.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Misee 7:20

I a riba dɔ meenda londoŋ ləi kar Jakob ləm Gə dɔ meenoji ləi kar Abrakam ləm tɔ To gə́ i man ne rɔi ar bɔ síje-je kédé gə́ ləw lé ya tɔ.

Soponi 3:5

Njesigənea̰ to njera né gə dɔ najee mbuna dee’g Ɓó yeḛ ra né gə́ majel kára kara el. Teḛ gə ndɔ gə ndɔje kára-kára lai lé Yeḛ riba dɔ rəwta ləa ar dee d’oo Ɓó lal gɔl kára el. Nɛ njémeeyèrje lé rɔkul ra dee el!

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Tagə́maji gə́ Ja̰ ndang 1:17

Mbata ləw lé Moyis ree gə godndu ar sí nɛ noji gə kankəmta lé Jeju Kristi ɓa ree ne.

Tel tura Godndu 31:30

Moyis pa taje gə́ to mee pa’g nee kəm Israɛlje’g lai gə́ mbo̰ dɔ na̰ lé.

Tel tura Godndu 32:3

Mbata m’a kila mber gə ri Njesigənea̰. Maji kar sí ulaje rɔnduba dɔ Ala’g lə sí.

Tel tura Godndu 34:5

Moyis, kura lə Njesigənea̰ wəi lée’g neelé mee ɓee gə́ Moab gə goo ndukun lə Njesigənea̰ lé.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

Ǝbrəje 3:5

Moyis lé njaa gə ŋgonkoji mee kəi’g lə Ala wa loo wɔr-wɔr asəna gə kura ba gə mba kɔr gin né gə́ d’a gə pa ɓəi.

Jujé 22:5

Undaje kəmkàr dɔ rɔ sí’g mba kaa dɔ ndukunje gə godnduje gə́ Moyis, kura lə Njesigənea̰ un ar sí lé ndá raje née, undaje ne Njesigənea̰, Ala lə sí dan kəm sí’g ləm, njaaje ne gə goo rəwje ləa ləm, aaje ne dɔ godndiaje kər-kər ləm, naamje ne kaaree’g ləma, raje ne né areeje gə meḛ sí kára ba gə ŋgaw meḛ sí bura ləm tɔ.

Loo gə́ killa rea kəm Ja̰’g 1:8

Ma m’to Alpa ləm, gə Omega ləm tɔ, Ala Mbaidɔmbaije ɓa pa bèe. Ma m’to yeḛ gə́ si gən gə si dɔtar lé ləm gə si ree ləm tɔ. Ma m’to Bao-siŋgamoŋ ya.

Loo gə́ killa rea kəm Ja̰’g 11:17

Deḛ pana: Mbaidɔmbaije Ala gə́ njesiŋgamoŋ, i gə́ si keneŋ kédé gə́ dɔtar lé jeḛ n’rai oiyo yaa̰ mbata i ḭ gə boo-siŋgamoŋ ləi taa ne ɓeeko̰ ləi o̰ ya.

Loo gə́ killa rea kəm Ja̰’g 14:3

Deḛ d’ɔs pa gə́ sigi no̰ kalimbai’g ləm, gə no̰ nékundaje gə́ d’aw kəmba sɔ lé ləma, gə no̰ ŋgatɔgje’g lé ləm tɔ. Dəw kára kara askəm ndoo pa neelé el, nɛ deḛ gə́ tɔl-dɔg-loo-tɔl gə dɔ dee 44 lé deḛ gə́ dɔ naŋg nee gə́ d’uga dɔ dee ɓa d’askəm ndoo pa nee ya.

Loo gə́ killa rea kəm Ja̰’g 14:8

Kura gə́ dara gə́ raŋg gə́ njekɔm dee’g joo lé teḛ goo yeḛ gə́ kédé’g lé pana: Babilɔn gə́ boo lé oso, yee oso ya! Yee gə́ mɔdkaiya ləa ula pər meḛ ginkoji dəwje gə raŋg’g lai asəna gə kido gə́ ra dəw bèe lé yee nja oso ya.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 19:16

Ri dəw ɓa ndaŋg kubu’g ləa ləm, gə biŋgee’g ləm tɔ pana: Mbai gə́ ur dɔ mbai mareeje’g ləm, gə Mbaidɔmbaije ya ləm tɔ.

Loo gə́ killa rea kəm Ja̰’g 19:2

mbata rəwta-gaŋg ləa to gəd ləm, to gə dɔ najee ləm tɔ. Yeḛ gaŋg rəwta ila dɔ kaiya-dené gə́ njemina̰ naŋg nee gə mɔdkaiya ləa, yeḛ dal ba̰ məs kuraje ləa gə darɔ məsee-yeḛ nja.

Loo gə́ killa rea kəm Ja̰’g 4:8

Nékundaje gə́ d’aw kəmba sɔ lé deḛ kára-kára lai lé bag dee misa̰-misa̰ ləm, kəm dee taa rɔ dee gə meḛ dee pəl-pəl ləm tɔ. Deḛ pata nee dan kàrá gə loondul’g ɓó d’əw rɔ dee el pana: Mbaidɔmbaije Ala gə́ Njedumnéje lai, Njerɔkunda, Njerɔkunda, Njerɔkunda, yeḛ gə́ si dɔtar lé yeḛ si gən, yeḛ si ree tɔ.