Loo gə́ killa rea kəm Ja̰’g 14:6 - Maktub gə́ To gə Kəmee

⁶ Ma m’oo kura gə́ dara gə́ raŋg gə́ nar bibibi dan dara’g. Yeḛ ɓa aw gə Tagə́maji gə́ to gə no̰ lé mba kila mberee kar dəwje gə́ dɔ naŋg nee, kar ginkoji dəwje gə raŋg lai ləm, gə gelɓee dəwje-dəwje lai ləm, gə dəwje lai gə́ tapa dee to gə ria-ria ləma, gə koso-dəwje lai ləm tɔ.

Loo gə́ killa rea kəm Ja̰’g 14:6 Iomraidhean Croise

Gḭ-Néje 1:6

Ala pana: Maji kar pən-loo to tag mbuna manje’g gə mba kai manje ɓəd-ɓəd.

2 Samel 23:5

See to togə́bè gə njémeekəije ləm no̰ Ala’g lé ləm el wa. Mbata yeḛ man rəa Gə manrɔ gə́ to gə no̰ am ləm, Yeḛ ar taje lai gə́ to keneŋ lé To njaŋg ləma, Am m’isi ne gə meekulɔm ləm tɔ.

Pakɔsje 119:142

Meekarabasur ləi to meekarabasur gə́ to saar gə no̰ ləm, Godndui lé kara to gə́ kankəmta ya ləm tɔ.

Pakɔsje 139:24

Aa loo oo ɓó lé m’aw rəw gə́ majel’g ndá Ɔr nɔm dan rəw gə́ to gə no̰’g.

Pakɔsje 145:13

Ko̰ɓee ləi lé to ko̰ɓee gə́ to gə ləbee-ləbee ləm, Dum dɔ loo ləi lé kara to njaŋg gə ləbee-ləbee ya ləm tɔ.

Esai 40:8

Mu ndòlé ləm, pudu gəḭ ləm tɔ, Nɛ ta lə Ala lə sí lé to saar-saar gə no̰.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 51:6

Unje kəm sí gə́ dara ləm, Aaje loo gə́ dɔ naŋg nee ləm tɔ ooje! Mbata dara a sané kad to gə́ sa pər bèe ləm, Dɔ naŋg nee a tel ŋgisi to gə́ kubu bèe ləma, Dəwje gə́ keneŋ kara d’a kwəi mburug-mburug to gə́ kémje bèe ləm tɔ. Nɛ kaji ləm a to saar-saar gə no̰ ləm, Néra gə́ gə dɔ najee ləm kara rudee a kun el ləm tɔ.

Esai 51:8

Mbata dirije d’a kunda dee tuŋgu-tuŋgu to gə́ kubu bèe ləm, Kuruje d’a tuji dee to gə́ tuji ne kubu gə́ d’ṵji gə bḭ badje bèe ləm tɔ. Nɛ néra gə́ gə dɔ najee ləm a to saar-saar gə no̰ ləm, Kaji ləm kara a to gə ləbee-ləbee gə no̰ ləm tɔ.

Esai 6:2

Kuraje gə́ dara gə́ njérɔndɔḭje d’aar dəa’g, deḛ lai lé bag dee misa̰-misa̰, bag dee gə́ joo lé d’o̰ ne kəm dee ləm, njé gə́ joo gə́ raŋg lé d’o̰ ne gɔl dee ləma, njé gə́ joo gə́ raŋg lé wɔji dɔ kḭ ne tar lə dee ləm tɔ.

Ejekel 1:14

Nékundaje lé d’aḭ yo gə́ nee to gə́ ndi gə́ tèl wərərə-wərərə bèe.

Loo gə́ killa rea kəm Daniel’g 4:1

Ma Nebukadnesar m’isi lɔm mee kəi-sim’g ləm, m’isi gə rɔlel mee kəi-mbai’g ləm ləm tɔ.

Loo gə́ killa rea kəm Daniel’g 9:21

ma m’pata m’ra ne tamaji ɓəi ndá kura gə́ dara gə́ ria lə Gabriel gə́ m’ée kédé loo gə́ né ram gə́ mḭdi lé naar ree rɔm’g gə tɔgee mee kàree gə́ wɔji dɔ nékar gə́ wɔji dɔ kàrkemetag lé.

Matiyo 10:27

Ta gə́ m’ula sí dan loo’g ndá paje dan kàrá, ta gə́ m’pa wédé-wédé mbi sí’g ndá ubaje ne dɔ kəije ilaje ne mber.

Mark 16:15

Tɔɓəi yeḛ ula dee pana, awje gə loo-loo dɔ naŋg nee ilaje mber tagə́maji lé arje dəw-kundaje lə Ala lé lai.

Njé gə́ Rɔmə 16:25

Yeḛ gə́ askəm ma̰a gɔl sí naŋg gə goo Tagə́maji’g ləm gə ta lə Jeju Kristi gə́ m’ila mberee lé gə́ aw na̰’d kára ba gə tandər gə́ deḛ riba dəa nɛ to loo-kiya’g kédé gə́ dɔtar saar lé

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

2 Njé gə́ Tesalonikə 2:16

Maji kar Jeju Kristi Mbaidɔmbaije lə sí nja ləm, gə Ala Bɔ síje gə́ unda sí dan kəmee’g ləm tɔ lé d’wa sə sí noji d’ar sí j’isi ne dan meelɔm’g gə́ to gə no̰ ləm, d’ar meḛ sí to ne yel ləm tɔ lé

Ǝbrəje 13:20

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé

1 Piɛrə 1:25

Nɛ ta lə Mbaidɔmbaije a to saar-saar gə no̰. Ta neelé to Tagə́maji gə́ deḛ d’ula sí mba̰ ya.

Loo gə́ killa rea kəm Ja̰’g 10:11

Tɔɓəi d’ulam pana: Ɔr gin né gə́ a gə teḛ dɔ koso-dəwje’g ɓəi ləm, gə dɔ ginka dəwje’g ləm, gə dɔ tapa dəwje-dəwje’g ləma, gə dɔ mbaije’g ləm tɔ.

Loo gə́ killa rea kəm Ja̰’g 10:7

Nɛ mee ndəa gə́ ndu kura gə́ dara gə́ njekɔm dee’g siri a ɓar lé ndɔ gə́ yeḛ a kim to̰to̰ ləa ndá ta lə Ala gə́ to gə ndəree lé a teḛ gə́ raga gə goo ta gə́ yeḛ ula kuraje ləa gə́ njéteggintaje lé.

Loo gə́ killa rea kəm Ja̰’g 13:7

D’aree siŋga mba rɔ gə deḛ gə́ to gə kəmee mba dum dee ne tɔ. D’aree siŋga mba sí gə́ dəw dɔ gelɓee-gelɓee ləm, gə dɔ ginkoji dəwje gə raŋg ləm, gə dɔ deḛ gə́ tapa dee to gə ria-ria ləma, gə dɔ ginka dəwje-dəwje ləm tɔ.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.

Loo gə́ killa rea kəm Ja̰’g 8:13

Ma m’aa loo gərərə ndá m’oo gir bag magəra gə́ nar tar lé ɓar kib-kib, yee pata gə ndia gə́ boi wəl pana: Meeko̰, meeko̰, meeko̰ a koso dɔ dəwje gə́ d’isi dɔ naŋg nee gə goo ndu to̰to̰je gə́ raŋg munda gə́ kuraje lə Ala gə́ dara d’a gə kar dee ɓar ɓəi lé.