Loo gə́ killa rea kəm Ja̰’g 14:2 - Maktub gə́ To gə Kəmee

² Ma m’oo ndu dəw ɓar dara asəna gə mán gə́ ula u-u-u ləm, asəna gə ndi gə́ ndaŋg ləm tɔ. Ndu dəw gə́ m’oo lé ɓar asəna gə kṵdu-kagje gə́ njékimeeje d’im bèe.

Loo gə́ killa rea kəm Ja̰’g 14:2 Iomraidhean Croise

2 Samel 6:5

Dabid gə ginkoji Israɛlje lai ndam no̰ Njesigənea̰’d gə nékimje ɓəd-ɓəd gə́ ra gə kag-siprɛs ləm, gə kṵdu-kagje ləm, gə kṵdu-ko̰déje ləm, gə dalè bajiŋ ləm, gə mbarèje ləma, gə ma̰dje gə́ sa səgə-səgə ləm tɔ.

2 Sôrta Gḭka Israɛlje 20:28

Deḛ d’andə Jerusalem mee kəi’g lə Njesigənea̰ gə ndu kṵdu-kagje ləm, gə kṵdu-kaje ləma, gə to̰to̰je ləm tɔ.

Pakɔsje 147:7

Ɔsje pa arje Njesigənea̰ reaje ne oiyo ləm, Ilaje riɓar dɔ Ala’g lə sí gə kṵdu-kagje ya ləm tɔ.

Pakɔsje 149:3

Maji kar dee pidee gə ndam lə dee ləm, D’ila riɓar dəa’g gə dalè bajiŋ gə kṵdu-kag ləm tɔ.

Pakɔsje 33:2

Maji kar sí pidije Njesigənea̰ gə kṵdu-kag ləm, Pideeje gə kṵdu-ko̰dè gə́ kulá dɔg ləm tɔ.

Pakɔsje 43:4

M’a kaw par gə́ loo-nékinjaməs’d gə́ ka̰ Ala Gə́ to Ala gə́ njegin rɔlel ləm gə njegin rɔkal ləm lé, Ǝi Ala, i gə́ to Ala ləm lé M’a kim kṵdu-kag lé pidii ne ya.

Pakɔsje 57:8

Ǝi Ala, m’wa məəm kɔgərɔ, Ma m’wa məəm kɔgərɔ ya, M’a kɔs pa ləm, M’a kim nékimje ləm ləm tɔ.

Pakɔsje 92:3

Maji kila mber meemaji ləi lé Teḛ gə ndɔ rad ya ləm, Meenda londoŋ ləi lé kara Maji pa taree loondulje’g ya ləm tɔ

Pakɔsje 93:4

Njesigənea̰ lé to njesiŋgamoŋ mee looje gə́ dará’g Ur ne dɔ baa-booje gə́ tuga poŋgm-poŋgm’g ləm, Ur ne dɔ ndu paŋgəm mán baa-boo-kad’g Gə́ turu tuma̰-tuma̰ lé ləm tɔ.

Pakɔsje 98:5

Ɔsje pa arje Njesigənea̰ gə kṵdu-kagje lə sí, Ɔsje ne pa kula rɔnduba dəa’g gə kṵdu-kagje lə sí lé ya.

Teḛ-Raga 19:16

Ndɔ gə́ njekɔm’g munda teḛ gə ndɔ lé ndi ndaŋg ləm, ndi tel ləma, ndi ḭ ŋgwɔḭ-ŋgwɔḭ ɔn dɔ mbal ləm tɔ, ndu to̰to̰ ɓar po̰-po̰, ar koso-dəwje lai gə́ d’isi loo-si dee’g neelé ɓəl unda dee badə gaŋg dee .

Teḛ-Raga 20:18

Koso-dəwje lai d’oo ndu ndaŋg lə ndi ləm, gə telje lə ndi ləma, gə ndu to̰to̰ gə́ ɓar ləm tɔ, deḛ d’oo ndo̰ pərje gə sa pər gə́ tuu dɔ mbal’g lé. Koso-dəwje d’oo néje neelé ndá ar dee d’unda bala ləm, ar dee d’ɔr rɔ dee d’aar ne əw ləm tɔ.

Esai 17:13

Ndu ginkoji dəwje gə raŋg ɓar Asəna gə kaa manje gə́ ula u-u-u bèe. Njesigənea̰ ndaŋg dee sané dee Ndá d’aḭ d’aw əw Asəna gə ləm mu gə́ to dɔ mbalje’g Gə́ lel odo aw ne ləm, Asəna gə pudu kunje Gə́ lel-mal ɓir dee bèe ləm tɔ.

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Jakari 9:14

Njesigənea̰ a nduba rəa dɔ dee’g tar Ndá kandə ɓandaŋg ləa a teḛ to gə́ tel lə ndi bèe, Mbaidɔmbaije gə́ Njesigənea̰ a kar to̰to̰ ləa ɓar, Yeḛ a kaw kəmee gə́ kédé dan lel-boo gə́ dɔkɔl.

1 Njé gə́ Kɔrḭtə 13:1

Ɓó lé m’pa tapa dəwje gə́ naŋg nee əsé njé gə́ dara nɛ meenoji godo məəm’g ndá ma m’to asəna gə ma̰də gə́ ɓar bərəŋ-bərəŋ əsé lar gə́ kas gə́ ɓar kèŋ-kèŋ tɔ.

Loo gə́ killa rea kəm Ja̰’g 1:10

Ndɔ lə Mbaidɔmbaije lé Ndil taa məəm yal-yal ndá m’oo ndu dəw ɓar girm’g wəl asəna gə ndu to̰to̰ gə́ ɓar bèe,

Loo gə́ killa rea kəm Ja̰’g 1:15

Gɔlee to asəna gə larkas gə́ léḛ sələlə-sələlə mee ku-bɔrɔ’g bèe ləm, ndia ɓar asəna gə mán-béləm gə́ ula ujuju-ujuju ləm tɔ.

Loo gə́ killa rea kəm Ja̰’g 11:12

Deḛ d’oo ndu dəw ɓar dara pana: Alje gə́ rɔm’g nee. Ndá deḛ d’ḭ d’uru dan mum’g loo-kil-lə-ndi, ar njéba̰je lə dee d’oo dee gə kəm dee ya.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 15:2

Tɔɓəi ma m’oo né asəna gə tad-mán gə́ dəa ndusu oso ɗəḭ-ɗəḭ bèe ar manee lé pélé gə́ pər ləm, deḛ gə́ dum da gə néndaji ria gə nétura gə́ ka̰ ria lé deḛ d’aar dɔ tad-mán’g neelé kṵdu-ko̰dè to ji dee’g ləm tɔ.

Loo gə́ killa rea kəm Ja̰’g 18:22

D’a koo ndu kṵdu-ko̰déje gə ndu njépaje gə ndu tébéje gə ndu to̰to̰ lé mee ɓee’g ləi gogo el ŋga ləm, d’a kiŋga njégosokulaje gə́ rara kara ɓee ləi gogo el ŋga ləma, gir mbal kusu kó kara a ɓar ɓee ləi el ŋga ləm tɔ.

Loo gə́ killa rea kəm Ja̰’g 5:8

Loo gə́ yeḛ taa maktub lé mba̰ ndá nékundaje lə Ala sɔ gə́ d’aw kəmba ləm, gə ŋgatɔgje rɔ-joo-gir-dee-sɔ ləm tɔ d’unda barmba d’ula dɔ dee naŋg no̰ Ŋgonbad’g lé. Deḛ kára-kára lai d’isi gə kṵdu-kagje ləm, bai-larlɔrje gə́ né ə̰də sululu rusu mee dee tub-tub to ji dee’g kára-kára lai ləm tɔ. Yee ɓa gə́ tamaji ra lə deḛ gə́ to gə kəmee.

Loo gə́ killa rea kəm Ja̰’g 6:1

M’aa loo gərərə m’oo Ŋgonbad ɔr nérḛdə ta maktub gə́ kára, nékundaje lə Ala gə́ sɔ lé m’oo ndu gar dee gə́ kára mbuna dee’g pata gə ndia gə́ boi wəl asəna gə ndi gə́ ndaŋg pana: Maji kari gə́ ree!

Loo gə́ killa rea kəm Ja̰’g 8:7

Kura gə́ dɔtar im to̰to̰ ləa ndá ndi ər gə kwɔji ləm, pər gə́ pələ na̰’d gə məs ɔm dɔ naŋg nee ləm tɔ. Pər o̰ dəb naŋg kára nɛ debee nai joo ɓəi ləm, kagje gə́ dɔ naŋg nee d’o̰ pər dəb kára nɛ dəb dee nai joo ɓəi ləma, muje gə́ təb lé pər o̰ dee kənənə-kənənə ləm tɔ.