Loo gə́ killa rea kəm Ja̰’g 13:6 - Maktub gə́ To gə Kəmee

⁶ Tea teḛ gə ta ndɔlje ɔm dɔ Ala’g ləm, gə dɔ ri Ala’g ləm, gə dɔ kəi’g ləa ləma, gə dɔ deḛ gə́ d’isi dara lé ləm tɔ.

Loo gə́ killa rea kəm Ja̰’g 13:6 Iomraidhean Croise

Maktub gə́ wɔji dɔ Jɔb 3:1

Gée gə́ gogo ndá Jɔb teḛ təa ila ne ndɔl dɔ ndɔ kojee’g.

Pakɔsje 73:9

Deḛ pata d’ila ne ta dɔ dara’g ləm, Ndo̰ dee kara ila ndɔl dɔ naŋg nee ləm tɔ.

Loo gə́ killa rea kəm Daniel’g 11:36

Mbai lé a ra né to gə́ mée ndigi. Yeḛ a ti rəa ləm, a kɔs gaji rəa koo ne rəa gə́ njekur dɔ magəje lai ləm tɔ ndá yeḛ a pata néje gə́ dum kəm loo kɔs ne ta lə Ala gə́ njekur dɔ magəje lé rəw. Néreaje gə́ togə́bè lé a teḛ ne kɔr saar kar oŋgee wəi bém, saar kar né gə́ d’wɔji-kwɔji ra lé a kaw ne lée’g béréré ya.

Loo gə́ killa rea kəm Daniel’g 7:25

Yee a pata kila ne ndɔl dɔ Njekurdɔloo’g ləm, yeḛ a kula kəm njémeendaje lə Njekurdɔloo ndòo ləma, yeḛ a ndiŋga rəa mba kar ndɔje gə godndu tel to ɓəd ləm tɔ. D’a kɔm njémeendaje jia’g as dɔkurloo kára ləm, gə dɔkurlooje joo ləma, gə ges dɔkurlooje ləm tɔ.

Loo gə́ killa rea kəm Daniel’g 7:8

Ma m’orè kəm sḭ dɔ gajeeje’g ndá aa oo, gajee gə́ lam bèe gə́ raŋg uba mbuna dee’g, tɔɓəi gajeeje gə́ munda gə́ kédé lé tɔr gə ŋgira dee rɔd-rɔd no̰ gajee’g neelé. Aa oo, gajee neelé kəmee to keneŋ to gə́ kəm dəw bèe ləm, təa kara pa ne ta beelé ləm tɔ.

Matiyo 12:34

Seḭ ŋgan li-meewaije, see loo gə́ ra ɓa seḭ a kooje loo kar ta néje gə́ maji a teḛ ta sí’g keneŋ wa seḭ gə́ toje njémeeyèrje. Né gə́ taa mee dəw yal-yal ɓa taree teḛ təa’g ɓəi.

Matiyo 15:19

Mbata takə̰ji gə́ majel ləm, gə tɔl gə́ dəw tɔl maree ləm, gə mɔdkaiya ləm, gə kaw gə́ balgogé ləm, gə ɓogo ləm, gə ta gə́ kɔr gaŋg dəa badə-badə ləma, gə tɔr maji rɔ mari’g rɔd-rɔd ləm tɔ lé to néje d’ḭ mee dəw’g gə́ kəi.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Njé gə́ Rɔmə 3:13

Rəw gwɔs dee to gə́ bwa-dɔɓar gə́ to tag ləm, D’ula ndo̰ dee gə kər dəwje ləma, Gel ndo̰ dee to asəna gə mas pir ləm tɔ.

Njé gə́ Kolosə 1:19

Mbata Ala wɔji mba kɔm səa na̰’d yəg.

Njé gə́ Kolosə 2:9

Mbata Kristi lé un kubururɔ Ala ya lad-lad.

Ǝbrəje 9:2

Deḛ la kəi-kubu mee ndògo’g. Mee ŋgon kəi gə́ dɔtar gə́ deḛ ɓaree loo gə́ to gə kəmee lé kag pərndɔ to keneŋ ləm, tabul to keneŋ ləma, pil muru gə́ to gə kəmee to keneŋ ləm tɔ.

Ǝbrəje 9:24

Mbata Kristi lé ula dəa mee kəi gə́ to gə kəmee gə́ ji dəw ra ndaji ne kankəmee lé el. Nɛ yeḛ andə dara nja mba kaar ne no̰ Ala’g mbata lə síjeḛ.

Loo gə́ killa rea kəm Ja̰’g 11:12

Deḛ d’oo ndu dəw ɓar dara pana: Alje gə́ rɔm’g nee. Ndá deḛ d’ḭ d’uru dan mum’g loo-kil-lə-ndi, ar njéba̰je lə dee d’oo dee gə kəm dee ya.

Loo gə́ killa rea kəm Ja̰’g 12:12

Gelee gə́ nee ɓa dara, maji kari al rɔi ləm, seḭ gə́ sije keneŋ lé maji kar sí alje rɔ sí tɔ. Némeeko̰ a nai dɔ naŋg nee ləm, gə dɔ baa-boo’g ləm tɔ mbata njekurai lé risi uru naŋg rɔ sí’g mba̰ ndá mée ḭ jugugu mbata yeḛ gər gao, ndəa nai dəb ba ŋga.

Loo gə́ killa rea kəm Ja̰’g 15:5

Gée gə́ gogo m’aa loo gərərə ndá m’oo ta kəi-Ala gə́ wɔji dɔ dəb kəi gə́ to gə kəmee gə́ ka̰ kɔr goo ta lé teḛ to tag.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.

Loo gə́ killa rea kəm Ja̰’g 4:1

Tɔɓəi m’aa loo gə́ tar gərərə ndá m’oo rəw-kəi gə́ dara teḛ. Ndu dəw gə́ m’oo kédé lé ndia gə́ ɓar asəna gə to̰to̰ bèe lé to̰ ne səm tam pana: Al gə́ tar nee m’a kari oo né gə́ a teḛ ndɔ gə́ a ree lé.

Loo gə́ killa rea kəm Ja̰’g 4:4

Kalimbai lé mareeje rɔ-joo-giree-sɔ gugu dəa sub ndá ŋgatɔgje rɔ-joo-giree-sɔ d’isi dɔ kalimbai’g lé. Deḛ d’ula kubu gə́ nda rɔ dee’g ləm, dɔgugu larlɔr to dɔ dee’g ləm tɔ.

Loo gə́ killa rea kəm Ja̰’g 5:13

Nékundaje lə Ala gə́ gə ri dee ri dee mbuna dara’g ləm, gə dɔ naŋg nee ləm, gə gin naŋg’d ləm, gə dan baa-boo-kad’g ləma, gə néje gə́ gə ria-ria gə́ to keneŋ ləm tɔ lé ma m’oo ndu dee ɓar pana: Yeḛ gə́ si kalimbai’g ləm, Gə Ŋgonbad ləm tɔ lé Maji kar dɔ ri dee ai səgərə-səgərə ləm, Maji kar ta pidi gə riɓar gə rɔnduba gə siŋgamoŋ To ka̰ dee gə ləb dee ləb dee saar gə no̰.

Loo gə́ killa rea kəm Ja̰’g 7:15

Gelee gə́ nee ɓa d’aar ne no̰ kalimbai’g lə Ala, deḛ d’wa ne səa bua kula dan kàrá gə loondul’g mee kəi-siée’g ya. Yeḛ gə́ si kalimbai’g lé a la kəi-kubu ləa dɔ dee’g.

Loo gə́ killa rea kəm Ja̰’g 7:9

Gée gə́ gogo m’aa loo gərərə ndá m’oo koso-dəwje bula dum tura gə́ d’ḭ d’ḭ mbuna ginkoji dəwje gə raŋg’g lai ləm, gə mbuna gelɓee dəwje-dəwje’g lai ləm, gə mbuna koso-dəwje lai ləma, gə mbuna deḛ lai gə́ takɔji dee gə́ gə ria-ria ləm tɔ. Deḛ d’aar no̰ kalimbai’g ləm, gə no̰ Ŋgonbad’g ləm tɔ gə kubu gə́ nda gə́ ŋgal yududu rɔ dee’g tɔɓəi kam kiaŋgar to ji dee’g tɔ.