Loo gə́ killa rea kəm Ja̰’g 13:4 - Maktub gə́ To gə Kəmee

⁴ Deḛ d’wa dakɔb lé meḛ dee’g mbata yeḛ ar da lé siŋgamoŋ, tɔɓəi d’wa da lé meḛ dee’g pana: See na̰ ɓa as gə da lé wa. See dəw gə́ ra ɓa askəm rɔ səa wa.

Loo gə́ killa rea kəm Ja̰’g 13:4 Iomraidhean Croise

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Esai 46:5

See na̰ ɓa seḭ a kasje kəm kwáje kwɔjimje ne kaareeje as səm wa. See na̰ ɓa a kamje m’to tana səa kar síjeḛ səa n’taje gə na̰ pai-pai wa.

2 Njé gə́ Kɔrḭtə 4:4

Deḛ gə́ meḛ dee ndər dɔ kɔs Ala rəw’g lé njetaa loo-kɔg gə́ dɔ naŋg nee ɓasinè lé yeḛ nja tɔ kəm dee wə-wə nà Tagə́maji gə́ wɔji dɔ rɔnduba lə Kristi gə́ njekɔr rɔ Ala pai-pai lé a ndogó no̰ dee’g.

Tel tura Godndu 9:2

to koso-dəwje gə́ boo ləm, d’uba rɔ dee pur-pur ləm tɔ, deḛ gə́ to ŋgan Anakje gə́ seḭ gər deeje, gə́ d’ula sí ta lə dee pana: See na̰ ɓa askəm kaar ges naŋg no̰ Anakje’g wa lé.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

Loo gə́ killa rea kəm Ja̰’g 12:3

Néɓəl gə́ raŋg teḛ dara to: Aa ooje, to dakɔb gə́ kas gə́ dəa siri ləm, gajee dɔg ləma, dɔgugu to dəa’g kára-kára siri ləm tɔ.

Loo gə́ killa rea kəm Ja̰’g 12:4

Ɓoŋgee ɔr dəb kéréméje as loo kára ɔm dee naŋg nɛ dəb dee nai loo-joo ɓəi. Dakɔb lé aar no̰ dené gə́ a gə koji ŋgon ɓó loo gə́ ojee mba̰ ndá a seá rɔg-rɔg.

Loo gə́ killa rea kəm Ja̰’g 13:11

Tɔɓəi ma m’oo da gə́ raŋg gə́ ḭ dɔ naŋg neelé, gajeeje joo to tana gə ka̰ ŋgon badə bèe ləm, tapea to asəna gə tapa dakɔb bèe ləm tɔ.

Loo gə́ killa rea kəm Ja̰’g 13:15

Yeḛ iŋga siŋga gə mba kar néndaji da neelé tel si kəmba mba kar néndaji da neelé pata ləm, yeḛ ra né mba kar deḛ lai gə́ d’wa néndaji da neelé meḛ dee’g el lé d’a tɔl dee ləm tɔ.

Loo gə́ killa rea kəm Ja̰’g 13:2

Da gə́ ma m’ée lé to tana gə kàg. Gɔlee to tana gə gɔl da-urs nɛ təa to asəna gə ta toboḭ. Dakɔb lé ar kàg siŋgamoŋ ləa-yeḛ ləm, aree kalimbai ləa-yeḛ ləma, aree si gə́ dəw dɔ dee ləm tɔ.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 18:18

ndá loo gə́ deḛ d’oo sa pər gə́ rée ne ndá deḛ no̰ u-u-u pana: Ɓee-boo lé see garee gə́ tana səa to ra wa.

Loo gə́ killa rea kəm Ja̰’g 9:20

Dəb dəwje gə́ loo-joo gə́ nai gə́ d’wəi yoo-boo-oŋg gə́ kudu munda nee el lé d’ya̰ goo néra dee gə́ deḛ ra gə ji dee el. Deḛ d’əw rɔ dee kwa ndilje gə́ majel meḛ dee’g el ləm, d’əw rɔ dee kunda barmba no̰ magəje gə́ deḛ ra gə larlɔr gə larnda gə larkas gə mbal el ləm tɔ nɛ magəje neelé d’askəm koo loo gə kəm dee el ləm, d’askəm koo ta gə mbi dee el ləma, loo njaa lə dee kara godo ləm tɔ.

1 Samel 17:24

Loo gə́ Israɛlje lai d’oo dəw neelé ndá deḛ d’aḭ nea̰’g mbata siŋgasa wa dee.