Loo gə́ killa rea kəm Ja̰’g 12:5 - Maktub gə́ To gə Kəmee

⁵ Yeḛ oji ŋgon gə́ diŋgam gə́ a ko̰ ginkoji dəwje gə raŋg lai gə́ kag-lar. Ŋgonee lé d’undá d’unee d’aw səa par gə́ rɔ Ala’g ləm, gə no̰ kalimbai’g ləa ləm tɔ.

Loo gə́ killa rea kəm Ja̰’g 12:5 Iomraidhean Croise

Esai 66:7

Kédé ɓa mba kar ndóo ulá ndubu ɓəi lé Yeḛ oji ŋgon, Kédé ɓa karee turu rəa ɓəi lé Yeḛ oji ŋgon gə́ diŋgam.

Esai 7:14

Gelee gə́ nee ɓa Mbaidɔmbaije ya a kar sí nétɔji. Aa ooje, ŋgoma̰də a taa kèm ndá a koji ŋgon gə́ diŋgam. Tɔɓəi yeḛ a kunda ria lə Emanuɛl (kɔr gelee pana: Ala nai sə síjeḛ).

Jeremi 31:22

I ŋgoma̰də gə́ njekilatar lé See saar ndɔ gə́ ra ɓa i lé A kunda ŋgaŋ kila tar ləi wa. Mbata Njesigənea̰ unda gin né Gə́ sigi dɔ naŋg nee: Dené a kwa mɔr gə diŋgam ŋga.

Misee 5:3

Yeḛ a kḭ ta ndá A kul badə-kosoje ləa gə siŋgamoŋ lə Njesigənea̰ ləm, Gə rɔnduba lə ri Njesigənea̰, Ala ləa ləm tɔ! D’a kiŋga loo-si dee gə́ d’a si ne gə meekulɔm, Mbata d’a kula rɔnduba dəa’g saar kɔr rudu naŋg nee njal.

Matiyo 1:25

Nɛ deḛ gər na̰ el saar yeḛ oji ŋgon gə́ diŋgam ndá yeḛ unda ria lə Jeju.

Mark 16:19

Mbaidɔmbaije lé loo gə́ yeḛ ɔr ta neelé ula dee togə́bè mba̰ ndá né unee mbuna dee’g igi səa dara kag aree si dɔ jikɔl Ala’g tɔ.

2 Njé gə́ Kɔrḭtə 12:2

Ma m’gər diŋgam kára gə́ ɔm na̰’d gə Kristi lé ndá mee ləb dɔg-giree-sɔ gə́ dəs lé né unee ŋgə̰dərə uru səa mee dara gə́ njekɔm’g munda lé. Ɓó lé gə darəa bura əsé darəa nai naŋg ŋga ndilee ɓa teḛ aw ɓəi, yee ɓa, ma m’gər bèe el, Ala nja ɓa gər.

2 Njé gə́ Kɔrḭtə 12:4

Ma nja m’gər gao, né unee ŋgə̰dərə saar aw uru səa paradis ndá yeḛ oo ta gə́ dumkoo keneŋ gə́ dəw askəm pa taree el lé.

Loo gə́ killa rea kəm Ja̰’g 11:12

Deḛ d’oo ndu dəw ɓar dara pana: Alje gə́ rɔm’g nee. Ndá deḛ d’ḭ d’uru dan mum’g loo-kil-lə-ndi, ar njéba̰je lə dee d’oo dee gə kəm dee ya.

Loo gə́ killa rea kəm Ja̰’g 12:13

Loo gə́ dakɔb lé oo to gə́ deḛ d’ilá naŋg nee ndá yeḛ ndolè goo dené gə́ oji ŋgon gə́ diŋgam lé.

Loo gə́ killa rea kəm Ja̰’g 12:2

Yeḛ əskèm, nɛ kèm ulá ndubu aree no̰ gə mba ndóo gə́ tée.

Loo gə́ killa rea kəm Ja̰’g 19:15

Kiambas gə́ adə làm-làm teḛ təa’g mba kunda ne ginkoji dəwje gə raŋg. Yeḛ a ko̰ dee gə kag-larndul ləm, yeḛ a mbula kandə nduú, yee ɓa to gə́ boo-oŋg lə Ala gə́ Bao-siŋgamoŋ ləm tɔ.