Loo gə́ killa rea kəm Ja̰’g 12:12 - Maktub gə́ To gə Kəmee

¹² Gelee gə́ nee ɓa dara, maji kari al rɔi ləm, seḭ gə́ sije keneŋ lé maji kar sí alje rɔ sí tɔ. Némeeko̰ a nai dɔ naŋg nee ləm, gə dɔ baa-boo’g ləm tɔ mbata njekurai lé risi uru naŋg rɔ sí’g mba̰ ndá mée ḭ jugugu mbata yeḛ gər gao, ndəa nai dəb ba ŋga.

Loo gə́ killa rea kəm Ja̰’g 12:12 Iomraidhean Croise

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Lugu 15:10

Togə́bè ɓa ma m’ula sí təsərə, kaiya-dəw kára ba kiao gə́ wa ndòo rəa dɔ kaiya’g ləa lé ndá d’a ra rɔlel yaa̰ dəa’g no̰ kuraje lə Ala gə́ dara lé tɔ.

Lugu 2:14

Ulaje rɔnduba dɔ Ala’g lé, seḭ gə́ síje mee dara’g lé Deḛ gə́ dɔ naŋg nee gə́ taa kəmee rəgm lé d’a sí ne dan meekulɔm’g tɔ.

Ǝbrəje 10:37

Waga, waga ndá yeḛ gə́ a gə ree lé a ree ya Ɓó a ŋgira kudee el.

2 Piɛrə 3:8

Seḭ gə́ ma m’unda sí dan kəm’g lé ta kára nee ɓa ma m’ndigi kar meḛ sí wəi dɔ’g el: No̰ Mbaidɔmbaije’g lé ndɔ gə́ kára ba lé to asəna gə ləb gə́ tɔl-dɔg kəmee’g ləm, ləb gə́ tɔl-dɔg lé to asəna gə ndɔ gə́ kára ba kəmee’g ləm tɔ.

Loo gə́ killa rea kəm Ja̰’g 10:6

ndá yeḛ ubu rəa gə ri yeḛ gə́ si kəmba gə ləbee-ləbee saar-saar gə no̰ lé yeḛ gə́ unda dara gə néje lai gə́ to keneŋ ləm, gə unda naŋg nee gə néje lai gə́ to keneŋ ləma, gə unda baa-boo-kad gə néje lai gə́ to keneŋ ləm tɔ pana: Lée godo ŋga.

Loo gə́ killa rea kəm Ja̰’g 11:10

Dəw-mee-ɓeeje gə́ dɔ naŋg nee rɔ dee a lel dee ləm, d’a kal ne rɔ dee kar ne na̰ nénoji yo gə́ nee ləm tɔ mbata njékɔrgootaje gə́ joo lé to njébəg dəw-mee-ɓeeje gə́ d’isi dɔ naŋg nee.

Loo gə́ killa rea kəm Ja̰’g 11:14

Némeeko̰ gə́ njekɔm’g joo lé godo mba̰. Aa oo, waga ɓa némeeko̰ gə́ njekɔm’g munda lé a teḛ ɓəi.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 13:6

Tea teḛ gə ta ndɔlje ɔm dɔ Ala’g ləm, gə dɔ ri Ala’g ləm, gə dɔ kəi’g ləa ləma, gə dɔ deḛ gə́ d’isi dara lé ləm tɔ.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

Loo gə́ killa rea kəm Ja̰’g 8:13

Ma m’aa loo gərərə ndá m’oo gir bag magəra gə́ nar tar lé ɓar kib-kib, yee pata gə ndia gə́ boi wəl pana: Meeko̰, meeko̰, meeko̰ a koso dɔ dəwje gə́ d’isi dɔ naŋg nee gə goo ndu to̰to̰je gə́ raŋg munda gə́ kuraje lə Ala gə́ dara d’a gə kar dee ɓar ɓəi lé.

Loo gə́ killa rea kəm Ja̰’g 9:12

Némeeko̰ gə́ dɔtar dəs mba̰. Aa ooje, némeeko̰ gə́ raŋg nai joo ɓəi d’a ree korè gée.