Loo gə́ killa rea kəm Ja̰’g 11:8 - Maktub gə́ To gə Kəmee

⁸ Yoo dee a to naŋg ŋgaŋ nada mee ɓee-boo’g gə́ d’unda ria gə goso d’wɔji ne dɔ Sɔdɔm gə Ejiptə ləm, gə ɓee gə́ ɗar Mbaidɔmbaije lə dee kaar kag’d keneŋ ləm tɔ.

Loo gə́ killa rea kəm Ja̰’g 11:8 Iomraidhean Croise

Gḭ-Néje 13:13

Dəwje gə́ Sɔdɔm lé to njémeeyèrje ləm, gə bao-kaiyaje no̰ Njesigənea̰’g ləm tɔ.

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Esai 3:9

Kəm dee-deḛ ya ɔr ta ila dɔ dee’g ləm, Néra majelje lə dee lé d’ila mberee wəl-wəl To gə́ ka̰ njé gə́ Sɔdɔm Ɓó d’iya dəa el ləm tɔ. Meeko̰ a koso dɔ dee’g Mbata deḛ d’wa dɔ gɔl néje gə́ majel Gə́ a gə tel koso dɔ dee-deḛ’g ya.

Jeremi 23:14

Nɛ mbuna njéteggintaje gə́ Jerusalem lé Neḛ n’oo néje gə́ to kḛji Gə́ to ɓəl kədm-kədm. Deḛ to njémɔdkaiyaje ləm, Deḛ njaa gə taŋgɔm ɓa ta dee’g ləm tɔ. Deḛ d’ula diŋgam meḛ njéra némajelje’g Gə mba kar dəw kára kara Uba goo meeyèr ləa ya̰ el. Neḛ n’oo deḛ lai asəna gə ɓee gə́ Sɔdɔm ləm, Neḛ n’oo njé gə́ Jerusalem kara Asəna gə ɓee gə́ Gɔmɔr ləm tɔ.

Jeremi 26:23

Deḛ d’aw d’wa Uri mee ɓee gə́ Ejiptə ree səa ndá mbai Jojakim ar dee tɔlee gə kiambas ndá ila ninee dɔɓar dəwje gə́ raŋg’d.

Ejekel 16:46

Ŋgokɔḭ gə́ dené gə́ tɔg gə́ si dɔ jigeli’g lé to Samari gə ŋganeeje gə́ dené, tɔɓəi njegooi’d gə́ dené gə́ si dɔ jikɔli’g lé to Sɔdɔm gə ŋganeeje gə́ dené tɔ.

Ejekel 16:49

Aa ooje, kaiya ra Sɔdɔm, ŋgokɔḭ gə́ dené lé ɓa nee: Yeḛ to njeti rəa ləm, yeḛ gə ŋganeeje gə́ dené d’isi dan némajije’g bèdèg ləm, d’isi gə́ majee lal kḛji ta dɔ’g ləm tɔ nɛ deḛ gəd deḛ gə́ d’isi dan nékəmndoo’g gə njé gə́ né lal dee lé el.

Ejekel 23:19

Yeḛ ar néra kaiya-dené ləa ḭ dɔ maree’d gə́ kédé-kédé, yeḛ ə̰ji ne dɔ ndɔje gə́ yeḛ nai ne gə ma̰dee ɓəi loo gə́ yeḛ ra ne kaiya mee ɓee gə́ Ejiptə lé tɔ.

Ejekel 23:27

N’a kari unda ŋgaŋ mɔdkaiya ləi gə kaiya raije gə́ i ra mee ɓee gə́ Ejiptə’g, i a tel kila kəmi dɔ dee’g gogo el ŋga ləm, i a tel kḛji dɔ Ejiptə’g el ŋga ləm tɔ.

Ejekel 23:3

Deḛ ra kaiya mee ɓee gə́ Ejiptə, deḛ ra kaiya gə ma̰də dee ba ya, lé neelé ɓa dəwje mam mbà dee keneŋ ləm, mbudu dɔ kum dee keneŋ ləm tɔ.

Ejekel 23:8

Yeḛ ya̰ goo néra kaiya-dené gə́ yeḛ ḭ ne Ejiptə lé el, mbata deḛ to səa gə ma̰dee ba ləm, deḛ mbudu dɔ kumee ləma, deḛ ndɔree dan néra kaiya-déné’g lé ləm tɔ.

Ejekel 37:11

Yeḛ ulam pana: I ŋgon-dəw lé siŋgaje neelé to gel-bɔje lə Israɛl bura. Aa oo, deḛ pana: Siŋga rɔ síje tudu ɔr ndá sál-sál ləm, nékunda-mee-yel dɔ’g lə sí tuji ləma, jeḛ kara n’tujije ləm tɔ.

Amɔs 4:11

Neḛ m’ɓugu sí naŋg To gə́ neḛ tuji ne Sɔdɔm gə Gɔmɔr kédé bèe tɔ, Seḭ toje asjena gə dɔdum kag gə́ d’ɔree ta pər’d bèe. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Matiyo 10:15

Ma nja m’ula sí təsərə, ndɔ gaŋg-rəwta lé rəwta gə́ d’a gaŋg dɔ ɓee’g neelé a kur dɔ ka̰ Sɔdɔm gə Gɔmɔr tɔ.

Néra Njékaḭkulaje 9:4

Yeḛ guru naŋg rug ndá yeḛ oo ndu dəw ɓar dəa’g wəl-wəl pana: Sool, Sool, see ban ɓa i ula kəm ndòo bèe wa.

Ǝbrəje 13:12

Gelee gə́ togə́bè ɓa Jeju kara wəi ne gir tarəw ɓee gə́ raga gə mba kunda ne dəwje ləa gə kəmee gə darɔ məsee-yeḛ nja tɔ.

Ǝbrəje 6:6

ɓó lé deḛ neelé mbad d’unda piriŋ d’ila ndá d’a koo loo mba tel kwa ndòo rɔ dee dɔ kaiya’g lə dee el mbata deḛ nja deḛ ɗar Ŋgon-Ala kaar kag’d d’ula ne sul dəa’g tɔ.

2 Piɛrə 2:6

ɓó lé Ala ila tuji dɔ Sɔdɔm gə Gɔmɔr ar dee tel ne bu pər gə́ nétɔji dəwje gə́ néra dee a kaw gə goo ka̰ Ala el,

Jude 1:7

Tɔɓəi Sɔdɔm gə Gɔmɔr gə ɓeeje gə́ gugu dɔ deḛ gə́ d’ula rɔ dee dan kaiya’g d’ar mal néje gə́ mina̰ ula pər meḛ dee’g lé deḛje neelé bo̰ néra dee ɔs ta dee’g dan pər gə́ o̰ bilim-bilim gə́ to gə no̰. Ala unda dee no̰ sí’g unda rɔ dee ar sí j’oo, wɔji ne pia gə́ a gə ra sə sí lé ya tɔ kən.

Loo gə́ killa rea kəm Ja̰’g 11:13

Mee kàree’g neelé naŋg yə ɓugu-ɓugu ndá dəb ɓee-boo lé tuji loo-kára ndá debeeje nai jinaikara. Dəwje tɔl-dɔg-loo-siri d’wəi keneŋ ndá dɔkal deeje gə́ nai lé ɓəl yaa̰ ləm, d’ula ne rɔnduba dɔ Ala’g gə́ si dara lé ləm tɔ.

Loo gə́ killa rea kəm Ja̰’g 11:9

Koso-dəwje ləm, gə gelɓee dəwje-dəwje ləm, gə ginkoji dəwje gə raŋg ləma, gə deḛ gə́ tapa dee to gə ria-ria ləm tɔ, deḛ nja d’a koo yoo njékɔrgootaje lé ndɔ dee munda gə gesee, deḛ gə́ yoo dee a to tar lal dubu lé.

Loo gə́ killa rea kəm Ja̰’g 14:20

Deḛ mbula kandə nduú neelé gaŋg ɓee-boo’g raga ndá məs ɓa ula yaa̰, wa ta kundaje loo-tɔ-kḛgəlé’g mbiriri saar ar kuruloo tɔl-dɔg gə dəa tɔl-misa̰.

Loo gə́ killa rea kəm Ja̰’g 14:8

Kura gə́ dara gə́ raŋg gə́ njekɔm dee’g joo lé teḛ goo yeḛ gə́ kédé’g lé pana: Babilɔn gə́ boo lé oso, yee oso ya! Yee gə́ mɔdkaiya ləa ula pər meḛ ginkoji dəwje gə raŋg’g lai asəna gə kido gə́ ra dəw bèe lé yee nja oso ya.

Loo gə́ killa rea kəm Ja̰’g 16:19

Ɓee-boo lé kai rəa loo munda tɔɓəi ɓee-booje lə ginkoji dəwje gə raŋg tuji tɔ ndá mee Ala olé dɔ Babilɔn’g, ɓee-boo lé mba kar dee d’ai mán-nduú oŋg-boo ləa gə́ to mee ŋgo-kai-mán’g lé kar dee d’ai sɔd.

Loo gə́ killa rea kəm Ja̰’g 17:1

Tɔɓəi kura gə́ dara kára mbuna deḛ gə́ siri gə́ d’aar gə bai gə́ siri ji dee’g lé ulam ta pana: Maji kari gə́ ree, m’a kari oo rəwta-gaŋg gə́ d’a gə gaŋg dɔ kaiya-dené’g yeḛ gə́ nérea to ɓəl kədm-kədm gə́ si dɔ mán baa-boo’g lé.

Loo gə́ killa rea kəm Ja̰’g 17:18

Dené gə́ ma m’ée lé to ɓee-boo gə́ o̰ mbaije gə́ dɔ naŋg nee ya.

Loo gə́ killa rea kəm Ja̰’g 17:5

Ria gə́ to gə ndəree lé deḛ ndaŋg ŋgo nea̰’g pana: Babilɔn, ɓee-boo, ko̰ njémɔdkaiyaje gə néndɔlje gə́ dɔ naŋg nee.

Loo gə́ killa rea kəm Ja̰’g 18:10

D’a kunda rɔ dee ŋgərəŋ mbata d’a ɓəl néurti gə́ rəa lé ndá d’a pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Babilɔn, ɓee-boo gə́ njesiŋgamoŋ lé nja! Mee kàree gə́ kára ba ya nétuji gə́ wɔji dɔi teḛ dɔi’g ya.

Loo gə́ killa rea kəm Ja̰’g 18:18

ndá loo gə́ deḛ d’oo sa pər gə́ rée ne ndá deḛ no̰ u-u-u pana: Ɓee-boo lé see garee gə́ tana səa to ra wa.

Loo gə́ killa rea kəm Ja̰’g 18:2

Yeḛ pata gə ndia gə́ boi wəl pana: Babilɔn, ɓee-boo lé tuji oso dəa’g aree tuji pugudu ya. Yee nja tel to loo-si ndilje gə́ majel ləm, gə ndilje gə́ mina̰ jɔmri-jɔmri gə́ rara kara ləma, yelje gə́ rara gə́ to ramielje gə́ to kḛji kara deḛ ra ɓee keneŋ ləm tɔ.

Loo gə́ killa rea kəm Ja̰’g 18:21

Yen ŋga kura gə́ dara gə́ to njesiŋgamoŋ lé un kɔr mbal gə́ to asəna gə mbal gə́ d’usu ne kó bèe ndá yeḛ unda piriŋ ila dan baa-boo-kad’g pana: Togə́bè ya ɓa, d’a kun ne Babilɔn, ɓee-boo gə́ garee godo neelé kila ne mán poŋgm bèe ya tɔ. D’a kiŋgá gogo el ŋga.

Loo gə́ killa rea kəm Ja̰’g 18:24

mbata d’iŋga məs deḛ gə́ to gə kəmee gə ka̰ njéteggintaje gə ka̰ deḛ gə́ i goré gwɔs dee dɔ naŋg neelé lé mee ɓee’g ləi ləm tɔ.