Loo gə́ killa rea kəm Ja̰’g 11:3 - Maktub gə́ To gə Kəmee

³ M’a kun ndum kar njékɔrgootaje ləm gə́ joo lé siŋga dee mba kɔr ne goo ta kar ndɔ dee tɔl-dɔg-giree-joo gə dəa rɔ-misa̰, d’a kaar gə kubu-kwa-ndòo rɔ dee’g.

Loo gə́ killa rea kəm Ja̰’g 11:3 Iomraidhean Croise

Gḭ-Néje 37:34

Yeḛ wa kubu ləa rəa’g hao̰ til ndá yeḛ tɔ kubu-kwa-ndòo rḛgee’g tɔɓəi yeḛ wa ne ndòo ŋgonee kuree əw yaa̰.

2 Samel 3:31

Dabid ula Joab gə deḛ lai gə́ d’aw səa lé pana: Tilje kubuje lə sí hao̰-hao̰ ndá ulaje ŋgisi kubu-kwa-ndòo rɔ sí’g no̰je ne dɔ yoo Abner’g. Tɔɓəi mbai Dabid njaa goo yée’g tɔ.

1 Mbaije 21:27

Gée’g gogo loo gə́ Akab oo taje lə Eli ndá yeḛ til kubuje rəa’g hao̰-hao̰ ya̰ ula kubu-kwa-ndòo ɓa rəa’g, tɔɓəi yeḛ ɔg mée ɓoo ləm, yeḛ to naŋg gə kubu-kwa-ndòo lé bura ləm tɔ ndá yeḛ njaa ne jan-jan tɔ.

2 Mbaije 19:1

Loo gə́ Ejekias oo taje neelé ndá yeḛ til kubuje ləa hao̰-hao̰ rəa’g, ya̰ ula kubu-kwa-ndòo rəa’g tɔɓəi ɔd aw ne mee kəi’g lə Njesigənea̰ tɔ.

1 Sôrta Gḭka-Israɛlje 21:16

Dabid un kəmee oo kura gə́ dara gə́ aar mbuna dara gə naŋg nee’g. Kiambas gə́ yeḛ ɔr sɔlee’g to jia’g ula par gə́ Jerusalem. Yen ŋga Dabid gə ŋgatɔgje d’ula kubu-kwa-ndòo rɔ dee’g d’oso bəbərə dəb ne kəm dee naŋg.

Nehemi 9:1

Ndɔ gə́ njekɔm’g rɔ-joo-giree-sɔ gə́ mee naḭ’g neelé Israɛlje mbo̰ dɔ na̰, deḛ d’ula kubu-kwa-ndòo rɔ dee’g ləm, tuga kor naŋg d’ɔm dɔ dee’g ləm tɔ ɓa d’ɔg ne meḛ dee ɓoo tɔ.

Maktub gə́ wɔji dɔ Jɔb 16:15

Kubu-kwa-ndòo ɓa m’ula rɔm’g ləm, Dɔm nduburu babur’g ləm tɔ.

Pakɔsje 69:11

M’no̰ gə mán-no̰ kəm’g ləm, M’ɔg ne məəm ɓó ləm tɔ, Yee ɓa ar dee tajim ne.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Jeremi 1:10

Oo maji, ɓogənè m’ɔri M’undai dɔ ginkoji dəwje gə raŋg’g ləm, Gə dɔ ɓeeko̰je ləm tɔ Gə mba kari tɔr dee təd dee rém-rém ləm, Gə mba kari tuji dee pugudu-pugudu Unda dee naŋg rə̰dəŋ-rə̰dəŋ ləma, Gə mba kari unda dee tar gə a ma̰a dee ləm tɔ.

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Ejekel 4:6

Loo gə́ m’a tɔl ndɔje neelé bém ndá maji kam m’tel m’to dɔ jikɔlm’g, bèe ɓa m’a kodo ne néra kori-korije lə gel-bɔje lə Juda as ndɔm rɔ-sɔ. N’a tura ndɔ kára wɔji dɔ ləb kára-kára.

Loo gə́ killa rea kəm Daniel’g 12:7

Ndá ma m’oo ndu dəw gə́ ula kubu gə́ d’ṵji gə kúla palégal rəa’d gə́ aar tar dɔ mán baa’g lé. Yeḛ odo jia bɔr par gə́ dara ndá yeḛ man rəa gə ri yeḛ gə́ njesi gə ləbee-ləbee gə nea̰ gə mba kar né neelé a to dɔkurloo kára ləm, gə dɔkurlooje ləma, gə ges dɔkurloo ləm tɔ. Loo gə́ siŋga dəwje gə́ to gə kəmee lé a gur rug-rug mba̰ ɓa néje neelé d’a godo ɓəi.

Loo gə́ killa rea kəm Daniel’g 7:25

Yee a pata kila ne ndɔl dɔ Njekurdɔloo’g ləm, yeḛ a kula kəm njémeendaje lə Njekurdɔloo ndòo ləma, yeḛ a ndiŋga rəa mba kar ndɔje gə godndu tel to ɓəd ləm tɔ. D’a kɔm njémeendaje jia’g as dɔkurloo kára ləm, gə dɔkurlooje joo ləma, gə ges dɔkurlooje ləm tɔ.

Loo gə́ killa rea kəm Daniel’g 8:14

Yeḛ tel ilam’g pana: As kàrkemetag gə ndɔje tɔl-dɔg-loo-joo gə dəa tɔl-munda (2.300) ɓa gée gə́ gogo kəi gə́ to gə kəmee lé a tel kàr ŋgad-ŋgad gogo ɓəi.

Joɛl 1:13

Seḭ njékinjanéməsje, Ɔmje kubu-kwa-ndòo rɔ sí’g no̰je ne! Seḭ gə́ raje kula loo-nékinjaməs’g lé Maji kar sí tuma̰je ŋgururu-ŋgururu to! Gə́ reeje, seḭ kuraje lə Ala ləm, Ulaje kubu-kwa-ndòo rɔ sí’g Toje ne loondul’g saar arje loo àr ləm tɔ! Mbata nékarje gə́ to nduji ləm, Gə nékarje gə́ ka̰ tər naŋg ləm tɔ lé Godo mee kəi’g lə Ala lə sí.

Junas 3:5

Koso-dəwje gə́ Ninibə lé d’ɔm meḛ dee dɔ Ala’g lé ndá deḛ d’ila mber ta kɔg meḛ dee ɓoo ləm, deḛ d’ula kubu-kwa-ndòo rɔ dee’g ləm tɔ, un kudee dɔ dəwje gə́ tɔg’d saar teḛ ne dɔ ŋganje gə́ gɔ gɔ’g tɔ.

Junas 3:8

Nɛ maji kar dee d’ula kubu-kwa-ndòo rɔ dee’g, dəwje ləm, gə daje ləm tɔ kar dee d’ɔr ndu dee gə́ tar wəl no̰ ne gə kaar gəd rɔ Ala’g lé. Maji kar dəwje kára-kára lai lé d’uba goo néra deeje gə́ majel ləm, gə goo néra gə́ kərm-kərm gə́ ji dee ɓa ra lé ləm tɔ d’ya̰.

Bula lə Israɛlje 11:26

Dəwje joo nai loo-si dee’g, yeḛ gə́ kára ria lə Eldad ləm, yeḛ gə́ kára ria lə Médad ləm tɔ, deḛ kara ndil lé ree aar dɔ dee’g tɔ mbata ri dee to mbuna deḛ gə́ ndaŋg ri dee’g lé ya nɛ kaw ɓa d’aw kəi-kubu’g lé el, deḛ kara tegginta loo-si dee’g lé tɔ.

Matiyo 11:21

Ndɔl a koso dɔi’g, i ɓee gə́ Korajḭ! ndɔl a koso dɔi’g, i ɓee gə́ Besayida. Némɔrije gə́ deḛ ra mbuna sí’g lé ɓó lé deḛ ra mee ɓeeje gə́ Tir gə Sido̰ togə́bè ndá d’a kwa ne ndòo rɔ dee si gə kubu-kwa-ndòo ɓa rɔ dee’g ləw ba ŋga ləm, kəm dee a kwa ne kor kor-kor ləm tɔ.

Matiyo 18:16

Nɛ ɓó lé yeḛ oo ta ləi el ndá maji kari ɔr dəwje joo əsé munda jén ɓó gə mba gɔl taree neelé kəm njékɔrgootaje gə́ joo əsé munda tɔ.

Lugu 10:13

Nékəmndoo a rai, i ɓee gə́ Korajḭ! Nékəmndoo a rai, i ɓee gə́ Besayida! mbata ɓó lé némɔrije gə́ deḛ ra mbuna sí’g lé deḛ ra togə́bè mee ɓee gə́ Tir gə Sido̰ tɔ ndá d’a si gə kubu-kwa-ndòo ɓa rɔ dee’g kwa ne ndòo rɔ dee dɔ kaiya’g lə dee ləw ba ŋga.

Lugu 24:48

Seḭ lé seḭ toje njékɔrgoota néje neelé ya.

Tagə́maji gə́ Ja̰ ndang 15:27

Seḭ nja seḭ a kɔrje goo ta ləm tɔ mbata seḭ sije səm kédé par-par mba̰ tɔ.

Tagə́maji gə́ Ja̰ ndang 3:27

Ja̰ ila dee keneŋ pana: Né gə́ dara ya ar dəw ɓa a kiŋga ɓó dəw a kiŋga né gə dɔrea el.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

Néra Njékaḭkulaje 13:31

Yeḛ teḛ kəm dee-deḛ gə́ d’ḭ səa Galile d’aw səa Jerusalem lé ndɔ bula. Deḛje neelé ɓasinè to gə́ njékɔrgootaje ləa no̰ koso-dəwje’g ya.

Néra Njékaḭkulaje 2:32

Yee ɓa to Jeju neelé gə́ Ala aree unda loo teḛ loo-yoo’g lé, jeḛ lai n’to gə́ njékɔrgootareeje ya.

Néra Njékaḭkulaje 3:15

Seḭ tɔlje Mbai gə́ njekar dəwje d’isi gə kəmə lé yeḛ gə́ Ala aree unda loo teḛ dan njé gə́ d’wəi’g, jeḛ lai n’toje njékoogootareeje ya.

1 Njé gə́ Kɔrḭtə 12:28

Yee ɓa Ala unda ne gin Eglisə, ar deḛ gə́ dɔtar lé to njékaḭkulaje ləm, njékɔm dee’g jooje to njéteggintaje ləma, njékɔm dee’g mṵdaje to njḛ́gɔ-négərje ləm tɔ, njékorè goo deeje gə́ raŋg lé to njéra némɔrije ləm, gə deḛ gə́ d’iŋga nénoji mba kida ne rɔko̰ rɔ dəwje’g ləm, gə njéla gə mar deeje gə́ d’odo nékodoje gə́ wɔi dee ləm, gə deḛ gə́ d’askəm kɔr no̰ mar deeje ləma, gə deḛ gə́ gər pa takɔji dəwje gə́ ɓəd-ɓəd ləm tɔ.

2 Njé gə́ Kɔrḭtə 13:1

Kaw gə́ m’isi m’aw gə́ rɔ sí’g ɓasinè lé to gɔl munda ləa ŋga. Ta gə́ rara gə́ to keneŋ ɓa njékoogootareje jooje əsé munda jén d’ɔr taree təsərə ndá taree a kwa dɔ njea ɓəi ya.

Njé gə́ Epesə 4:11

Yeḛ nja ɓa ar njé gə́ na̰je to gə́ njékaḭkulaje ləm, ar njé gə́ raŋg to gə́ njéteggintaje ləm, ar njé gə́ raŋg to gə́ njékilamber tagə́majije ləma, ar njé gə́ raŋg ya ɓəi to gə́ njékul dəwje gə njékɔrgootaje ləm tɔ,

Tel tura Godndu 17:6

Yeḛ gə́ ra né as yoo ndá d’a tɔlee gə goo ta kɔr lə dəwje joo əsé munda gə́ aw na̰’d ɓó d’a tɔlee gə goo njekɔrgoota gə́ kára ba el.

Tel tura Godndu 19:15

Njekɔrgoota gə́ kára ba lé as mba kila ne ta dɔ dəw gə́ ra né kori-kori’g əsé kaiya gə́ ban-ban gə́ ra lé el ɓəi, né gə́ yeḛ ra lé njékɔrgootareeje d’a kaḭ joo əsé munda ɓa.

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,

Loo gə́ killa rea kəm Ja̰’g 11:2

Nɛ maji kam m’ya̰ dan mee ndògo gə́ raga ɓó m’wɔjee el, mbata to loo-kaar lə ginkoji dəwje gə raŋg ndá ɓee gə́ to gə kəmee doi lé d’a gə tuba naŋg mbaji-mbaji as naḭ rɔ-sɔ-giree-joo.

Loo gə́ killa rea kəm Ja̰’g 11:6

Siŋga dee as kudu loo-kil-lə-ndi kar ndi ər el ndəa gə́ d’ɔr ne goo ta lé saar ləm, mba kar manje tel məs ləma, gə kunda naŋg nee kar rɔko̰je gə́ gə ria-ria oso dɔ dəwje’g to gə́ meḛ dee wɔji lé ləm tɔ.

Loo gə́ killa rea kəm Ja̰’g 12:6

Dené lé aḭ aw dɔdilaloo’g par gə́ loo gə́ Ala gɔl loo keneŋ mba̰, mba karee si keneŋ mba kulee keneŋ ndəa tɔl-dɔg-giree-joo gə dəa rɔ-misa̰.

Loo gə́ killa rea kəm Ja̰’g 13:5

D’ula ta beelé gə ta ndɔlje təa’g ləm, d’un ndu dee d’aree mba karee ra ne né as naḭ rɔ-sɔ-giree-joo ləm tɔ.

Loo gə́ killa rea kəm Ja̰’g 19:10

Yen ŋga, m’oso naŋg rəb gel gɔlee’g mba kwá məəm’g ndá yeḛ ulam pana: Ǝw rɔi! Ma m’to njeboakula ləi gə njeboakula lə ŋgakɔḭje gə́ d’ɔr goo ta lə Jeju lé. Ala nja ɓa maji kari wá məəi’g. Mbata goo ta lə Jeju to kankəmta gə́ ḭ rɔ Ala’g nja.

Loo gə́ killa rea kəm Ja̰’g 20:4

Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.