Loo gə́ killa rea kəm Ja̰’g 11:2 - Maktub gə́ To gə Kəmee

² Nɛ maji kam m’ya̰ dan mee ndògo gə́ raga ɓó m’wɔjee el, mbata to loo-kaar lə ginkoji dəwje gə raŋg ndá ɓee gə́ to gə kəmee doi lé d’a gə tuba naŋg mbaji-mbaji as naḭ rɔ-sɔ-giree-joo.

Loo gə́ killa rea kəm Ja̰’g 11:2 Iomraidhean Croise

Pakɔsje 79:1

Pakɔs lə Asap. Ǝi Ala, Ginkoji dəwje gə raŋg lé aa loo pəl-pəl dɔ nédɔji’g ləi ləm, Kəi ləi gə́ to gə kəmee doi lé d’ila ndɔl dɔ’g ləma, Jerusalem kara d’aree tel to gə́ kɔr mbalje Gə́ d’wa kugu dɔ na̰’d bèe ləm tɔ.

Esai 48:2

Mbata deḛ d’unda ri ɓee-boo gə́ to gə kəmee dɔ dee’g ləm, Deḛ nduna rɔ dee rɔ Ala lə Israɛlje’d Gə́ ria lə Njesigənea̰ gə́ njeboo-néje ləm tɔ.

Esai 5:5

Ɓasinè m’a kula sí né Gə́ m’a gə ra gə ndɔ-nduú ləm: M’a tɔr ŋgalaŋ gə́ keneŋ Gə mba kar daje d’usɔ ləm, M’a təd ndògo gə́ keneŋ Mba kar dee tuba naŋg gə gɔl dee ləm tɔ.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Nɔ̰-ndôo gə́ wɔji dɔ Jerusalem 1:10

Njékula kəm dee ndooje lé Saa némajije lə dee Gə́ to ŋgonkəm dee lé lai-lai ya, Deḛ d’oo ginkoji dəwje gə raŋg Gə́ d’andə mee kəi’g lə deḛ gə́ to gə kəmee Nɛ deḛje neelé kédé lé i un ndui Ɔg dee ne loo kila gɔl dee Loo mbo̰ dɔ na̰’d ləi el lé.

Ejekel 4:6

Loo gə́ m’a tɔl ndɔje neelé bém ndá maji kam m’tel m’to dɔ jikɔlm’g, bèe ɓa m’a kodo ne néra kori-korije lə gel-bɔje lə Juda as ndɔm rɔ-sɔ. N’a tura ndɔ kára wɔji dɔ ləb kára-kára.

Ejekel 42:20

Yeḛ wɔji kil ndògo-bɔrɔ gə́ sɔ gə́ gugu gir kəi gə́ to gə kəmee lé ndá ŋgalee as kag-kwɔji-né tɔl mi (500) ləm, tadee as kag-kwɔji-né tɔl mi (500) ləm tɔ, ndògo-bɔrɔ neelé ɓa gaŋg mbuna loo gə́ to gə kəmee gə loo gə́ to kari lé.

Loo gə́ killa rea kəm Daniel’g 12:7

Ndá ma m’oo ndu dəw gə́ ula kubu gə́ d’ṵji gə kúla palégal rəa’d gə́ aar tar dɔ mán baa’g lé. Yeḛ odo jia bɔr par gə́ dara ndá yeḛ man rəa gə ri yeḛ gə́ njesi gə ləbee-ləbee gə nea̰ gə mba kar né neelé a to dɔkurloo kára ləm, gə dɔkurlooje ləma, gə ges dɔkurloo ləm tɔ. Loo gə́ siŋga dəwje gə́ to gə kəmee lé a gur rug-rug mba̰ ɓa néje neelé d’a godo ɓəi.

Loo gə́ killa rea kəm Daniel’g 7:19

Gée gə́ gogo m’ndiŋga rɔm mba koo ta gə́ gəd gə́ wɔji dɔ da gə́ njekɔm’g sɔ lé gə́ to ɓəd ɓó tana gə njé gə́ raŋg el lé. Yee to ɓəl kədm-kədm ləm, ŋgaŋgee to gə́ larndul ləm, ŋgo gɔleeje to gə́ larkas ləm, yee sɔ ne né ləm, təd ne né ləma, ges né gə́ nai kara yee tuba naŋg gə gɔlee ləm tɔ,

Loo gə́ killa rea kəm Daniel’g 7:25

Yee a pata kila ne ndɔl dɔ Njekurdɔloo’g ləm, yeḛ a kula kəm njémeendaje lə Njekurdɔloo ndòo ləma, yeḛ a ndiŋga rəa mba kar ndɔje gə godndu tel to ɓəd ləm tɔ. D’a kɔm njémeendaje jia’g as dɔkurloo kára ləm, gə dɔkurlooje joo ləma, gə ges dɔkurlooje ləm tɔ.

Loo gə́ killa rea kəm Daniel’g 8:10

Gaji da neelé ḭ ŋgal saar teḛ rɔ boo-kuraje gə́ dara ndá yee ar ges boo-kuraje gə́ dara neelé gə kéréméje toso naŋg ləm, tuba dee naŋg mbajila-mbajila ləm tɔ.

Loo gə́ killa rea kəm Daniel’g 8:13

M’oo ndu njemeenda kára gə́ pata. Ndá njemeenda gə́ raŋg dəji maree gə́ njepata kédé lé pana: See ndɔ gə́ ra ɓa némḭdi gə́ wɔji dɔ nékinjaməs gə́ d’aw ra ta-ta gə́ kédé-kédé ləm, gə kaiya gə́ ka̰ tuji loo pugudu ləm tɔ lé a kaw lée’g béréré ɓəi wa. See kəi gə́ to gə kəmee ləm, gə boo-kuraje gə́ dara ləm tɔ lé d’a tuba dee naŋg mbajila-mbajila saar kunda ŋgaŋgee ndɔ gə́ ra wa.

Loo gə́ killa rea kəm Daniel’g 8:14

Yeḛ tel ilam’g pana: As kàrkemetag gə ndɔje tɔl-dɔg-loo-joo gə dəa tɔl-munda (2.300) ɓa gée gə́ gogo kəi gə́ to gə kəmee lé a tel kàr ŋgad-ŋgad gogo ɓəi.

Bula lə Israɛlje 14:34

To gə́ ndɔ tən gə́ seḭ tenje ne loo mee ɓee’g lé aḭ rɔ-sɔ lé ndá ləbje gə́ ta néra kori-korije lə sí a kwa dɔ sí lé kara d’a kas ləb rɔ-sɔ bèe tɔ, ləb kára-kára gə mbata lə ndɔje kára-kára ya, bèe ɓa seḭ a gərje to gə́ ma m’uba sí m’ya̰ sí ya.

Matiyo 27:53

Deḛ d’unda loo teḛ dɔɓarje’g ndá loo gə́ Jeju teḛ dɔkumbwa’g lé deḛ d’aw mee ɓee-boo gə́ to gə kəmee teḛ ne təsərə-təsərə kəm dəwje’g bula-bula.

Matiyo 4:5

Léegəneeya njekurai lé undá aw səa mee ɓee gə́ to gə kəmee, uba səa dɔ kəi-Ala ulá pana:

Matiyo 5:13

Seḭ toje kad gə́ dɔ naŋg nee. Nɛ ɓó lé kad gə́ rii lé tel rii el ndá see ɗi ɓa d’a ra ne karee tel rii gogo ɓəi wa. Yee neelé maji sané kɔ kar dəwje njaa dɔ’g ɓó kəm ra ne né el ŋga.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Ǝbrəje 10:29

Nɛ ɓəd ɓa see yeḛ gə́ njaa dɔ Ŋgon-Ala’g lé ləm, oo məs manrɔ gə́ aree to ne dəw gə́ to gə kəmee lé oo gə́ né el ləma, ila ndɔl dɔ Ndil gə́ njenoji’g ləm tɔ ndá yeḛ gə́ ra togə́bè lé see tuji gə́ a koso dəa’g lé a kur dɔ maree’g nee el wa.

Loo gə́ killa rea kəm Ja̰’g 11:11

Loo gə́ ndɔ munda gə gesee dəs mba̰ ndá kəmə ḭ rɔ Ala’g uru meḛ dee’g ɓa d’ḭ tar ɓəi. Deḛ gə́ d’oo dee lé ɓəl dəb dɔ dee’g rigim.

Loo gə́ killa rea kəm Ja̰’g 11:3

M’a kun ndum kar njékɔrgootaje ləm gə́ joo lé siŋga dee mba kɔr ne goo ta kar ndɔ dee tɔl-dɔg-giree-joo gə dəa rɔ-misa̰, d’a kaar gə kubu-kwa-ndòo rɔ dee’g.

Loo gə́ killa rea kəm Ja̰’g 12:6

Dené lé aḭ aw dɔdilaloo’g par gə́ loo gə́ Ala gɔl loo keneŋ mba̰, mba karee si keneŋ mba kulee keneŋ ndəa tɔl-dɔg-giree-joo gə dəa rɔ-misa̰.

Loo gə́ killa rea kəm Ja̰’g 21:10

Ndil taa məəm yal-yal ndá unm aw səm dɔ mbal gə́ boi gə́ ŋgal léŋgé-léŋgé’g. Yeḛ am m’oo ɓee-boo gə́ to gə kəmee, Jerusalem gə́ ḭ dara rɔ Ala’g lé ree naŋg nee.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.

Loo gə́ killa rea kəm Ja̰’g 22:19

Ɓó lé nana ɓa tuji ta gə́ a gə teḛ gə goo ta gə́ to mee maktub’g neelé ndá Ala a kɔgee dɔ kandə kag kəmə’g neelé gə́ wɔji dəa ləm, a kɔgee loo-siée mee ɓee gə́ to gə kəmee gə́ d’ɔr goo taree mee maktub’g neelé ya ləm tɔ.