Loo gə́ killa rea kəm Ja̰’g 11:18 - Maktub gə́ To gə Kəmee

¹⁸ Ginkoji dəwje gə raŋg ra oŋg, nɛ oŋg-boo ləi taa dee rəw, kàr gaŋg-rəwta dɔ njé gə́ d’wəi’g lé kàree teḛ mba̰, kàr kuga dɔ ji kuraje ləi gə́ njéteggintaje ləm, gə dɔ ji deḛ gə́ to gə kəmee ləma, gə dɔ ji njéɓel riije gə́ to dəwje gə́ boo-boo əsé to dəwje gə́ gɔ-gɔ kara kàree teḛ mba̰ ya ləm tɔ. Kàr tuji deḛ gə́ tuji naŋg nee kara teḛ mba̰ ya.

Loo gə́ killa rea kəm Ja̰’g 11:18 Iomraidhean Croise

Pakɔsje 103:11

To gə́ dara to tar sab gə naŋg lé Meemaji ləa kara boo togə́bè to Mbata lə deḛ gə́ ɓəlee lé.

Pakɔsje 110:5

Mbaidɔmbaije gə́ aar dɔ jikɔli’g lé Təd mbaije lé rém-rém ndɔ ra oŋg’d ləa.

Pakɔsje 147:11

Njesigənea̰ lé unda deḛ gə́ ɓəlee Deḛ gə́ d’unda meḛ dee yel gə́ dɔ meemaji’g ləa lé dan kəmee’g.

Pakɔsje 2:5

Tɔɓəi oŋg ḭ səa aree pa ne sə dee ləm, Meekḭ jugugu ləa kara ar dee ndəb ne pəd-pəd ləm tɔ.

Pakɔsje 85:9

M’a kur mbim mba koo ne ta gə́ Ala Njesigənea̰ pa lé Mbata yeḛ pata wɔji ne dɔ meelɔm Ar koso-dəwje ləa ləm, gə majikojije ləa ləm tɔ Mba kar dee tel d’oso ne dan néra mbə’g gogo el.

Njekillamber 12:13

Ar sí j’oo loo kunda ŋgaŋ néje neelé togə́bè: Ɓəl Ala ləm, aa dɔ torndiaje kər-kər ləm tɔ, yee ɓa gə́ né gə́ kəm kar dəwje lai-lai ra ya.

Njekillamber 8:12

Lé bèe kara ɓó lé Njekaiya ra némajel as gɔl tɔl (100) Si ne ŋgəd-ŋgəd kuree əw kara Ma m’gər gao to gə́ si dan maji’g to Mbata lə deḛ gə́ ɓəl Ala Deḛ d’ila koji dəa’g ya.

Loo gə́ killa rea kəm Daniel’g 11:44

Nɛ taje gə́ d’ḭ ne bər gə dɔgel lé a koso mbia’g karee ɓəl yaa̰ ndá oŋg a kḭ səa pu karee ḭ aw gə mba tuji koso-dəwje kar dee d’udu guduru.

Loo gə́ killa rea kəm Daniel’g 7:26

Bèe ɓa ndɔ gaŋg rəwta a teḛ ndá d’a kɔr dum dɔ loo ləa karee tuji pugudu ləm, karee godo saar gə no̰ ləm tɔ.

Loo gə́ killa rea kəm Daniel’g 8:25

Gə goo nékiŋgaje ləa gə́ d’a to yaa̰ ləm, gə teḛkɔr lə gosɔyèrje ləa ləm tɔ lé yeḛ a beelé ne dɔ rəa’g ləm, yeḛ a tuji ne dəwje bula gə́ d’isi dan meelɔm’g ləma, tɔɓəi yeḛ a kḭ gə Mbaidɔmbaije kɔsee rəw ləm tɔ. Nɛ d’a tədee rém-rém lal kar ji dəw kára kara ɔrɔ rəa.

Matiyo 5:12

Ndaje meḛ sí kaḭ-kaḭ ləm, alje rɔ sí ləm tɔ mbata seḭ a kiŋgaje némeekila lə sí gə́ to dara ɓəi. Mbata njéteggintaje lé d’ula kəm dee ndòo bèe ya ɓa seḭ oreeje goo dee ɓəi.

Lugu 1:50

Meekɔrjol ləa to gə ləbee-ləbee gə́ kédé-kédé mbata lə deḛ gə́ to njéɓəleeje ya.

Ǝbrəje 9:27

Tɔɓəi to gə́ dəwje d’wəi gɔl kára ba ɓa ndɔ gaŋg-rəwta teḛ dɔ dee’g ɓəi gə goo rəw gə́ Ala ɓa wɔji,

Loo gə́ killa rea kəm Ja̰’g 10:7

Nɛ mee ndəa gə́ ndu kura gə́ dara gə́ njekɔm dee’g siri a ɓar lé ndɔ gə́ yeḛ a kim to̰to̰ ləa ndá ta lə Ala gə́ to gə ndəree lé a teḛ gə́ raga gə goo ta gə́ yeḛ ula kuraje ləa gə́ njéteggintaje lé.

Loo gə́ killa rea kəm Ja̰’g 11:2

Nɛ maji kam m’ya̰ dan mee ndògo gə́ raga ɓó m’wɔjee el, mbata to loo-kaar lə ginkoji dəwje gə raŋg ndá ɓee gə́ to gə kəmee doi lé d’a gə tuba naŋg mbaji-mbaji as naḭ rɔ-sɔ-giree-joo.

Loo gə́ killa rea kəm Ja̰’g 13:10

Ɓó lé dəw wa maree ɓər ndá yeḛ kara a to ɓər ya tɔ, ɓó lé dəw tɔl maree gə kiambas ndá yeḛ kara a kəi yoo-kiambas ya tɔ. Yee ɓa gə́ gin meekai sam-sam gə gin meekun lə deḛ gə́ to gə kəmee.

Loo gə́ killa rea kəm Ja̰’g 13:16

Tɔɓəi yeḛ un ndia mba kar dəwje lai, njé gə́ gɔ-gɔ gə njé gə́ boo-boo ləm, baoje gə njéndooje ləma, ŋgankojije gə ɓərje ləm tɔ lé d’inja ndaji jikɔl dee’g əsé ŋgo no̰ dee’g.

Loo gə́ killa rea kəm Ja̰’g 14:10

ndá yeḛ kara boo-oŋg lə Ala a rəa to gə́ dəw gə́ ai kido bèe, a to kido gə́ mḭ yaa̰ gə́ d’a ndusu mee bai’g gə goo kára ba ya. Yeḛ neelé a si dan néurti dan pər’g ləm, gə dan kṵji pər gə́ teḛ sa gi-gi’g ləm tɔ kəm kuraje gə́ dara gə́ to gə kəmee ləm, gə kəm Ŋgonbad’g lé ləm tɔ.

Loo gə́ killa rea kəm Ja̰’g 15:1

Tɔɓəi ma m’oo boo-nétɔji gə́ raŋg dara gə́ to ɓəl kədm-kədm bèe: Kuraje gə́ dara siri d’isi gə tuji-boo gə́ siri, tuji neelé to rudu tuji ɓa mba kar oŋg lə Ala wəi ne bém.

Loo gə́ killa rea kəm Ja̰’g 15:7

Yeḛ gə́ kára mbuna nékundaje’g lə Ala gə́ d’aw kəmba sɔ lé odo bai-larlɔrje siri gə́ oŋg lə Ala gə́ njesikəmba gə ləbee-ləbee gə no̰ lé rusu tub-tub ndá yeḛ ar kuraje gə́ dara kára-kára siri lé.

Loo gə́ killa rea kəm Ja̰’g 18:6

Raje səa né godə maree gə́ yeḛ nja ra sə sí-seḭ ləm, telje gə maree as gɔl joo ɓa areeje gə goo kula reaje ləm tɔ. Nékaiya gə́ yeḛ nja ndusu mee ŋgo-kai-né’g lé telje ndusuje maree as gɔl joo lé mee ŋgo-kai-né’g ləa-yeḛ lé tɔ.

Loo gə́ killa rea kəm Ja̰’g 19:15

Kiambas gə́ adə làm-làm teḛ təa’g mba kunda ne ginkoji dəwje gə raŋg. Yeḛ a ko̰ dee gə kag-larndul ləm, yeḛ a mbula kandə nduú, yee ɓa to gə́ boo-oŋg lə Ala gə́ Bao-siŋgamoŋ ləm tɔ.

Loo gə́ killa rea kəm Ja̰’g 19:18

ɓó gə mba sɔ dakasrɔ mbaije ləm, gə dakasrɔ ɓé-njérɔje gə́ dɔ naŋg nee ləm, gə dakasrɔ njésiŋgamoŋje ləm, gə dakasrɔ kundaje gə njékuba deeje ləm, gə dakasrɔ dəwje lai gə́ to gə ŋgankojije gə ɓərje ləma, gə dakasrɔ dəwje gə́ gɔ-gɔ gə njé gə́ boo-boo lé ləm tɔ.

Loo gə́ killa rea kəm Ja̰’g 19:5

Ndu dəw ɓar gə́ par gə́ rɔ kalimbai’g lé pana: Ɔsje gaji Ala lə sí, seḭ kuraje ləa lai ləm, seḭ gə́ ɓəleeje gə́ toje dəwje gə́ gɔ-gɔ gə dəwje gə́ boo lé ya ləm tɔ.

Loo gə́ killa rea kəm Ja̰’g 20:12

M’oo njé gə́ d’wəi gə́ to dəwje gə́ boo-boo gə njé gə́ gɔ-gɔ gə́ d’aar no̰ kalimbai’g lé. Yeḛ woḭ mee maktubje, tɔɓəi yeḛ woḭ mee maktub gə́ raŋg’d, yeḛ gə́ to maktub kəmə lé. Ndá deḛ gaŋg rəwta dɔ njé gə́ d’wəi’g lé gə goo ta gə́ ndaŋg mee maktubje’g neelé.

Loo gə́ killa rea kəm Ja̰’g 20:15

Nana ɓa gə́ ria godo mee maktub kəmə’g neelé ndá d’ilá dan pər gə́ tad rəg-rəg’d neelé tɔ.

Loo gə́ killa rea kəm Ja̰’g 22:12

Aa ooje, waga ɓa m’a ree ɓəi ndá m’a ree gə né mba kuga ne dɔ ji dəwje kára-kára lai gə goo néra dee ra dee lé.