Loo gə́ killa rea kəm Ja̰’g 10:5 - Maktub gə́ To gə Kəmee

⁵ Kura gə́ m’ée lé tad galee ila gɔlee dɔ baa-boo-kad’g ləm, gə dɔ naŋg nee ləm tɔ ndá yeḛ ula jikɔlee ndiŋ par gə́ dara

Loo gə́ killa rea kəm Ja̰’g 10:5 Iomraidhean Croise

Gḭ-Néje 14:22

Abram ila mbai gə́ Sɔdɔm keneŋ pana: Ma m’un jim par gə́ rɔ Njesigənea̰’g, Ala gə́ Njekurdɔloo, yeḛ gə́ to mbai dɔ dara gə naŋg nee:

Nehemi 9:6

I nja ɓa to Njesigənea̰, i nja kára ba kiao, I to njekunda dara gə dara gə́ to dɔ na̰’d dɔ na̰’d ləm, Gə boo-nékundaje gə́ to keneŋ ləm, Gə naŋg gə néje lai gə́ to keneŋ ləma, Gə baa-boo-kad gə néje lai gə́ to keneŋ ləm tɔ. I nja ɓa ar néje lai neelé d’aw kəmba ləm, Ar boo-nékundaje gə́ dara d’unda barmba nɔḭ’g ləm tɔ.

Pakɔsje 146:5

Rɔlel nai gə yeḛ gə́ Ala lə Jakob to gə́ njela səa ya ləm, Yeḛ gə́ unda mée yel dɔ Njesigənea̰ Ala’g ləa lé ləm tɔ.

Teḛ-Raga 20:11

Mbata mee ndɔje gə́ misa̰ lé Njesigənea̰ unda dara gə naŋg gə baa-boo-kad gə néje lai gə́ to keneŋ lé ndá ndɔ gə́ njekɔm’g siri lé yeḛ wa rəa keneŋ, gelee gə́ nee ɓa Njesigənea̰ tɔr ne ndia dɔ ndɔ-kwa-rɔ’g ləm, undá ne gə kəmee ləm tɔ.

Teḛ-Raga 6:8

M’a kaw sə sí mee ɓee gə́ ma man ne rɔm gə mba kar Abrakam, gə Isaak, gə Jakob lé, ma Njesigənea̰ lé m’a kar sí gə́ né ka̰ sí-seḭ ya.

Ejekel 20:15

Dɔdilaloo’g lé neḛ manrɔ neḛ n’ula ji neḛ ndiŋ gə́ rɔ dee’g mba kɔr ne no̰ dee kaw sə dee ɓee gə́ neḛ n’wɔji ne dɔ dee lé el, to ɓee gə mbà gə ubu tə̰ji to keneŋ ləm, to ɓee gə́ maji unda ɓeeje lai ləm tɔ

Ejekel 20:23

Loo gə́ dɔdilaloo’g lé ya neḛ manrɔ neḛ n’ula ji neḛ ndiŋ gə́ rɔ dee’g gə mba sané dee mbuna ginkoji dəwje gə raŋg’g ləm, gə mba kɔm dee mee ɓeeje’g ɓəd-ɓəd ləm tɔ

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 20:42

Seḭ a gərje to gə́ neḛ n’to Njesigənea̰ loo gə́ n’a mbo̰ sí mee ɓee’g lə Israɛlje, mee ɓee gə́ neḛ manrɔ neḛ mba kar bɔ síje-je lé.

Ejekel 20:5

M’a kula dee pana: Mbaidɔmbaije gə́ Njesigənea̰ pa togə́bè pana: Mee ndɔ gə́ neḛ mbər ne Israɛl lé neḛ manrɔ neḛ n’ula ne ji neḛ ndiŋ gə́ dɔ ginka’g lə gel-bɔje lə Jakob ndá neḛ n’ar dee gər neḛ mee ɓee gə́ Ejiptə. Neḛ manrɔ neḛ n’ula ji neḛ ndiŋ gə́ rɔ dee’g m’pana: Neḛ n’to Njesigənea̰, Ala lə dee.

Ejekel 36:7

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Neḛ n’un ji neḛ gə́ tar mán ne rɔ neḛ ndá ginkoji dəwje gə raŋg gə́ gugu dɔ sí sub lé ɓa rɔkul-boo lə dee a dəb dɔ dee-deḛ’g ya.

Ejekel 47:14

Seḭ a taaje gə́ né ka̰ sí ka̰ sí karee as na̰-na̰, mbata neḛ n’un ji neḛ gə́ tar man ne rɔ neḛ gə mba kar bɔ síje-je. Bèe ɓa ɓee neelé seḭ a kiŋgaje gə́ né ka̰ sí ya.

Loo gə́ killa rea kəm Daniel’g 12:7

Ndá ma m’oo ndu dəw gə́ ula kubu gə́ d’ṵji gə kúla palégal rəa’d gə́ aar tar dɔ mán baa’g lé. Yeḛ odo jia bɔr par gə́ dara ndá yeḛ man rəa gə ri yeḛ gə́ njesi gə ləbee-ləbee gə nea̰ gə mba kar né neelé a to dɔkurloo kára ləm, gə dɔkurlooje ləma, gə ges dɔkurloo ləm tɔ. Loo gə́ siŋga dəwje gə́ to gə kəmee lé a gur rug-rug mba̰ ɓa néje neelé d’a godo ɓəi.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Néra Njékaḭkulaje 17:23

Mbata loo gə́ ma m’gugu mee ɓee’g lə sí ma m’tən magəje lə sí ɓəd-ɓəd lé ndá m’iŋga loo-nékinjaməs gə́ kára gə́ deḛ ndaŋg ta kaaree’g pana: Wɔji dɔ magə gə́ dəw gəree el. Né gə́ seḭ poleje lal gəree lé yee ɓa ma m’ree gə mba riba dəa kar sí ya.

Njé gə́ Rɔmə 1:20

Nɛ néje gə́ maji kɔr njoroŋ lə Ala gə́ dumkoo ləm, gə siŋgamoŋ ləa gə́ to gə no̰ ləma, gə rɔkunda ləa gə́ yeḛ unda ləm tɔ lé inja kəm dəwje’g təsərə, ndɔ tum gel naŋg saar ɓasinè, mbata néreaje lai ɔr ginee njai ar dee d’oo. Bèe ndá loo kunda goso lə dəwje godo ŋga,

Tel tura Godndu 32:40

Mbata m’odo jim par gə́ dara ndá, Ma m’pana: M’isi kəmba gə ləbm ləbm Saar-saar gə no̰.

Ǝbrəje 6:13

Loo gə́ Ala un ndia ar Abrakam ndá yeḛ man rəa gə ria-yeḛ nja mbata dəw gə́ njekur dəa’g godo

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

Loo gə́ killa rea kəm Ja̰’g 10:2

Yeḛ aar gə ŋgon maktub gə́ lam jia’g wa teḛ. Yeḛ ila gɔlee gə́ kɔl dɔ baa-boo-kad’g ləm, yeḛ ila gɔlee gə́ gel dɔ naŋg nee ləm tɔ

Loo gə́ killa rea kəm Ja̰’g 14:7

Yeḛ pata gə ndia gə́ boi wəl pana: Ɓəlje Ala, ulaje rɔnduba dəa’g mbata kàr gaŋgta ləa teḛ mba̰. Yeḛ gə́ unda dara gə naŋg nee ləm, gə baa-boo-kad gə ŋgira manje lai ləm tɔ lé maji kar sí wáje meḛ sí’g ya.

Loo gə́ killa rea kəm Ja̰’g 16:17

Kura gə́ dara gə́ njekɔm dee’g siri lé aw ɔm oŋg gə́ to mee bai’g ləa loo gə́ pən dara’g gə naŋg’g ndá ndu mbər ɓar wəl mee kəi-Ala’g loo kalimbai’g pana: Ɓea ya kən.

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.

Loo gə́ killa rea kəm Ja̰’g 4:9

Nékundaje gə́ d’aw kəmba lé loo gə́ deḛ d’ila riɓar dɔ yeḛ gə́ si kalimbai’g gə́ sí gə ləbee-ləbee gə nea̰ lé ɓa d’ula ne rɔnduba dəa’g ləm, deḛ rəa oiyo ləm tɔ