Loo gə́ killa rea kəm Ja̰’g 10:1 - Maktub gə́ To gə Kəmee

¹ Ma m’oo kura gə́ dara gə́ njesiŋgamoŋ ḭ dara uru naŋg, nɛ ndi il dəb dəa’g rigim, ŋgaoburandi ila gugu dəa ləm, kəmee to asəna gə kàr ləma, gɔlee to asəna gə ndo̰ pər ləm tɔ.

Loo gə́ killa rea kəm Ja̰’g 10:1 Iomraidhean Croise

Pakɔsje 104:3

Yeḛ ra loo-siée dɔ manje gə́ tar ləm, Yeḛ ar kil-lə-ndi to gə́ pusu-rɔ ləa ləma, Yeḛ aḭ ŋgwɔd dɔ bag lel’g lé ləm tɔ.

Pakɔsje 97:2

Kil lə ndi gə loo gə́ ndul njudu-njudu lé D’aḭ dəa sub ləm, Meekarabasur gə néra gə́ gə dɔ najee lé ɓa To gə́ gin kalimbai ləa ləm tɔ.

Teḛ-Raga 16:10

Loo gə́ Aaro̰ si ula koso-dəwje gə́ Israɛl lai ta bèe lé deḛ tel kəm dee par gə́ dɔdilaloo’g ndá aa oo, rɔnduba lə Njesigənea̰ teḛ dan mum’g.

Pa gə́ ur dɔ paje 5:15

Kur gɔleeje to gə́ gaji kagje Gə́ ra gə mbal gə́ ndá Gə́ d’ula dɔ nékwa gɔlee’d Gə́ ra gə larlɔr gə́ àr ŋgad-ŋgad ləm, Rɔkunda ləa to to gə́ mbal gə́ Liba̰ Gə́ kura yaa̰ asəna gə kag-sɛdrəje bèe ləm tɔ.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 54:9

A to kasəna gə mán gə́ mee ndəa’g ka̰ Noe lé Gə́ ma m’un ne ndum dɔ’g lé, Loo gə́ ma man rɔm gə mba kar manje Gə́ to d’asəna gə manje gə́ mee ndəa’g lə Noe lé D’a taa loo pəl-pəl dɔ naŋg nee el ŋga, Togə́bè ɓa ma man rɔm Gə mba kar məəm ḭ səm pu dɔ sí’g togə́bè el ŋga ləm, Gə mba ndaŋg sí ne el ŋga ləm tɔ.

Nɔ̰-ndôo gə́ wɔji dɔ Jerusalem 3:44

I o̰ rɔi gə mum Mba kar tamaji lə sí teḛ rɔi’g el tɔ.

Ejekel 1:28

Né gə́ ndogó ɔr jol-jol gə́ gugu dəa sub lé kunda rɔ ləa to asəna gə ŋgaoburandi gə́ teḛ dan kil-lə-ndi ndɔ kər’g lə ndi bèe, yee ɓa to né gə́ ndaji rɔnduba lə Njesigənea̰. Loo gə́ m’oo né neelé ndá m’oso m’dəb kəm naŋg ləm, m’oo ndu dəw gə́ pa ne ta ləm tɔ.

Loo gə́ killa rea kəm Daniel’g 10:6

Darea to asəna gə jər gə́ ɓaree krijolitə ləm, ŋgo nea̰ gə kwɔji kəmee ndɔḭ asəna gə ndi gə́ tel ləm, kəmee to asəna gə pərŋgelje ləm, kag jiaje gə gɔleeje to d’asəna gə larkas gə́ d’usu d’aree ndɔḭ ləma, ndia gə́ ɓar lé to asəna gə ndu koso-dəwje gə́ ɓar bèe ləm tɔ.

Loo gə́ killa rea kəm Daniel’g 7:13

Loo gə́ né ram gə́ mḭdi loondul’g lé ma m’aa loo ndá aa oo, dəw kára gə́ to tana gə ŋgon dəw bèe ree dan loo-kil’g lə ndi. Yeḛ aw pər gə́ rɔ Dəw gə́ ɓuga yaa̰’g lé ndá d’aree ree mbɔree’g dəb ya.

Ləbije 16:2

Njesigənea̰ ula Moyis pana: Maji kari ula ŋgokɔḭ Aaro̰ mba karee andə aw mee loo gə́ to gə kəmee’g dəs njal aw mee kubu gə́ gaŋg ne mee kəi gə́ to no̰ kidata sa̰duk-manrɔ gə́ ka̰ meekoso lemsé’g lé ta-ta el, nà a kwəi, mbata m’a teḛ kəmee’g dan mum’g dɔ kidata sa̰duk-manrɔ gə́ ka̰ meekoso lemsé’g lé ya.

Matiyo 17:2

Rea tel ndɔḭ ar ŋgo nea̰ gə kwɔji kəmee ndɔḭ wər-wər asəna gə kàr ləm, kubuje ləa kara tel ndá ɔr njɔl-njɔl ləm tɔ.

Lugu 21:27

Yen ŋga d’a koo Ŋgon-dəw gə́ a teḛ dan loo-kil’g lə ndi gə siŋgamoŋ ləm, gə rɔnduba ləm tɔ.

Néra Njékaḭkulaje 26:13

Wah! Mbai, loo gə́ m’isi m’aw gə́ rəbee bèe ya ɓa kàr aar daŋdɔ bèe ya ndá m’oo loo ḭ dara ndogó gugu dɔm gə dɔ deḛ gə́ d’aw səm lé sub, ar loo neelé ndogó wərərə unda ka̰ kàr ya.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.

Loo gə́ killa rea kəm Ja̰’g 18:1

Gée gə́ gogo ma m’oo kura gə́ dara gə́ raŋg ḭ dara ree naŋg nee ndá yeḛ to njesiŋgamoŋ gə́ tɔgmbaŋ. Rɔnduba ləa ndogó wər-wər naŋg nee.

Loo gə́ killa rea kəm Ja̰’g 18:21

Yen ŋga kura gə́ dara gə́ to njesiŋgamoŋ lé un kɔr mbal gə́ to asəna gə mbal gə́ d’usu ne kó bèe ndá yeḛ unda piriŋ ila dan baa-boo-kad’g pana: Togə́bè ya ɓa, d’a kun ne Babilɔn, ɓee-boo gə́ garee godo neelé kila ne mán poŋgm bèe ya tɔ. D’a kiŋgá gogo el ŋga.

Loo gə́ killa rea kəm Ja̰’g 20:1

Tɔɓəi ma m’oo kura gə́ dara ḭ dara ree naŋg nee. Nékɔr tarəw bwa-wəl gə́ ɔr duu to jia’g ləm, kúla lar gə́ boo to jia’g ləm tɔ.

Loo gə́ killa rea kəm Ja̰’g 4:3

Yeḛ gə́ si kalimbai’g lé rəa ndɔḭ ŋgəl-ŋgəl asəna gə jərje gə́ ɓar dee jaspə gə sardoinə. Kalimbai lé ŋgaoburandi gə́ àr wəjəjə asəna gə jər gə́ ɓaree emerodə ila gugu dəa sub.

Loo gə́ killa rea kəm Ja̰’g 5:2

Tɔɓəi ma m’oo kura gə́ dara gə́ njesiŋgamoŋ gə́ ila mber gə ndia gə́ boi wəl pana: See na̰ ɓa askəm kɔr nérḛdə ta maktub gə́ siri lé gə mba tudu mée koo taree wa.

Loo gə́ killa rea kəm Ja̰’g 8:13

Ma m’aa loo gərərə ndá m’oo gir bag magəra gə́ nar tar lé ɓar kib-kib, yee pata gə ndia gə́ boi wəl pana: Meeko̰, meeko̰, meeko̰ a koso dɔ dəwje gə́ d’isi dɔ naŋg nee gə goo ndu to̰to̰je gə́ raŋg munda gə́ kuraje lə Ala gə́ dara d’a gə kar dee ɓar ɓəi lé.