Loo gə́ killa rea kəm Ja̰’g 1:9 - Maktub gə́ To gə Kəmee

⁹ Ma, ŋgoko̰ si gə́ Ja̰ m’to gə́ njeboaloo-si lə si dan néurti’d gə́ ra si ləm, m’ai məəm sam-sam m’ŋgina sə sí ɓeeko̰ lé gin Jeju’g ləm tɔ. Ma nja m’isi gə karm ba dɔgoré-loo gə́ ria ləa lə Patmos. Ta lə Ala gə́ m’ula dee ləm, gə ginta lə Jeju gə́ m’ɔr ləm tɔ lé yee ɓa m’isi ne gə mbəa.

Loo gə́ killa rea kəm Ja̰’g 1:9 Iomraidhean Croise

Matiyo 20:23

Jeju tel ila dee keneŋ pana: To tɔgərɔ ya, né gə́ mee ŋgo-kai-mán’g ləm lé seḭ a kaije ya nɛ ka̰ si dɔ jikɔlm’g gə dɔ jigelm’g lé ma ɓa gə́ njekar dəw el. Deḛ gə́ Bɔm nja wa dɔ gɔlee ar dee ɓa d’a kiŋga ɓəi.

Mark 10:39

Deḛ atel d’ilá keneŋ pana: Jeḛ j’askəm ra togə́bè ya. Jeju tel ula dee pana: Tɔgərɔ ya, né gə́ mee ŋgo-kai-mán gə́ m’a gə kai lé seḭ a kaije ləm, batɛm gə́ d’a gə ram lé kara d’a ra sí ya ləm tɔ.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Néra Njékaḭkulaje 1:15

Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana:

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

Njé gə́ Rɔmə 8:17

Ɓó lé jeḛ n’to ŋganeeje ndá jeḛ n’to njékiŋga nédɔji síje lé. Ɓó lé jeḛ j’ula rɔ sí ndubu gə Kristi na̰’d gə mba kiŋga səa rɔnduba na̰’d ndá j’a to njékiŋga nédɔjije lə Ala na̰’d gə Kristi tɔ.

Njé gə́ Rɔmə 8:25

Nɛ ɓó lé jeḛ j’unda meḛ sí yel gə́ dɔ né gə́ jeḛ j’oo el ɓəi ndá j’ila ne meḛ sí po̰-po̰ ŋgina ne ya.

2 Njé gə́ Kɔrḭtə 1:7

Meḛ sí gə́ to yel gə́ dɔ sí’g lé to ne njaŋg ya mbata jeḛ n’gər gao ɓó lé seḭ ɔmje sə sí na̰’d yəg dan némeeko̰’g ndá seḭ a kɔmje sə sí na̰’d yəg dan négɔl meḛ sí’g tɔ.

Njé gə́ Pilibə 1:7

Kḛji gə́ m’ə̰ji dɔ sí’g togə́bè lé to lée’g ya mbata lé m’isi daŋgai’g əsé m’aw mba kaḭ ŋgaŋ Tagə́maji karee to njaŋg lé seḭ lai gə́ iŋgaje noji to gə́ ma bèe lé m’wa sí ne məəm’g sud ya.

Njé gə́ Pilibə 4:14

Nɛ la gə́ seḭ laje səm dan néurti’g ləm lé yee ɓa maji ya.

2 Njé gə́ Tesalonikə 3:5

Maji kar Mbaidɔmbaije ɔr no̰ sí dan meenoji’g lə Ala ləm, ar meekai sam-sam lə Kristi taa meḛ sí pəl-pəl ləm tɔ.

2 Timote 1:8

Bèe ndá maji kari ra kəmkul dɔ kɔr goo ta lə Mbaidɔmbaije lə sí el ləm, ma gə́ m’isi daŋgai’g gə mbəa kara ra rɔkul gə mbàm el ləm tɔ. Nɛ maji kula rɔi ndubu səm na̰’d mbata Tagə́maji lé gə goo siŋgamoŋ lə Ala ya.

Ǝbrəje 10:36

Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.

1 Piɛrə 5:1

Ooje ta gə́ ma m’gɔl ne ŋgatɔgje mbuna sí’g lé ma kara m’to gə́ ŋgatɔg mar dee ya ləm, némeeko̰ gə́ ra Kristi lé ma m’oo gə kəm ya ləma, ndɔ gə́ yeḛ a nduba rəa gə́ raga lé ma kara m’a si səa na̰’d ya ləm tɔ.

Loo gə́ killa rea kəm Ja̰’g 1:1

Jeju Kristi kila rəa gə́ raga. Yee ɓa Ala ra mba kar kuraje ləa d’oo ne néje gə́ a gə teḛ dəb. Yeḛ ula kura ləa gə́ dara mba kar kəm Ja̰ gə́ to kura ləa inja dɔ’g.

Loo gə́ killa rea kəm Ja̰’g 1:2

Yee neelé ɔr goo néje lai gə́ yeḛ oo gə́ ta lə Ala ləm, gə ta lə Jeju Kristi ləm tɔ ɓa yeḛ pa taree gə goo rəbee ya.

Loo gə́ killa rea kəm Ja̰’g 1:4

Ma Ja̰ m’ula gə maktub m’ar Eglisəje gə́ siri gə́ to Asi. Maji kar meemaji gə meelɔm nai sə sí ya, ka̰ yeḛ gə́ si gən, gə si dɔtar lé, si ree ləm, ka̰ ndilje gə́ siri gə́ d’aar no̰ kalimbai’g ləa ləma,

Loo gə́ killa rea kəm Ja̰’g 1:6

yeḛ unda sí gə́ gin ɓeeko̰ gə́ kára ba ar sí n’tojee njékinjanéməsje gə́ ka̰ Bɔbeeje Ala ləm tɔ. Maji karee yeḛ nja to Bao-ronduba gə Njedum dɔ loo gə ləbee-ləbee gə no̰. Amen.

Loo gə́ killa rea kəm Ja̰’g 11:7

Loo gə́ d’a tɔl ŋgaŋ kɔr goo ta lə dee bém mba̰ ndá da gə́ ḭ mee bwa-wəl gə́ ɔr duu’g lé a rɔ sə dee ləm, a dum dee ləma, a tɔl dee ləm tɔ.

Loo gə́ killa rea kəm Ja̰’g 12:11

Məs Ŋgonbad lé ɓa deḛ dumee ne ləm, ginta gə́ deḛ d’ɔr njai ɓa deḛ dumee ne ləm tɔ ndá deḛ d’ya̰ rɔ dee yag d’ar yoo ɓó deḛ ɓəl el.

Loo gə́ killa rea kəm Ja̰’g 12:17

Dakɔb lé mée ḭ pu dɔ dené’g ndá yeḛ aw rɔ gə ŋgaka dené lé, deḛ gə́ ra torndu Ala d’aree ɔr rɔd lé ləm, gə deḛ d’ɔr goo ta lə Jeju lé ləm tɔ.

Loo gə́ killa rea kəm Ja̰’g 13:10

Ɓó lé dəw wa maree ɓər ndá yeḛ kara a to ɓər ya tɔ, ɓó lé dəw tɔl maree gə kiambas ndá yeḛ kara a kəi yoo-kiambas ya tɔ. Yee ɓa gə́ gin meekai sam-sam gə gin meekun lə deḛ gə́ to gə kəmee.

Loo gə́ killa rea kəm Ja̰’g 14:12

Yee neelé to meekai sam-sam lə dee gə́ to gə kəmee gə́ d’aa dɔ godnduje lə Ala kər-kər ləm, d’aar njaŋg dɔ meekun gə́ deḛ d’un d’ar Jeju ləm tɔ.

Loo gə́ killa rea kəm Ja̰’g 19:10

Yen ŋga, m’oso naŋg rəb gel gɔlee’g mba kwá məəm’g ndá yeḛ ulam pana: Ǝw rɔi! Ma m’to njeboakula ləi gə njeboakula lə ŋgakɔḭje gə́ d’ɔr goo ta lə Jeju lé. Ala nja ɓa maji kari wá məəi’g. Mbata goo ta lə Jeju to kankəmta gə́ ḭ rɔ Ala’g nja.

Loo gə́ killa rea kəm Ja̰’g 20:4

Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.

Loo gə́ killa rea kəm Ja̰’g 6:9

Loo gə́ Ŋgonbad lé ɔr nérḛdə ta maktub gə́ njekɔm’g mi lé ndá ma m’oo kankəmrɔ dəwje gə́ tɔl dee mbata lə Ala ləm, gə mbata ginta gə́ deḛ d’ɔr d’ar dəwje d’oo ləm tɔ d’isi ne ta loo-nékinjaməs’g.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.