Loo gə́ killa rea kəm Ja̰’g 1:3 - Maktub gə́ To gə Kəmee

³ Yeḛ gə́ tura maktub lé ləm, gə deḛ gə́ d’oo ta gə́ tegginee ləma, gə deḛ gə́ tɔs ne kəm dee dɔ néje lai gə́ ndaŋg mee maktub’g neelé ləm tɔ ndá deḛ nja ɓa rɔlel nai sə dee. Mbata néje neelé ndəa to dəb ya.

Loo gə́ killa rea kəm Ja̰’g 1:3 Iomraidhean Croise

Gosota-Kəmkàrje 8:34

Rɔlel nai gə dəw gə́ oo ta ləm ləm, Yeḛ gə́ si kəmba tarəwkɔgje’g ləm Gə ndɔje kára-kára lai Gə mba kaa ne dɔ looje kər-kər ləm tɔ!

Jeremi 51:61

Jeremi ula Seraja pana: Loo gə́ i a teḛ Babilɔn ndá taje lai neelé i a tɔs kəmi dɔ’g bao-bao mba tura ndá

Matiyo 24:15

Gelee gə́ nee ɓa loo gə́ seḭ a kooje né gə́ mina̰ gə́ ka̰ tuji ne loo gə́ d’ula ne sul dɔ loo gə́ to gə kəmee to gə́ njetegginta Daniel pa taree mee maktub’g lé (maji kar yeḛ gə́ tura maktubee lé aa rəa dɔ’g kər-kər ya.)

Lugu 11:28

Nɛ Jeju tel ilá keneŋ pana: Deḛ gə́ d’oo ta lə Ala gə́ d’aa dəa kər-kər lé ɓa rɔlel lə dee a kal dɔ yeḛ gə́ nee ɓəi.

Njé gə́ Rɔmə 13:11

Maji kar sí raje togə́bè mbata seḭ gərje mee ndəa gə́ j’isi keneŋ neelé gao: kàr kar sí ndelje dɔ ɓi’g lé teḛ mba̰ mbata ɓasinè j’unda dɔ kaji dəb unda nje gə́ kédé ndɔ kun meḛ sí lé.

Njé gə́ Rɔmə 13:12

Loondul si sané ar ta lookàr nai dəb ŋga. Bèe ndá ar sí n’juraje néraje lə loondul lé rɔ sí’g gə́ gogo, j’ya̰je j’odoje néraje lə lookàr j’ɔmje rɔ sí’g tɔ.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.

2 Piɛrə 3:8

Seḭ gə́ ma m’unda sí dan kəm’g lé ta kára nee ɓa ma m’ndigi kar meḛ sí wəi dɔ’g el: No̰ Mbaidɔmbaije’g lé ndɔ gə́ kára ba lé to asəna gə ləb gə́ tɔl-dɔg kəmee’g ləm, ləb gə́ tɔl-dɔg lé to asəna gə ndɔ gə́ kára ba kəmee’g ləm tɔ.

Loo gə́ killa rea kəm Ja̰’g 22:10

Yeḛ ulam pana: Ta néje gə́ a gə ree gə́ maktub neelé tegginee lé maji kam m’rḛdə təa el. Mbata kàree nai dəb ba ŋga.

Loo gə́ killa rea kəm Ja̰’g 22:12

Aa ooje, waga ɓa m’a ree ɓəi ndá m’a ree gə né mba kuga ne dɔ ji dəwje kára-kára lai gə goo néra dee ra dee lé.

Loo gə́ killa rea kəm Ja̰’g 22:20

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari.

Loo gə́ killa rea kəm Ja̰’g 3:11

Waga ɓa m’a ree ɓəi. Wa néje gə́ to jii’g lé kəgəgə mba kar dəw kára kara taa dɔgugu ləi el.