Loo gə́ killa rea kəm Ja̰’g 1:15 - Maktub gə́ To gə Kəmee

¹⁵ Gɔlee to asəna gə larkas gə́ léḛ sələlə-sələlə mee ku-bɔrɔ’g bèe ləm, ndia ɓar asəna gə mán-béləm gə́ ula ujuju-ujuju ləm tɔ.

Loo gə́ killa rea kəm Ja̰’g 1:15 Iomraidhean Croise

Pakɔsje 93:4

Njesigənea̰ lé to njesiŋgamoŋ mee looje gə́ dará’g Ur ne dɔ baa-booje gə́ tuga poŋgm-poŋgm’g ləm, Ur ne dɔ ndu paŋgəm mán baa-boo-kad’g Gə́ turu tuma̰-tuma̰ lé ləm tɔ.

Esai 17:13

Ndu ginkoji dəwje gə raŋg ɓar Asəna gə kaa manje gə́ ula u-u-u bèe. Njesigənea̰ ndaŋg dee sané dee Ndá d’aḭ d’aw əw Asəna gə ləm mu gə́ to dɔ mbalje’g Gə́ lel odo aw ne ləm, Asəna gə pudu kunje Gə́ lel-mal ɓir dee bèe ləm tɔ.

Ejekel 1:24

Ma m’oo kaa bag dee gə́ ɓar loo gə́ d’aw njaa lé asəna gə kaa mán-kaw bèe əsé asəna gə ndu Bao-siŋgamoŋ gə́ ɓar, to ndu gə́ ɓar birim-birim to gə́ kaa njérɔje bèe, loo gə́ d’aar naŋg ndá deḛ rəm gə bag dee gə́ naŋg tɔ.

Ejekel 1:7

Gɔl dee aar dana ɗigi-ɗigi ləm, dabla gɔl dee to asəna gə ka̰ ŋgon maŋg bèe ləma, deḛ ndɔḭ to gə́ larkas gə́ d’usu d’aree ndɔḭ wər-wər bèe ləm tɔ.

Ejekel 40:3

Yeḛ ɔr nɔm aw səm lée’g neelé ndá aa oo, dəw gə́ rɔkunda ləa to asəna gə larkas bèe aar keneŋ, kúla palégal gə kag-kwɔji-né to jia’g tɔɓəi yeḛ aar tarəwkəi’g.

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Loo gə́ killa rea kəm Daniel’g 10:6

Darea to asəna gə jər gə́ ɓaree krijolitə ləm, ŋgo nea̰ gə kwɔji kəmee ndɔḭ asəna gə ndi gə́ tel ləm, kəmee to asəna gə pərŋgelje ləm, kag jiaje gə gɔleeje to d’asəna gə larkas gə́ d’usu d’aree ndɔḭ ləma, ndia gə́ ɓar lé to asəna gə ndu koso-dəwje gə́ ɓar bèe ləm tɔ.

Loo gə́ killa rea kəm Ja̰’g 10:1

Ma m’oo kura gə́ dara gə́ njesiŋgamoŋ ḭ dara uru naŋg, nɛ ndi il dəb dəa’g rigim, ŋgaoburandi ila gugu dəa ləm, kəmee to asəna gə kàr ləma, gɔlee to asəna gə ndo̰ pər ləm tɔ.

Loo gə́ killa rea kəm Ja̰’g 14:2

Ma m’oo ndu dəw ɓar dara asəna gə mán gə́ ula u-u-u ləm, asəna gə ndi gə́ ndaŋg ləm tɔ. Ndu dəw gə́ m’oo lé ɓar asəna gə kṵdu-kagje gə́ njékimeeje d’im bèe.

Loo gə́ killa rea kəm Ja̰’g 19:6

Tɔɓəi ma m’oo ndu ɓar asəna gə ndu boo-dəwje gə́ bula digi-digi gə́ ɓar asəna gə mán gə́ ula u-u-u bèe ləm, asəna gə ndi gə́ ndaŋg paḭ-paḭ bèe ləm tɔ pana: Aleluia! Mbata Mbaidɔmbaije Ala lə sí gə́ to Bao-siŋgamoŋ lé yeḛ nja o̰ ɓee mba̰.

Loo gə́ killa rea kəm Ja̰’g 2:18

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Tiatirə pana: Aa oo, ta gə́ Ŋgon-Ala pa lé yeḛ gə́ kəmee ndɔḭ asəna gə ndo̰ pər ləm, gɔlee to asəna gə larkas ləm tɔ lé yeḛ nja pana: