Pakɔsje 99:3 - Maktub gə́ To gə Kəmee

³ Maji kar dee d’ila riɓar dɔ rii gə́ boo’g Gə́ to ɓəl kədm-kədm’g, Yeḛ lé to Njerɔkunda.

Pakɔsje 99:3 Iomraidhean Croise

Nehemi 1:5

Ma m’pana: Ǝi Njesigənea̰, Ala, i gə́ to mbai dɔ dara ləm, i gə́ to Ala gə́ boo gə́ to ɓəl kədm-kədm ləm, i gə́ aa dɔ manrɔ ləi kər-kər ləma, i gə́ to njekookəmtondoo lə deḛ gə́ d’undai dan kəm dee’g d’aa ne dɔ godnduije kər-kər ləm tɔ lé

Nehemi 4:14

Loo gə́ rara ɓa gə́ arje keneŋ lé ɓó lé to̰to̰ ɓar ndá mbo̰je na̰ reeje rɔ sí’g loo gə́ ooje ndu to̰to̰ keneŋ lé. Ala lə sí a rɔ mbata lə sí ya.

Nehemi 9:32

Nɛ ɓasinè, əi Ala lə sí, Ala gə́ boo Njesiŋgamoŋ gə́ to ɓəl kədm-kədm, I gə́ aa dɔ manrɔ ləi ləm, Ar məəi ɔr jol-jol ləm tɔ lé Nékəmndooje lai gə́ ra síjeḛ ləm, gə mbaije lə sí ləm, Gə ŋgan-mbaije lə sí ləm, Gə njékinjanéməsje lə sí ləm, Gə njéteggintaje lə sí ləm, Gə bɔ síje-je ləma, Gə koso-dəwje ləi lai ləm tɔ Un kudee mee ndəa’g lə mbaije gə́ Asiri Saar teḛ ne ɓogənè lé Maji kari oo gə́ né gə́ lam ba kəmi’g el.

Nehemi 9:5

Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Pakɔsje 100:4

Maji kar sí a̰dje tarəwkəije’g ləa gə pa pidije ləm, A̰dje gadlooje’g ləa gə pakɔsje ləm tɔ. Ilaje riɓar dəa’g arje dɔ ria ai səgərə.

Pakɔsje 103:1

Pakɔs lə Dabid. Ŋgaw məəm, maji kari unda no̰ dɔkaisəgərə lə Njesigənea̰, Maji kar rɔm bura lé pidi ria gə́ to gə kəmee ɓəd lé ya.

Pakɔsje 111:9

Yeḛ ɓa ɔm koso-dəwje tar ya. Yeḛ ar ndu manrɔ ləa lé to njaŋg gə no̰. Ria lé to gə kəmee ləm, to ɓəl kədm-kədm ləm tɔ.

Pakɔsje 145:17

Njesigənea̰ lé to njemeenda londoŋ dɔ rəwje’g lai ləm, Yeḛ to njemeekɔrjol dɔ néraje’g ləa lai ya ləm tɔ.

Pakɔsje 66:3

Ulaje Ala pajena: Néraije lé to ɓəl kədm-kədm, Njéba̰je ləi lé kara bɔr bèli Mbata boo-siŋgamoŋ ləi ya.

Pakɔsje 76:1

Pakɔs lə Asap gə́ ar bao-pa mba karee ɔs sə dee lé. D’ɔs gə nékimje gə́ gə kuláje.

Pakɔsje 76:12

Maji kar sí unje ndu sí arje Ala lə sí gə́ Njesigənea̰ lé Ndá tɔlje ne təa bém ya. Deḛ lai gə́ gugu dəa sub lé Maji kar dee ree gə nénojije d’ar Ala gə́ to ɓəl kədm-kədm lé.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

Tagə́maji gə́ Ja̰ ndang 17:11

Ɓasinè ma m’nai naŋg nee el ŋga nɛ deḛ lé deḛ nai naŋg nee ɓəi, ma lé m’isi m’aw gə́ rɔi’g. Bɔm gə́ njemeenda londoŋ, deḛ gə́ i am dee lé maji kari ŋgəm dee gə rii nja am mba kar dee to gə́ na̰’d kára ba to gə́ ma jeḛ səi bèe tɔ.

Tel tura Godndu 28:58

Ɓó lé seḭ aaje dɔ ta godnduje lai gə́ ndaŋg mee maktub’g nee raje née el ləm, ɓó lé seḭ ɓəlje ri Ala lə sí gə́ Njesigənea̰ gə́ to ri rɔnduba gə́ to ɓəl kədm-kədm lé el ləm tɔ ndá,

Tel tura Godndu 7:21

Maji kar sí undaje bala no̰ dee’g el, mbata Ala lə sí gə́ Njesigənea̰ si mbuna sí’g, yeḛ to Ala gə́ boo gə́ to ɓəl kədm-kədm.

Jujé 24:19

Juje ula koso-dəwje lé pana: Seḭ lé siŋga sí a kaskəm kwa Njesigənea̰ meḛ sí’g el mbata yeḛ to Ala gə́ njerɔkunda ləm, gə Ala gə́ ar kəmee əḭ dɔ dəwje’g ləa ləm tɔ. Yeḛ a kar mée oso lemsé dɔ néra kori-korije’g lə sí əsé dɔ kaiyaje’g lə sí el.

Loo gə́ killa rea kəm Ja̰’g 4:8

Nékundaje gə́ d’aw kəmba sɔ lé deḛ kára-kára lai lé bag dee misa̰-misa̰ ləm, kəm dee taa rɔ dee gə meḛ dee pəl-pəl ləm tɔ. Deḛ pata nee dan kàrá gə loondul’g ɓó d’əw rɔ dee el pana: Mbaidɔmbaije Ala gə́ Njedumnéje lai, Njerɔkunda, Njerɔkunda, Njerɔkunda, yeḛ gə́ si dɔtar lé yeḛ si gən, yeḛ si ree tɔ.

1 Samel 2:2

Njerɔkunda gə́ to as səi-i Njesigənea̰ kára kara godo. I ya to Ala kára ba Ɓó yeḛ gə́ raŋg godo. Biri mbal gə́ to to gə́ i Ala lə sí bèe lé godo.