Pakɔsje 81:3 - Maktub gə́ To gə Kəmee

³ Unje pa ɔsje ləm, Arje ndu dalè bajiŋ ləm, Gə ndu kṵdu ləma, gə ndu kṵdu-ko̰dè ləm tɔ lé ɓar ɔr loo lɔi-lɔi.

Pakɔsje 81:3 Iomraidhean Croise

2 Mbaije 4:23

Yeḛ dəjee pana: See gelee gə́ ban ɓa i ndigi kaw ɓee ləa ɓogənè wa. To naḭ gə́ teḛ sigi el ləm, to ndɔ-kwa-rɔ el ləm tɔ. Yeḛ ilá keneŋ pana: M’a kaw kari ya.

1 Sôrta Gḭka-Israɛlje 15:16

Tɔɓəi Dabid ula mbai dɔ Ləbije gə mba kar dee d’ar ŋgako̰ deeje gə́ to njékɔspaje d’aar loo-kaar dee’g gə nékimje lə dee gə́ to kṵdu-ko̰déje ləm, gə kṵdu-kagje ləm, gə ma̰dje gə́ sa səgə-səgə ləm tɔ ji dee’g gə mba kar dee d’im d’aree ɓar ɔr loo lɔi-lɔi mbata lə boo-rɔkal lə dee lé tɔ.

1 Sôrta Gḭka-Israɛlje 15:19

Heman, gə Asap, gə Etan gə́ to njékɔspaje lé d’wa ma̰dje gə́ sa səgə-səgə gə́ ra dee gə larkas ji dee’g gə mba karee ɓar yaa̰.

1 Sôrta Gḭka-Israɛlje 15:24

Sebania, gə Josapat, gə Netaneel, gə Amasai, gə Jakari, gə Benaja, gə Eliéjer gə́ to njékinjanéməsje lé d’ɔm to̰to̰je no̰ sa̰duk-manrɔ’g lə Ala tɔ. Obed-Edɔm gə Jekija to njékodo sa̰duk-manrɔ-je lé.

1 Sôrta Gḭka-Israɛlje 16:42

Heman gə Jedutun d’aar mbɔr dee’g gə to̰to̰je ləm, gə ma̰dje gə́ sa səgə-səgə ləm tɔ mbata lə deḛ gə́ d’im d’aree ɓar ŋgəw ləm, gə nékimje gə́ wɔji dɔ pa kula rɔnduba dɔ Ala’g lé ləm tɔ. Ŋgalə Jedutun to njéŋgəm tarəwkəije ya.

1 Sôrta Gḭka-Israɛlje 16:6

Benaja gə Jahajiel gə́ to njékinjanéməsje lé d’im to̰to̰ no̰ sa̰duk-manrɔ’g lə Ala ta-ta ya.

1 Sôrta Gḭka-Israɛlje 25:1

Dabid gə ɓé-njérɔje d’ɔr njé gə́ na̰je mbuna ŋgalə Asap’g, gə Heman’g, gə Jedutun’g, d’unda dee gə kəmee mbata kula lé deḛ gə́ tegginta gə kṵdu-kagje gə kṵdu-ko̰déje gə ma̰dje gə́ sa səgə-səgə tɔ. Aa ooje, bula lə deḛ gə́ d’ɔm kula neelé ji dee’g lé ɓa nee:

2 Sôrta Gḭka Israɛlje 13:12

Aa ooje, Ala gə́ to dəw dɔ síjeḛ gə njékinjanéməsje ləa d’aw sə sí na̰’d, deḛ ɓa d’ɔr no̰ sí. Jeḛ j’aw gə to̰to̰je gə́ ɓar ŋgaw gə mba koma̰ ne sə sí. Maji kar sí rɔje gə Njesigənea̰ Ala lə bɔ síje-je el mbata seḭ a teḛje kɔr keneŋ nda̰ el tɔ.

2 Sôrta Gḭka Israɛlje 13:14

Judaje d’ɔm rəd gə́ goo dee’g ndá deḛ rɔ dee gə́ no̰ dee’g ləm, gə goo dee’g ləm tɔ. Deḛ no̰ wəl ɓar Njesigənea̰ ləm, njékinjanéməsje d’im to̰to̰je ləm tɔ.

2 Sôrta Gḭka Israɛlje 2:4

Kəi gə́ m’a gə kunda lé a to kəi gə́ boo mbata Ala lə sí lé boo ur dɔ magəje lai ya.

2 Sôrta Gḭka Israɛlje 5:12

ndá Ləbije lai gə́ to njékɔspaje gə́ ri dee lə Asap, gə Heman, gə Jedutun, gə ŋgan deeje gə ŋgako̰ deeje gə́ d’ula kubu gə́ ra gə kúla palégal rɔ dee’g ləm, gə d’aar gə́ kel bər lə loo-nékinjaməs gə nékimje gə́ to ma̰dje gə́ sa səgə-səgə ləm, gə kṵdu-ko̰déje ləma, gə kṵdu-kagje ləm tɔ tɔɓəi njékinjanéməsje tɔl-dɔ-dee-rɔ-joo (120) d’aar mbɔr dee’g d’aar d’im to̰to̰je ləm tɔ.

2 Sôrta Gḭka Israɛlje 8:13

Yeḛ inja nékinjanéməsje gə goo godndu Moyis gə́ wɔji dɔ ndɔje kára-kára ləm, gə njé gə́ wɔji dɔ ndɔ-kwa-rɔje ləm, gə naḭje gə́ teḛ sigi ləm, gə naḭje ləm, gə yee gə́ gɔl munda mee ləb kára ləm, gə naḭje gə́ wɔji dɔ muru gə́ əm-tiné godo keneŋ ləm, gə naḭje gə́ wɔji dɔ ndɔje siri-siri ləma, gə naḭje gə́ wɔji dɔ kəi-surumje ləm tɔ.

Pakɔsje 149:3

Maji kar dee pidee gə ndam lə dee ləm, D’ila riɓar dəa’g gə dalè bajiŋ gə kṵdu-kag ləm tɔ.

Pakɔsje 33:2

Maji kar sí pidije Njesigənea̰ gə kṵdu-kag ləm, Pideeje gə kṵdu-ko̰dè gə́ kulá dɔg ləm tɔ.

Pakɔsje 98:6

Maji kar sí raje ne né ta yi-yi gə ndu to̰to̰ gə ndu ta̰rən lé Gə rɔlel no̰ mbai’g lə sí gə́ Njesigənea̰ lé tɔ.

Nɔ̰-ndôo gə́ wɔji dɔ Jerusalem 2:6

Yeḛ wa ndògo-bɔrɔ gə́ gugu dɔ ɓee-boo ləa Gə́ to gə kəmee unda naŋg rab-rab ləm, Loo-kwa-dɔ-na̰ ləa kara yeḛ tuji pugudu-pugudu ya ləm tɔ. Njesigənea̰ ar meḛ njé gə́ Sio̰ wəi Dɔ ndɔ ra naḭje’g ləm, Gə dɔ ndɔ-kwa-rɔje’g ləm tɔ. Dan oŋg-boo’g ləa lé Yeḛ un kəmee rəw dɔ mbai’g ləm, Gə dɔ njekinjanéməs’g ləm tɔ.

Bula lə Israɛlje 15:3

loo gə́ seḭ injaje nékinjanéməsje gə́ ka̰ roo kar Njesigənea̰ lé, lé to nékinjaməs gə́ ka̰ roo əsé nékinjaməs gə́ ka̰ tɔl ne ta ndukun əsé to gə́ nékarnoji gə́ dəw ḭ gə mée mba ra əsé loo ra naḭje lə sí kara nékulje lə sí gə́ boi-boi əsé njé gə́ lam-lam ba gə́ d’a tel to né gə́ baḭyee ə̰də lel Njesigənea̰ lé

Bula lə Israɛlje 28:11

Loo gə́ naḭje lə sí teḛ sigi lé ndá nékinjanéməsje gə́ ka̰ roo gə́ seḭ a kinjaje kar Njesigənea̰ ɓa to nee: Bɔ maŋgje joo ləm, bàl badə kára ləma, gə ŋgan badje siri gə́ ra ləb kára-kára gə́ rɔ dee mina̰ el ləm tɔ.

Tel tura Godndu 16:15

Seḭ a raje naḭ lé ndɔ sí siri kwaje ne Ala lə sí gə́ Njesigənea̰ meḛ sí’g mee loo gə́ Njesigənea̰ a kɔr kunda gə kəmee’g, mbata Ala lə sí gə́ Njesigənea̰ a tɔr ndia dɔ kandə néje’g lə sí lai ləm, gə dɔ kulaje lai gə́ seḭ raje lé ləm tɔ ndá seḭ a kya̰je ne rɔ sí bura dan rɔlel’g.

Njé gə́ Kolosə 2:16

Bèe ndá arje dəw kára kara ila ta dɔ sí’g wɔji ne dɔ nésɔ sí əsé dɔ nékai sí el ləm, əsé wɔji dɔ naḭ gə́ raje el ləm, əsé wɔji dɔ naḭ gə́ teḛ sigi’g el ləma, əsé wɔji dɔ ndɔ-kwa-rɔje’g lé el ləm tɔ.