Pakɔsje 127:3 - Maktub gə́ To gə Kəmee

³ Aa oo, ŋganje lé to gə́ nénduba gə́ ḭ rɔ Njesigənea̰’g, Ŋgan meḛ dəwje lé to gə́ nékoga dɔ ji njékoji deeje ya tɔ.

Pakɔsje 127:3 Iomraidhean Croise

Gḭ-Néje 1:28

Ala tɔr ndia dɔ dee’g, ndá yeḛ ula dee pana: Maji kar sí ojije na̰ budu-budu ləm, ɔsje goo na̰ gə́ kédé-kédé ləm, rusuje naŋg nee njḭ-njḭ ləma, dumje dɔ naŋg nee ləm tɔ. Maji kar sí dumje dɔ ka̰jije gə́ mee baa-boo-kad’g ləm, gə dɔ yelje gə́ d’aw pə̰ dara’g ləma, gə dɔ daje lai gə́ d’aw dɔ naŋg nee ləm tɔ.

Gḭ-Néje 24:60

Deḛ tɔr ndu dee dɔ Rebeka’g d’ulá pana: Ǝi i gə́ to kɔnan sí lé Maji kari tel to ko̰ ginkoji dəwje gə́ bula digi-digi ləm, Maji kar ŋgakaije taa tarəwkɔg lə njéba̰je lə dee gə́ né ka̰ dee-deḛ ya ləm tɔ.

Gḭ-Néje 33:5

Esawu un kəmee gə́ tar oo denéje gə ŋganje ndá yeḛ dəjee pana: See to na̰je ɓa d’aar səi nee wa. Jakob tel ilá keneŋ pana: To ŋganje gə́ Ala wa ne noji gə kura ləi lé ya.

Gḭ-Néje 4:1

Adam gər Ebe gə́ dené ləa ndá yeḛ əskèm oji ne Kaḭ. Yeḛ pana: Njesigənea̰ la səm am m’iŋga ne dəw gə́ diŋgam.

Gḭ-Néje 48:4

Yeḛ ulam pana: Aa oo, m’a kari oji ŋganje bula ləm, d’a kɔs goo na̰ goo na̰ ləma, m’a teli gə́ gin koso-dəwje bula ləm tɔ. M’a kar dɔ naŋg neelé to ka̰ ŋgakaije gə́ gooi’g mba karee to ka̰ dee-deḛ ya saar gə no̰.

2 Samel 3:5

yeḛ gə́ njekɔm’g misa̰ to Jitream gə́ yeḛ ojee gə Egla. Egla lé kara to dené lə Dabid ya tɔ. Deḛje neelé ɓa Dabid oji dee Ebro̰ ya.

1 Sôrta Gḭka-Israɛlje 28:5

Ala am ŋganje bula yaa̰ ndá mbuna ŋganəmje’g lai lé yeḛ mbər ŋgonəm gə́ Salomo̰ ɓa gə mba karee si kalimbai ɓeeko̰’g lə Njesigənea̰ dɔ Israɛlje’g.

1 Sôrta Gḭka-Israɛlje 8:40

Ŋgalə Ulam to njésiŋgamoŋje gə́ gər kur ɓandaŋg, deḛ lé d’aw gə ŋganje bula yaa̰ ləm, gə ŋgan meḛ ŋgan deeje bula yaa̰ ləm tɔ d’as tɔl dɔ dee rɔ-mi (150) ya. Deḛ lai neelé to ŋgaka Bḛjami tɔ.

Maktub gə́ wɔji dɔ Jɔb 1:2

Yeḛ oji ŋganeeje gə́ diŋgam siri gə njé gə́ dené munda.

Esai 13:18

D’a tɔl basaje gə ɓandaŋgje lə dee ləm, D’a koo kəmtondoo lə ŋganje el ləma, D’a kun kəm dee dɔ ŋganje’g kya̰ dee el ləm tɔ.

Esai 8:18

Aa ooje, ma jeḛ gə ŋganəmje gə́ Njesigənea̰ am dee lé jeḛ n’toje gə́ nétɔji gə né gə́ teḛ kédé ar dee d’oo mee ɓee gə́ Israɛl, gə́ to né gə́ ḭ rɔ Njesigənea̰ gə́ njeboo-néje’d gə́ si dɔ mbal gə́ Sio̰ lé.

Tel tura Godndu 28:11

Njesigənea̰ a daa sí gə némajije kar ŋgan meḛ síje, gə ŋgan meḛ nékulje lə sí, gə kandə néje gə́ dɔ naŋg’d lə sí d’ḭ dɔ maree’d gə́ kédé-kédé mee ɓee gə́ Njesigənea̰ man rəa ar bɔ síje-je gə mba kar sí lé.

Tel tura Godndu 28:4

Ŋgan meḛ síje ləm, gə kandə néje gə́ dɔ naŋg’d lə sí ləma, gə ŋgan meḛ koso-nékulje lə sí gə́ boi-boi gə njé gə́ lam-lam ləm tɔ lé néje nee lai lé ndutɔr a nai dɔ dee’g.

Njéga̰g-Rəwtaje 12:9

Yeḛ lé ŋganeeje gə́ diŋgam rɔ-munda ləm, gə njé gə́ dené rɔ-munda ləm tɔ. Yeḛ ar ŋganeeje gə́ dené gə́ rɔ-munda lé taa ŋgaw ginkoji gə́ raŋg’d ləm, yeḛ taa ŋganje gə́ dené gə́ ginkoji gə́ raŋg’d rɔ-munda ar ŋganeeje gə́ diŋgam ləm tɔ. Yeḛ to njegaŋ-rəwta dɔ Israɛlje’g as ləbee siri.

1 Samel 1:27

Gə mbata ŋgon neelé ya ɓa m’ra ne tamaji ndá Njesigənea̰ oo tamaji ləm gə́ m’ra təa’g lé ya.