Pakɔsje 127:1 - Maktub gə́ To gə Kəmee

¹ Pakɔs kḭ kaw tuga ne loo ɗao-ɗao gə́ tar. Ka̰ Salomo̰. Ɓó lé Njesigənea̰ ra kəi el ndá Deḛ gə́ njéra kula kunda kəije ra gə mḭdé ba ya, Ɓó lé Njesigənea̰ aḭ bada dɔ ɓee’g el kara Njera kəmee rakaa lé ra pi ya tɔ.

Pakɔsje 127:1 Iomraidhean Croise

1 Mbaije 5:12

Yeḛ pata goso kəmkàrje as tɔl-dɔg-loo-munda (3.000) ləm, gə gɔl paje as tɔl-dɔg-giree-mi (115) ləm tɔ.

1 Sôrta Gḭka-Israɛlje 28:10

Oo ɓasinè, Njesigənea̰ ɔri gə mba kari unda kəi gə́ to gə kəmee. Maji kari wa rɔi kɔgərɔ, gə́ ra né ya.

1 Sôrta Gḭka-Israɛlje 28:20

Dabid ula Salomo̰ pana: Ŋgonəm, maji kari wa rɔi kɔgərɔ, wa diŋgam məəi’g tɔɓəi gə́ ra né ɓó ɓəl el ləm, unda bala el ləm tɔ. Mbata Njesigənea̰, Ala gə́ to Ala ləm lé yeḛ a nai səi ləm, yeḛ a kubai kya̰’i el ləm tɔ saar kari tɔl ne kulaje lai gə́ wɔji dɔ kəi lə Njesigənea̰ lé bém ya.

1 Sôrta Gḭka-Israɛlje 29:19

Maji kari ar mee ŋgonəm Salomo̰ to kára ba sur gə mba karee aa ne dɔ tornduije gə ndukunje ləi gə godnduije gə mba karee ra née ləm, mba karee ra ne kəi-mbai gə́ m’wa dɔ gɔl néje gə mbəa lé ləm tɔ.

Pakɔsje 120:1

Pakɔs kḭ kaw tuga ne loo ɗao-ɗao gə́ tar. Loo gə́ m’isi dan néurti’g ndá M’no̰ wəl gə́ rɔ Njesigənea̰’g ndá Yeḛ ilam keneŋ.

Pakɔsje 121:1

Pakɔs kḭ kaw tuga ne loo ɗao-ɗao gə́ tar. M’un kəm m’ila dɔ mbalje’g, See né gə́ a la səm a kḭ ra wa.

Pakɔsje 122:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. M’isi dan rɔlel’g loo gə́ d’ulam pana: Ar sí j’awje mee kəi’g lə Njesigənea̰.

Pakɔsje 123:1

Pakɔs kḭ kaw tuga ne loo ɗao-ɗao gə́ tar. M’un kəm par gə́ rɔi’g, I gə́ kalimbai ləi to dan dara’g lé.

Pakɔsje 124:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Ɓó lé Njesigənea̰ aḭ bada dɔ sí’g el ndá Maji kar Israɛlje pa bèe pana:

Pakɔsje 125:1

Pakɔs kḭ kaw tuga ne loo ɗao-ɗao gə́ tar. Deḛ gə́ d’ɔm meḛ dee dɔ Njesigənea̰’g lé To d’asəna gə mbal gə́ Sio̰ gə́ né yə ŋgirá el bèe Nɛ yee ŋgəŋ ŋgəŋ-ŋgəŋ saar gə no̰ ya.

Pakɔsje 126:1

Pakɔs kḭ kaw tuga ne loo ɗao-ɗao gə́ tar. Loo gə́ Njesigənea̰ ar deḛ gə́ d’wa dee gə́ ɓər Sio̰ tel ree ɓée ndá Jeḛ n’to j’asəna gə deḛ gə́ d’oo né gə́ ni bèe.

Pakɔsje 72:1

Pakɔs lə Salomo̰. Ǝi Ala, maji kari ar mbai gaŋg rəwta gə goo rəwta-gaŋg ləi ləm, Ŋgolə mbai lé aree ra né gə́ gə dɔ najee to gə́ i bèe ləm tɔ!

Pakɔsje 78:69

Yeḛ unda kəi-siée gə́ to gə kəmee doi lé Asəna gə loo gə́ to tar sab ləm, Asəna gə naŋg gə́ yeḛ unda aree ŋgəŋ ŋgəŋ-ŋgəŋ gə no̰ bèe ləm tɔ.

Gosota-Kəmkàrje 16:9

Mee dəw wɔji rəw-kabee, Nɛ Njesigənea̰ ɓa wɔji loo tila gɔlee keneŋ.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Pa gə́ ur dɔ paje 3:3

Njéŋgəmlooje gə́ d’aw gugu dɔ ɓee-boo lé D’iŋgam ndá m’dəji dee m’pana: See seḭ ooje yeḛ gə́ m’ndigee gə ŋgaw məəm bura lé el wa.

Pa gə́ ur dɔ paje 5:7

Njéŋgəmlooje gə́ d’aw njaa Gugu dɔ ɓee-boo lé d’iŋgam, Deḛ kundam d’am doo. Deḛ d’wam taa kubu-kila-dɔ’g ləm Deḛ gə́ to njéŋgəm ndògo-bɔrɔje-je lé.

Esai 27:3

Ma Njesigənea̰ m’to gə́ njeŋgəmee, Ma m’saga mán dɔ’g ta-ta Nà dəw a ree tujee, Ma m’ŋgəm loondul’g gə dan kàrá.

Esai 56:10

Njékaa dɔ Israɛlje lai to gə́ njékəmtɔje Gə́ lal gosonégər, Deḛ lai to bisije gə́ gwɔb dee udu Gə́ d’askəm ro el, Deḛ to gə́ njénije Gə́ to naŋg ləm, D’unda ɓi ɓa dan kəm dee’g ləm tɔ.

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Jeremi 51:12

Undaje nétɔji lə sí Wɔjije ne dɔ ndògo-bɔrɔ Gə́ Babilɔn njoroŋ. Ŋgəmje loo pèrèrè ləm, Undaje njéŋgəmlooje keneŋ ləma, Gɔlje loo-kumje ləm tɔ. Mbata né gə́ Njesigənea̰ wɔji njaŋg Gə mba ra lé ndá, Yeḛ aree aw lée’g béréré mba̰. To né gə́ yeḛ pa wɔji ne dɔ Deḛ gə́ d’isi Babilɔn lé.

Jeremi 51:31

Njékaḭje d’aḭ ŋgwɔd tila kəm na̰ ləm, Njékaḭkulaje taa na̰ rəw yo gə́ nee ləm tɔ. Mba kula mbai gə́ Babilɔn To gə́ ɓee-boo ləa lé d’un lad-lad.

1 Njé gə́ Kɔrḭtə 15:14

Ɓó lé Kristi teḛ dɔkumbwa’g el ndá mber kila lə sí lé to né gə́ gə mḭdé ba ləm, meekun lə sí kara to ne né gə́ gə mḭdé ba ləm tɔ.

1 Njé gə́ Kɔrḭtə 3:7

Bèe ndá dəw gə́ njedubu né to gə́ njea el ləm, dəw gə́ njesaa mán dɔ’g kara to gə́ njea el ləm tɔ. Nɛ Ala gə́ njekaree teḛ mbi gə teḛ boo lé ɓa to gə́ njeaje.

Njé gə́ Galati 4:11

Ma m’ɓəl nà banelə kula gə́ m’ra mbata lə sí lé ma m’bəg rɔm keneŋ gə mḭdé ba.

Tel tura Godndu 8:18

Arje meḛ sí olé dɔ Njesigənea̰ Ala’g lə sí mbata to yeḛ nja ɓa gə́ ar sí siŋga sí kar sí iŋgaje ne nébaoje gə mba karee to njaŋg, to gə́ yeḛ ra ɓogənè, gə goo manrɔ ləa gə́ yeḛ un ne ndia ar bɔ síje-je lé.

Jujé 2:2

D’aḭ d’aw d’ula mbai gə́ Jeriko taree pana: Aa oo, mee til’g neelé dəwje gə́ to Israɛlje ree loo gə́ nee’g gə mba tən loo mee ɓee’g nee koo.