Pakɔsje 101:3 - Maktub gə́ To gə Kəmee

³ M’a kar némajel kára kara to nɔm’g el, Néra njékaiyaje lé to kḛji kəm’g, Néra deeje lé m’a tibi mbɔree el.

Pakɔsje 101:3 Iomraidhean Croise

Maktub gə́ wɔji dɔ Jɔb 31:1

Kəm ɓa m’a man ne rɔm dɔ’g Ŋga see m’a kaa ŋgoma̰də gə kəmnda ra tɔɓəi wa.

Pakɔsje 119:113

Dəwje gə́ njémeebəŋgərəje lé M’ə̰ji dee bəḭ-bəḭ, Nɛ godndui lé ɓa m’unda dan kəm’g.

Pakɔsje 119:37

Maji kari am m’tel kəm wagəsa gə́ raŋg dɔ néje gə́ to gə́ maji bèlm’g lé Ndá am m’isi kəmba dɔ rəw’g ləi ya.

Pakɔsje 125:5

Nɛ deḛ gə́ d’un goo rəwje gə́ nduni koŋ-koŋ lé Maji kar Njesigənea̰ tuji dee na̰’d gə njéra némajelje lé. Maji kar meelɔm lé nai dɔ Israɛlje’g ya.

Pakɔsje 139:22

Oiyo, ma m’wa dee gə məəm gə́ kwa gə mee gə́ gəd-gəd ya, M’oo dee gə́ njéba̰je ləm ya tɔ.

Pakɔsje 14:3

Deḛ lai ndəm d’ila rima-rima, Dəw kára gə́ njera maji gə́ kára bèe kara godo, Kára bèe ya kara godo.

Pakɔsje 36:3

Mbata yeḛ nja ɔs gaji rəa Gə mba kar dɔ néra kori-kori ləa ɔr ne njal ləm, Mba riba ne dɔ kḛji loo bəḭ-bəḭ ləa gə́ raga ləm tɔ.

Pakɔsje 39:1

Pa lə Dabid gə́ ar bao-pa gə́ ria lə Jedutun karee ɔs sə dee lé

Pakɔsje 40:4

Yeḛ ula pa gə́ sigi tam’g Am m’pidi ne Ala lə sí ya, Dəwje bula d’a koo ndá d’a ɓəl ləm, D’a kɔm meḛ dee dɔ Njesigənea̰’g ləm tɔ.

Pakɔsje 41:9

Né gə́ rəa lé to ɓəl yaa̰, Aa loo oo, yee to naŋg ton, M’a kuba naŋg kḭ tar gə dɔrɔm el ŋga!

Pakɔsje 78:41

D’əw rɔ dee kaḭ mee Ala el ləm, D’əw rɔ dee kar mee Njerɔkunda lə Israɛlje ea̰ lé el ləm tɔ.

Pakɔsje 78:57

D’unda rɔ dee ɓad rəa’g d’ila ne koji dəa’g el To gə́ bɔ deeje-je bèe, Deḛ rəm gogo to gə́ kúla ɓandaŋg gə́ ŋgəŋ el.

Pakɔsje 97:10

Seḭ gə́ undaje Njesigənea̰ dan kəm sí’g lé Ǝ̰jije né gə́ majel bəḭ-bəḭ ya. Yeḛ tɔs kəmee bao-bao dɔ majikojije’g ləa Ɔr dee ne ji njémeeyèrje’g.

Teḛ-Raga 20:17

I a ra kəmkəḭ dɔ kəi’g lə mari el, i a ra kəmkəḭ dɔ dené’g lə mari el ləm, a ra kəmkəḭ dɔ kura’g ləa gə́ diŋgam əsé yeḛ gə́ dené’g, əsé dɔ maŋg’g ləa əsé dɔ mulayḛ̀je’g ləa əsé dɔ né gə́ rara gə́ to ka̰ mari nja doŋgɔ lé i a ra kəmkəḭ dɔ’g kára bèe el ləm tɔ.

Teḛ-Raga 32:8

Deḛ d’ḭ gə tɔg dee d’ya̰ goo rəw gə́ m’wɔji dee lé, tɔɓəi deḛ léḛ né ndaji ne ŋgon maŋg ndá d’unda barmba nea̰’g ləm, deḛ d’inja né gə́ məs d’aree ləm tɔ, deḛ pana: Yen Israɛlje! Aa ooje, Ala lə sí gə́ ar sí undaje loo mee ɓee gə́ Ejiptə teḛje lé ɓa aa’n.

Gosota-Kəmkàrje 6:12

Dalm-dəw to dəw gə́ njera némajel Yeḛ njaa gə taŋgɔm təa’g,

Gosota-Kəmkàrje 6:13

Yeḛ tuga kəmee jib-jib ləm, Pa ta gə gɔlee ləma, Tɔji né gə ŋgan jiaje ləm tɔ.

Gosota-Kəmkàrje 6:25

Maji kari ra kəmnda dəa’g məəi’g Mbata ma̰də ləa el ləm, Ya̰ loo aree əri gə dɔkəmee el ləm tɔ.

Gosota-Kəmkàrje 8:13

Ɓəl Njesigənea̰ lé To gə́ kḛji néra gə́ majel bəḭ-bəḭ. Kesta gə beelé gə rəw néra gə́ majel, Gə ta gə́ pata gə́ kori-kori lé Néje neelé ma m’ə̰ji dee bəḭ-bəḭ ya.

Njekillamber 6:9

Né gə́ kəm dəw oo lé Maji unda kunda bala néje: Tɔɓəi yee neelé kara To né gə́ gə mḭdé ba ya ɓəi ləm, To gə́ kaiŋgwɔd goo lel’g ləm tɔ.

Esai 30:11

Maji kar sí ya̰je rəw gə́ danasur ləm, Ubaje kila-rəwje ya̰je ləma, Arje Njerɔkunda lə Israɛlje nai əw sə sí ləm tɔ!

Esai 33:15

Yeḛ gə́ njaa dan néra gə́ gə dɔ najee’g ləm, Gə pata gə goo néra gə́ danasur ləm, Yeḛ gə́ ə̰ji néndogo-gel bəḭ-bəḭ ləm, Yeḛ gə́ yə jia ɔs ne néndogo-gel rəw ləm, Yeḛ gə́ udu mbia dɔ sorta kila məs’g ləma, Yeḛ gə́ libi kəmee jib-jib gə mba koo ne né gə́ majel lé el ləm tɔ.

Jeremi 22:17

Nɛ i lé kəmi gə dɔ ɓəŋgəri To mba tɔl ne mal kiŋga né gə goo rəbee el ləm, Gə mba kila ne məs yeḛ gə́ ta wa dəa el ləma, Gə mba kula kəm loo ndòo Ra ne né gə́ kərm-kərm ləm tɔ.

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Jakari 8:17

Maji kar dəw kara mbuna sí’g Wɔji mée’g gə mba ra majel gə maree el ləm, Ubuje rɔ sí gə taŋgɔm el ləm tɔ, Mbata néje lai neelé neḛ n’ə̰ji dee bəḭ-bəḭ, Njesigənea̰ ɓa pa bèe.

Matiyo 5:28

Nɛ ma nja m’ula sí, nana ɓa gə́ aa dené gə kəmnda ilá pad ndá mée ndalee jəgm mba̰.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

Tel tura Godndu 13:17

Seḭ a mbo̰je nébanrɔje lai ndaa-loo’g ndá seḭ a rooje ɓee-boo neelé dula-dula gə nébanrɔje lai gə́ to keneŋ no̰ Njesigənea̰ Ala’g lə sí: yee a tel to nduba ya piu-piu gə no̰ ɓó d’a tel kundá gogo nda̰ el.

Tel tura Godndu 15:9

Undaje kəmkàr dɔ rɔ sí’g nà meeyèr a taa meḛ sí kar sí pajena: Ləb gə́ njekɔm’g siri gə́ to ləb kɔr ɓaŋg lé sí ree dəb ŋga! Undaje kəmkàr dɔ rɔ sí’g nà a kulaje kəm sí na̰’d sir dɔ ŋgoko̰ sí’d gə́ njendoo lé gə mba kɔgee ne né. Yeḛ a no̰ rəa dɔ sí’g no̰ Njesigənea̰’g ndá ta a kwa dɔ sí.

Ǝbrəje 10:39

Jeḛ lé jeḛ n’to dəwje gə́ njésa rɔ deeje gə mba tuji ne el. Nɛ jeḛ n’to dəwje gə́ j’aar dɔ meekun’g lə sí njaŋg mba kaji ne ya.

Jujé 23:6

Bèe ndá waje rɔ sí kɔgərɔ gə mba kaa dɔ taje lai gə́ to mee maktub godndu gə́ ka̰ Moyis’g mba ra née ɓó seḭ a kubaje kya̰je kawje ne yo-yo nee-nee el ŋga.

2 Piɛrə 2:21

Kar dee d’isi gə́ mbəje dɔ rəw meekarabasur’g maji unda kar dee gər rəbee ɓa d’un kəm dee goo godndu gə́ to gə kəmee d’ubá ne d’yá̰ lé tɔ.

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.

1 Samel 15:11

Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.