Pakɔsje 1:3 - Maktub gə́ To gə Kəmee

³ Yeḛ to asəna gə kag gə́ mea̰ mbɔr mán’g bèe, Ka̰dee andə gə naḭyee-naḭyee ləm, Kamee kara ndòle el ləm tɔ. Débee neelé néje lai gə́ yeḛ ra lé ɔr dɔ ya.

Pakɔsje 1:3 Iomraidhean Croise

Gḭ-Néje 39:23

Mbai gə́ njeŋgəm kəi-daŋgai lé oo goo né kára kara gə́ to ji Jisəb’g lé el mbata Njesigənea̰ nai gə Jisəb ya. Njesigənea̰ lé ar kula reaje lai teḛkɔr tɔ.

Gḭ-Néje 39:3

Ɓéeje oo to gə́ Njesigənea̰ nai səa ləm, oo to gə́ Njesigənea̰ ar kula reaje lai gə́ yeḛ ra lé teḛkɔr ləm tɔ.

2 Mbaije 18:7

Yee gə́ bèe ɓa Njesigənea̰ nai ne gə Ejekias, aree teḛ ne kɔr dɔ néje’d lai gə́ yeḛ ra lé. Tɔɓəi yeḛ ḭ gə mbai gə́ Asiri ɔsee rəw ɓó yeḛ ula dəa gelee’g ra né aree el ŋga.

1 Sôrta Gḭka-Israɛlje 22:11

Ɓasinè, ŋgonəm, maji kar Njesigənea̰ nai səi gə mba kari teḛkɔr ləm, gə mba kari unda kəi lə Njesigənea̰, Ala ləi to gə́ yeḛ pa taree wɔji ne dɔi lé ləm tɔ.

1 Sôrta Gḭka-Israɛlje 22:13

Togə́bè ɓa i a teḛ ne kɔr loo gə́ i a tɔs kəmi bao-bao dɔ ndukunje gə godnduje gə́ Njesigənea̰ un ar Moyis mbata lə Israɛlje lé. Wa rɔi kɔgərɔ ləm, wa diŋgam məəi’g ləma, ɓəl əsé unda bala el ləm tɔ.

2 Sôrta Gḭka Israɛlje 31:21

Yeḛ ra néje lai gə ŋgaw mée bura ləm, yeḛ teḛkɔr dɔ néje lai’d gə́ yeḛ ra ya ləm tɔ ndolè ne goo Ala mbata kulaje gə́ mee kəi Ala’g lé ləm, mbata lə godnduje gə tornduje ləm tɔ.

2 Sôrta Gḭka Israɛlje 32:23

Dəwje bula ree Jerusalem gə nékarnojije lə dee d’ar Njesigənea̰ ləm, gə nébaoje gə́ gad dee to yaa̰ d’ar Ejekias mbai gə́ Juda ləm tɔ, bèe ɓa un kudee mee ndəa’g neelé yeḛ iŋga ne riɓar yaa̰ kəm ginkoji dəwje gə raŋg’g lai ya.

Maktub gə́ wɔji dɔ Jɔb 14:9

Ndá yee tel idi loo gə́ ma̰-ndi si ree ləm, Yee tuba barkəmeeje to gə́ kag gə́ mea̰ sigi bèe ləm tɔ.

Maktub gə́ wɔji dɔ Jɔb 22:28

Ɓó lé i wɔji néje məəi’g mba ra ndá A teḛ mbi gə teḛ boo ləm, Kila rəw-kabije lé lookàr a ndogó dɔ’g ləm tɔ.

Pakɔsje 128:2

Bèe ɓa i iŋga rɔlel dɔ kula’d gə́ i ra gə jii ləm, Rɔi leli ari si ne dan maji’g ləm tɔ.

Pakɔsje 129:8

Njédəntarje lé kara pa taree pana: Maji kar Njesigənea̰ tɔr ndia dɔ sí’g lé pa bèe el ləm tɔ. Jeḛ lé n’tɔrje ndu sí dɔ sí’g gə ri Njesigənea̰ ya.

Pakɔsje 92:14

Maa̰ gə́ ma̰a dee mee kəi’g lə Njesigənea̰ lé Ar dee teḛkɔr mee gadlooje’g lə Ala lə sí.

Pakɔsje 92:15

D’andə gə kandə dee gə́ kédé saar teḛ ne ɓuga dee’g gəsərə, Bode dee taa rɔ dee pəl-pəl ar dee d’idi ne pug-pug to

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 3:10

Maji kar sí ulaje pajena: Njéra nédanaje lé d’a si dan maji’g Mbata d’a kal rɔ dee dɔ kandə néraje’g lə dee.

Esai 44:4

D’a kidi pug-pug Asəna gə mu gə́ idi bèe ləm, Asəna gə kag-tuŋguje gə́ d’uba kəm-rəw-manje’g bèe ləm tɔ.

Esai 58:11

Njesigənea̰ a to njekɔrnoḭ ya ta-ta ləm, Yeḛ a kar məəi nda̰ tub Mee looje gə́ tudu kurum-kurum’g ləm, Yeḛ a kar barkəmrɔije tel ŋgəŋ ŋgəŋ-ŋgəŋ ləm, I a to kasəna gə loo-kamnaḭ Gə́ saga mán dɔ’g ləma, A to kasəna gə ŋgira mán Gə́ manje d’yi keneŋ tə el ləm tɔ.

Jeremi 17:8

Yeḛ to asəna gə kag gə́ mea̰ mbɔr mán’g Gə́ ula ŋgira par gə́ kəm-rəw-mán’g, Yeḛ oo kɔs lə kàr gə́ né el ləm, Kamee kara ndolé el ləm tɔ. Mee ləb gə́ loo tudu keneŋ lé Yeḛ ɓəl el ləm, Yeḛ lal kandə el ləm tɔ.

Ejekel 17:8

Deḛ mea̰ naŋg gə́ maji’g mbɔr mán gə́ aḭ kuji-kuji’g gə mba kar barkəmeeje d’alé ləm, gə mba karee andə gə ka̰dee njim-njim ləma, gə tel to nduú gə́ maji dum ləm tɔ.

Ejekel 19:10

Kɔḭje to to gə́ i bèe, Yeḛ to tana gə nduú Gə́ mea̰ mbɔr mán’g, Yeḛ andə wul barkəmeeje’g bo̰-bo̰ Mbata lə mán gə́ to yaa̰.

Ejekel 31:5

Gelee gə́ nee ɓa kagee ḭ ŋgal Ur ne dɔ kagje lai gə́ mee ndɔ’g ləm, Barkəmeeje tɔ ne yéŋgé-yéŋgé d’alé D’un loo lad-lad ləm tɔ, Manje gə́ taa loo pəl-pəl ɓa Aree tɔg ne,

Ejekel 47:12

Mbɔr kəm-rəw-mán’g lé kag sɔje gə́ gə gel dee gel dee d’a kuba dɔ koŋgeeje’g loo joo bɔr. Kagje neelé kam dee a ndòlé nda̰ el ləm, kandə dee a godo nda̰ el ləm tɔ. D’a kandə gə naḭje kára-kára lai mbata mán a kḭ mee loo gə́ to gə kəmee’g teḛ kula gel dee’g. Kandə dee a to nékul rɔ ləm, kam dee a to kuma̰-kaji-rɔ ləm tɔ.

Bula lə Israɛlje 24:6

Deḛ to gə́ kédé-kédé asəna gə wəl-looje ləm, Asəna gə loo-kamnaḭje gə́ ta baa’g bèe ləm, Asəna gə ndujaje gə́ Njesigənea̰ ma̰a dee ləma, Asəna gə kag-sɛdrəje gə́ to ta manje’g ləm tɔ.

Matiyo 13:6

Yee ḭ wububu mbata naŋg to keneŋ ŋgwɔidɔ bèe, nɛ loo gə́ kàr ɔs keneŋ ndá wa mèŋgèŋgḛ̀, ndòlé mbata ŋgirá wa naŋg el.

Matiyo 21:19

Jeju aa loo oo kodé dɔ ji rəw gə́ wala bèe. Yeḛ aw pər gə́ keneŋ ndá kamee ɓa yeḛ oo. Yen ɓa yeḛ pana: I a kandə gogo el nja saar gə no̰. Léegəneeya kodé lé wəi wuu, tudu kurum.

Matiyo 21:34

Loo gə́ naḭ ra kandə nduú lé nai dəb ndá yeḛ ula kuraje ləa rɔ njéndɔ-nduúje’g lé gə mba kar dee tḭja ka̰dee d’aree.

Matiyo 21:41

Deḛ tel d’ilá keneŋ pana: Yeḛ a kun kəmee rəw mba tɔl njémeeyèrje neelé ya ndá a kar njé gə́ raŋg gə́ d’a gə leel kandə nduú naḭ kinja’g kaw ne karee lé ɓa a kunda dee ta ndɔ-nduú’g ləa lé ɓəi tɔ.

Tagə́maji gə́ Ja̰ ndang 15:6

Nana ɓa gə́ nam kaarm’g el ndá d’a kilá kɔrɔ asəna gə barkəm nduú ndá yeḛ a tudu kurum-kurum. Tɔɓəi d’odo barkəm nduúje gə́ tudu lé d’ɔm dee dɔ na̰’d roo dee dula-dula tɔ.

Tel tura Godndu 28:8

Njesigənea̰ a kun ndia mba kar ndutɔr nai sə sí dɔ damje’g lə sí ləm, gə dɔ kulaje lai gə́ seḭ a raje ləm tɔ. Yeḛ a tɔr ndia dɔ sí’g gə néje gə́ gə ria-ria mee ɓee’d gə́ Njesigənea̰, Ala lə sí ar sí lé.

Jude 1:12

Dəwje neelé rɔ dee tila ɓal mbuna sí’g loo-nésɔ-noji’g lə sí ləm, né gə́ rii ta’g ɓa deḛ d’ə̰ji gée gə mba mbula meḛ dee’g ləm tɔ. Deḛ to ndi gə́ lel biree aree unda-dɔ ləm, deḛ to kagje gə́ rɔ dee ndòlé naḭ kàrá gə́ kandə dee godo keneŋ gə́ d’wəi gɔl joo ɓa lel ɔr dee gə ŋgira dee bura moŋgoŋgo̰ ila dee naŋg ɓəi ləm tɔ.

Loo gə́ killa rea kəm Ja̰’g 22:2

Dan mee ɓee-boo gə́ dana bab ləm, gə dɔ koŋgo baa-boo’g loo joo bɔr ya ləm tɔ lé kag kəmə to keneŋ. Kag kəmə neelé andə gə ka̰dee gə lée-lée gə naḭ kára-kára naḭ dɔg-giree-joo ləm, kamee ɓa to gə́ kuma̰ kaji ginkoji dəwje gə raŋg dɔ naŋg nee ləm tɔ.