Ojee 9:9 - Maktub gə́ To gə Kəmee

⁹ Deḛ d’ur dan néra gə́ majel’g mbidi To gə́ deḛ ra ne mee ndəa gə́ mee ɓee gə́ Gibea’g bèe. Njesigənea̰ a kar mée olé dɔ néra kori-korije’g lə dee ləm, Yeḛ a kar bo̰ néra kaiyaje lə dee ɔs ta dee’g ləm tɔ.

Ojee 9:9 Iomraidhean Croise

Teḛ-Raga 32:7

Ndá Njesigənea̰ ula Moyis pana: Ḭta, risi ur naŋg: mbata koso-dəwje ləi gə́ i ar dee d’unda loo mee ɓee gə́ Ejiptə teḛ lé deḛ tuji rɔ dee mba̰ ya.

Esai 24:5

Ɓee lé dəwje gə́ d’isi keneŋ d’aree mina̰ Mbata deḛ d’al ta ta godndu Njesigənea̰’g ləm, D’ɔs ndukunje ləa rəw ləma, Deḛ gaŋg kúla manrɔ ləa gə́ to gə no̰ lé ləm tɔ.

Esai 31:6

Seḭ Israɛlje lé maji kar sí telje gə́ rɔ yeḛ gə́ seḭ ubáje yag yá̰je lé!

Jeremi 14:10

Aa ooje, ta gə́ Njesigənea̰ pa wɔji ne dɔ koso-dəwje neelé pana: Deḛ ndigi kaḭ gə́ yo gə́ nee ɓó dee gər loo kwa ŋgaŋ rɔ dee naŋg el. Njesigənea̰ ɔm dee’g el ləm, yeḛ ar mée olé ɓasinè dɔ néramajelje’g lə dee ləma, yeḛ ar bo̰ néra kaiyaje lə dee ɔs ta dee’g ləm tɔ.

Ejekel 21:28

Deḛ d’oo né neelé gə́ nékooje gə́ kari ba, deḛ gə́ manrɔ dee mba̰ lé. Nɛ yeḛ lé yeḛ ar mée olé dɔ néra kori-korije’g lə dee ndá d’a kwa dee kaw sə dee ɓee-ɓər’g ya.

Ojee 10:9

Ǝi Israɛlje, un kudee mee ndəa gə́ Gibea’g saar ɓasinè lé Seḭ raje kaiya. Lée neelé deḛ d’aar dɔ gɔl dee’g njaŋg Ŋga see ra rɔ tuji ne njémeeyèrje gə́ Gibea lé See a to nékəmra el wa.

Ojee 4:9

Né gə́ ra njékinjanéməsje lé A ra koso-dəwje togə́bè ya tɔ. M’a kar bo̰ néra dee ɔs ta dee’g Gə goo panjaa dee ləm, M’a kuga dee Gə goo kula ra dee ra dee ya ləm tɔ.

Ojee 5:8

Imje to̰to̰ mee ɓee gə́ Gibea ləm, Imje to̰to̰ mee ɓee gə́ Rama ləm tɔ! Urje kò-rɔ mee ɓee gə́ Bet-Aben’g! Seḭ Bḛjamije, tenje goo sí ooje!

Ojee 7:2

Deḛ d’ə̰ji meḛ dee’g pana: Yen nà məəm olé dɔ némeeyèrje’g lə deḛ lai gə́ ra lé el. Ɓasinè lé néra dee gə́ majel aḭ dɔ dee sub Ndá to raga pai-pai kəm’g ya.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ojee 9:8

Yeḛ gə́ to njeŋgəmloo mbata lə Eprayimje lé To njetegginta gə́ nai gə Ala. Nɛ deḛ d’iya gum nea̰’g gə looje lai mee ɓee’g lə Ala ləa ləm, Deḛ d’ɔsee rəw gə looje lai ləm tɔ.

Soponi 3:7

Ma m’pana: Ɓó lé seḭ ndigije ndá a ɓəlmje ɓa A taaje takwɔji-kəmkàr Ndá loo-si sí a tuji el ləm, Némajelje lai gə́ m’wɔji mba ra sə sí lé D’a teḛ dɔ sí’g el ləm tɔ. Nɛ dee d’ɔs rɔ dee ɓad Mba kar néra dee majel gə́ kédé-kédé.

Njéga̰g-Rəwtaje 19:12

Ɓéeje lé tel ilá keneŋ pana: Jeḛ j’a kawje ɓee lə dəw-dɔ-ɓeeje loo gə́ Israɛlje godo keneŋ lé el nɛ j’a kaw saar Gibea ɓa.

Njéga̰g-Rəwtaje 19:16

Nɛ aa oo, bai-diŋgam kára ḭ loo-ndɔ’g ləa kàrkemetag tel gə́ ɓée. Yeḛ to dəw gə́ dɔ mbal’g lə Eprayim gə́ si Gibea ndá dəwje gə́ lée’g neelé to gə́ Bḛjamije.

Njéga̰g-Rəwtaje 19:22

Loo gə́ d’isi d’al rɔ dee bèe-bèe ndá aa ooje, dəwje gə́ mee ɓee-boo’g nee gə́ to njéra nékɔbje ree gugu dɔ kəi sub d’unda tarəwkəi d’ula bai-diŋgam gə́ njekəi lé pana: Teḛ gə dəw gə́ andə kəi ləi neelé mba kar sí n’toje səa.

Njéga̰g-Rəwtaje 20:43

Deḛ d’aḭ dɔ Bḛjamije sub, tuba dee ləm, d’aw tal dee naŋg ras-ras loo gə́ deḛ ndigi kwa rɔ dee keneŋ saar teḛ ta Gibea’g par gə́ loo gə́ kàr uba keneŋ ləm tɔ.