Ojee 9:4 - Maktub gə́ To gə Kəmee

⁴ Deḛ d’a kun nékar gə́ to mán-nduú Gə́ ka̰ tər naŋg kar Njesigənea̰ el ləm, Néje neelé a taa kəmee el ləm tɔ. Nékinjaməsje lə dee lé A to kasəna gə muru kwa ndòo yoo bèe. Deḛ lai gə́ d’a ko̰ muree neelé d’a tel mina̰ ne Mbata muru lə dee lé a to mbata lə dee-deḛ ya ba Ɓó d’a kandə ne mee kəi’g lə Njesigənea̰ el.

Ojee 9:4 Iomraidhean Croise

Teḛ-Raga 29:40

Loo gə́ d’a kinja ŋgon bàl badə gə́ dɔtar gə́ məs lé ndá i a kun nduji gə́ ndá léréré as nékwɔji kwɔi-lə-né munda gə́ mbɔḭ gə ubu koiyo gə́ kas as litər kára gə gesee ləm, gə mán-nduú as litər kára gə gesee gə́ ka̰ tər naŋg ləm tɔ.

Teḛ-Raga 40:23

ndá deḛ ndur pil muruje gə́ to gə kəmee dɔ na̰’d dɔ tabul’g no̰ Njesigənea̰’g, to gə́ Njesigənea̰ un ne ndia ar Moyis lé ya.

Esai 57:6

Mbuna kɔr mbalje gə́ d’o̰ wal-wal kəm-rəw-manje’g ɓa To loo gə́ wɔji dɔ sí, Aa ooje, yee ɓa gə́ loo gə́ to ka̰ sí ya, Kɔr mbalje neelé ɓa Seḭ sagaje nékar gə́ to nékai ar deeje ləm, Seḭ unje nékar gə́ to nduji ar deeje ləm tɔ, See m’askəm kar məəm oso naŋg po̰ dɔ néje’g neelé wa.

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Jeremi 16:7

Dəw a kɔré muru-yoo gə mba gɔl ne mee yeḛ gə́ si dan kwa ndòo yoo’g lé el ləm, dəw a kunda mán-yoo ta dəw gə́ bɔbeeje əsé kea̰je wəi mba gɔl ne mée el ləm tɔ.

Jeremi 6:20

Ubu gə́ ə̰də sululu gə́ d’ḭ ne Seba ləm, Gə kamnaḭje gə́ d’ə̰də lel Gə́ d’ḭ ne dɔ ɓee gə́ əw ləm tɔ lé See m’aw ndòo dee wa. Nékinjaməsje lə sí gə́ ka̰ roo lé Lelm el ləm, Nékinjaməsje lə sí gə́ raŋg kara Taa kəm el ləm tɔ.

Ejekel 24:17

Maji kari tuma̰ məəi’g ɓó wa ndòo yoo el ləm, ula jɔg dɔi’g ləm, ula né gɔli’g ləm, o̰ mbaitai gə né el ləma, o̰ muru lə njé gə́ raŋg el ləm tɔ.

Ejekel 24:22

Seḭ a raje né to gə́ m’ra ya. Seḭ a kɔnje mbaita sí gə né el ləm, seḭ a ko̰je muru lə njé gə́ raŋg el ləm,

Loo gə́ killa rea kəm Daniel’g 1:8

Daniel wɔji mée’g njaŋg gə mba kar rəa mina̰ mbata lə nésɔ lə mbai el ləm, gə mbata lə mán-nduú gə́ mḭ gə́ mbai aw ai lé el ləm tɔ ndá yeḛ ra ndòo rɔ njekaa dɔ néje gə́ mee kəi’g lə mbai gə mba karee ɔsee ɓɔḭ-ɓɔḭ dɔ né gə́ a kar rəa mina̰ ne’g lé el.

Ojee 3:4

Mbata Israɛlje lé d’a gə si kur dee əw lal mbai ləm, lal dəw dɔ dee ləm, lal nékinjanéməsje gə néndajije ləma, lal ŋgɔ-njekinjanéməs gə nékoo-ndukunje lə Ala ləm tɔ.

Ojee 7:16

Deḛ d’ɔs badm tel gə́ rɔ Njekurdɔloo’g el, Deḛ to d’asəna gə kag ɓandaŋg gə́ nduni koŋ-koŋ. Mbaije lə dee d’a toso ta kiambas’g Mbata kəsta gə́ rusu ta dee tub-tub lé. Yee ɓa a kar dee tel to ne nékogo mee ɓee gə́ Ejiptə’g.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Joɛl 1:13

Seḭ njékinjanéməsje, Ɔmje kubu-kwa-ndòo rɔ sí’g no̰je ne! Seḭ gə́ raje kula loo-nékinjaməs’g lé Maji kar sí tuma̰je ŋgururu-ŋgururu to! Gə́ reeje, seḭ kuraje lə Ala ləm, Ulaje kubu-kwa-ndòo rɔ sí’g Toje ne loondul’g saar arje loo àr ləm tɔ! Mbata nékarje gə́ to nduji ləm, Gə nékarje gə́ ka̰ tər naŋg ləm tɔ lé Godo mee kəi’g lə Ala lə sí.

Joɛl 1:9

Nékarje gə́ to nduji gə́ ndá léréré ləm, Gə nékarje gə́ ka̰ tər naŋg ləm tɔ lé Godo mee kəi’g lə Njesigənea̰, Njékinjanéməsje gə́ to kuraje lə Njesigənea̰ lé D’isi dan kəmndooyoo’g.

Joɛl 2:14

See na̰ gər wa. Banelə yeḛ a tel ree gə mba tel gə ndia Kar mée oso lemsé dɔ sí’g Tɔr ne ndia dɔ sí’g Esé a kya̰ ne loo kar sí areeje ne nékar gə́ to nduji Esé nékar gə́ ka̰ tər naŋg kar Ala lə sí gə́ Njesigənea̰ lé.

Ləbije 17:11

Mbata nékunda lé kəmə ləa to dan məsee’g. Yee ɓa ma m’ar sí məs neelé dɔ loo-nékinjaməs’g mba karee to nékoga dɔ kaiya lə sí, mbata məs ɓa d’uga ne dɔ sí ya.

Ləbije 21:17

Ula Aaro̰ togə́bè pana: Dəw gə́ rara ɓa mbuna ginkojii’g əsé mbuna ŋgakaije’d gə́ dəb rəa tuji lé a rəm pər gə mba kun nésɔ lə Ala ləa karee el.

Ləbije 21:21

Dəw gə́ rara gə́ to ŋgoka Aaro̰ gə́ to njekinjanéməs gə́ dəb rəa tuji lé a rəm pər gə mba kinja nékinjanéməsje gə́ ka̰ roo kar Njesigənea̰ lé el, mbata dəb rəa gə́ tuji lé ndá yeḛ a ree gə mba kun nésɔ lə Ala ləa karee el.

Ləbije 21:6

D’a to dəwje gə́ to gə kəmee doi mbata lə Ala lə dee ləm, d’a ɓar ri Ala lə dee gə́ sḭ el ləm tɔ, mbata deḛ d’inja nékinjanéməsje gə́ ka̰ roo gə́ to nésɔ lə Ala gə́ d’ar Njesigənea̰ ndá d’a to gə kəmeeje doi ya.

Ləbije 21:8

Seḭ a kooje njekinjanéməs gə́ dəw gə́ to gə kəmee mbata yeḛ un nésɔ lə Ala lə sí aree, yeḛ a to dəw gə́ to gə kəmee mbata lə sí, mbata ma nja m’to Njesigənea̰ gə́ m’to gə kəmee doi gə́ m’ɔr sí m’unda sí gə kəmee lé ya.

Amɔs 5:22

Loo gə́ seḭ injaje nékinjanéməsje lə sí Gə́ ka̰ roo arje neḛ Esé reeje gə nékar lə sí Gə́ to gə́ nduji kó bèe lé Rɔ neḛ lel neḛ dɔ’g el ləm, Bɔ maŋgje lə sí gə́ rɔ dee to ndəb-ndəb Gə́ seḭ inja deeje gə́ məs Gə́ wɔji dɔ kɔm na̰’d lé kara Neḛ n’un kəm neḛ dɔ’g rəw ya ləm tɔ.

Malasi 2:13

Aa ooje, né gə́ raŋg gə́ seḭ raje ɓəi ɓa to nee: Seḭ arje mán kəm sí tula dɔ loo-nékinjaməs lə Njesigənea̰ yal-yal ləm, seḭ no̰je tuma̰je ne ŋgururu-ŋgururu ləm tɔ saar areeje un ne kəmee rəw dɔ nékarje’g lə sí gə́ yeḛ askəm taa ji sí’g el lé.

Bula lə Israɛlje 19:11

Yeḛ gə́ ɔrɔ rɔ nin dəw gə́ rara kara ndá rəa a mina̰ saar as ndɔ siri.

Bula lə Israɛlje 28:2

Meḛ sí dɔ rɔ sí’g gə mba kar mee ndəa gə́ d’wɔji njaŋg lé ndá seḭ a reeje nɔm’g gə nékarje ləm ləm, gə nésɔ ləm gə́ to nékinjanéməsje gə́ ka̰ roo gə́ baḭyee ə̰də lelm ləm tɔ.

Bula lə Israɛlje 4:7

D’a lab kubu gə́ ndul piro-piro dɔ tabul’d gə́ wɔji dɔ pil muru gə́ to gə kəmee lé ndá d’a kunda kaje gə karmbije gə ŋgo-dɔ-manje gə baije gə́ ka̰ tər ne néje naŋg lé dɔ kubu gə́ lab dɔ’g lé, ndá pil muru a lal dəa el tɔ,

Tagə́maji gə́ Ja̰ ndang 6:51

Ma lé m’to muru ko̰ gə́ dəw a si ne gə kəmə gə́ ḭ dara lé. Ɓó lé nana ɓa o̰ muree neelé ndá a si ne kəmba gə no̰ ya ndá muru gə́ m’a karee lé to gə́ darɔm gə́ m’a kar njé gə́ naŋg nee d’isi ne gə kəmə lé ya.

Tel tura Godndu 26:14

Ma m’usɔ né kára kara mbuna néje’g neelé loo gə́ m’isi m’wa ndòo yoo el ləm, ma m’tuji né kára keneŋ mbata kula gə́ mina̰ el ləma, m’un né kára keneŋ m’no̰ ne yoo el ləm tɔ, ma m’ila ŋgonkoji dɔ torndu Njesigənea̰ Ala’g ləm ndá m’ra né gə goo ndukunje ləi gə́ i un am lé ya tɔ.