Ojee 9:3 - Maktub gə́ To gə Kəmee

³ D’a si mee ɓeeko̰’g lə Njesigənea̰ el, Eprayimje d’a tel kisi mee ɓee gə́ Ejiptə ləm, Nésɔje gə́ mina̰ ɓa d’a sɔ mee ɓee gə́ Asiri ləm tɔ.

Ojee 9:3 Iomraidhean Croise

1 Mbaije 9:7

m’a tuji Israɛlje mee ɓee gə́ ma m’ar dee lé pugudu ləm, m’a kuba kəi-si-Ala gə́ m’unda gə kəmee gə́ rim ɓar dɔ’g lé kya̰ ləm tɔ ndá Israɛlje d’a tel to nékunda-kogo gə nérɔkul mbuna koso-dəwje’g lai ya.

2 Mbaije 17:6

Loo gə́ ləb ko̰ɓee lə Ojee as jinaikara ndá mbai gə́ Asiri taa ɓee gə́ Samari, tɔɓəi yeḛ wa Israɛlje ɓər aw sə dee Asiri. Yeḛ ar dee d’isi Halah ləm, gə mbɔr Habor, baa gə́ Gosan’g ləma, gə mee ɓee-booje’g lə Medəje ləm tɔ.

Jeremi 16:18

Kédé ndá m’a kuga dɔ ji dee mbata néramajel lə dee gə kaiyaje lə dee as gɔl joo, mbata deḛ d’ila ndɔl dɔ ɓee’g ləm ləm, mbata d’ar gaila magəje lə dee gə néje lə dee gə́ mina̰ ɓa taa loo pəl-pəl dɔ naŋg ɓee’g ləm ləm tɔ.

Jeremi 2:7

Ma m’ar sí reeje mee ɓee’d Gə́ to asəna gə loo-ma̰a-kag-sɔ Gə mba kar sí sɔje ka̰deeje Gə néje gə́ maji dum gə́ teḛkɔr keneŋ. Nɛ loo gə́ seḭ reeje keneŋ ndá Seḭ arje ɓee ləm tel mina̰ ləm, Seḭ arje nédɔji ləm lé Tel to né gə́ mina̰ ləm tɔ.

Nɔ̰-ndôo gə́ wɔji dɔ Jerusalem 5:6

Jeḛ j’ulaje ji sí par gə́ Ejiptə gə Asiri Mba kiŋga nésɔ karee as sí.

Ejekel 4:13

Tɔɓəi Njesigənea̰ pana: Togə́bè ɓa Israɛlje d’a ko̰ ne muru lə deḛ gə́ mina̰ mbuna ginkoji dəwje gə raŋg gə́ n’a gə tuba dee kɔm dee keneŋ lé.

Loo gə́ killa rea kəm Daniel’g 1:8

Daniel wɔji mée’g njaŋg gə mba kar rəa mina̰ mbata lə nésɔ lə mbai el ləm, gə mbata lə mán-nduú gə́ mḭ gə́ mbai aw ai lé el ləm tɔ ndá yeḛ ra ndòo rɔ njekaa dɔ néje gə́ mee kəi’g lə mbai gə mba karee ɔsee ɓɔḭ-ɓɔḭ dɔ né gə́ a kar rəa mina̰ ne’g lé el.

Ojee 11:11

D’a kḭ Ejiptə kalaŋ to gə́ yel bèe ləm, D’a kḭ ɓee gə́ Asiri to gə́ dərnda bèe ləm tɔ. Yen ŋga m’a kar dee d’isi mee kəije’g lə dee ɓəi. Njesigənea̰ ɓa pa bèe tɔ.

Ojee 11:5

D’a tel kaw mee ɓee gə́ Ejiptə el, Nɛ dəw gə́ Asiri ɓa a to mbai lə dee Mbata deḛ mbad kɔs badm tel ree rɔ neḛ’g.

Ojee 7:11

Eprayimje to d’asəna gə dərnda Gə́ kəmee àr dɔ rəa’g el bèe, Deḛ no̰ ɓar Ejiptəje ləm, Deḛ d’ḭ d’aw Asiri ləm tɔ.

Ojee 7:16

Deḛ d’ɔs badm tel gə́ rɔ Njekurdɔloo’g el, Deḛ to d’asəna gə kag ɓandaŋg gə́ nduni koŋ-koŋ. Mbaije lə dee d’a toso ta kiambas’g Mbata kəsta gə́ rusu ta dee tub-tub lé. Yee ɓa a kar dee tel to ne nékogo mee ɓee gə́ Ejiptə’g.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ojee 9:6

Mbata aa ooje, deḛ d’aḭ mbata tuji-boo gə́ oso dɔ dee’g. Ejiptəje d’a kwa dee gə́ rɔ dee’g ləm, Mopje d’a kar dee bwa-doɓarje ləm tɔ, Néje lə dee gə́ gad dee to yaa̰ ləm, Gə larndaje lə dee ləm tɔ lé Kun-pɔrɔrɔje d’a turu dɔ dee pubug ləm, Kunje d’a kuba mee kəi-kubuje’g lə dee ləm tɔ.

Ləbije 18:28

Aaje rɔ sí kər-kər nà ɓó lé seḭ arje ɓee neelé mina̰ ndá yee a mbad sí-seḭ to gə́ yee mbad ne ginkoji dəwje gə raŋg gə́ d’isi no̰ sí’g kédé lé tɔ.

Ləbije 20:22

Seḭ a kaaje dɔ godndumje lai kər-kər ləm, gə dɔ ndukunje ləm lai kər-kər ləm tɔ ndá seḭ a raje née ya mba kar dɔ naŋg nee gə́ m’aw sə sí gə́ keneŋ mba kar sí síje’g lé mbad sí el.

Ləbije 25:23

Dɔ naŋg lə sí lé seḭ a kar deeje ndogo sə sí gə no̰ el, mbata ɓee neelé to kama ləm, seḭ síje səm keneŋ asəna gə dəw-dɔ-ɓeeje bèe ləm tɔ.

Amɔs 7:17

Gelee gə́ nee ɓa, aa oo, ta gə́ Njesigənea̰ pa ɓa nee: Dené ləi a tel to gə́ kaiya-dené mee ɓee’g ləm, Ŋganije gə́ diŋgam gə njé gə́ dené lé D’a kwəi yoo-kiambas ləma, D’a kai ndɔ ləi gə kúla-kwɔji-né Kar njé gə́ raŋg ləm tɔ. I ya kara a kwəi dɔ naŋg gə́ mina̰’g Ndá d’a kwa Israɛlje dɔ naŋg’d lə dee Kaw sə dee gə́ ɓər Dɔ ɓee gə́ raŋg’d gə́ əw ya tɔ.

Misee 2:10

Ḭje tar awje! Mbata loo neelé ɓa to gə́ loo-kwa-rɔ el. Mbata mina̰ lə loo lé Seḭ a kiŋgaje némeekonje keneŋ, To némeekonje gə́ kədərə yaa̰ tɔ.

Néra Njékaḭkulaje 10:14

Nɛ Piɛrə ilá keneŋ pana: Wah! Mbaidɔmbaije, mbata néje gə́ ram gə néje gə́ to kḛji togə́bè lé uba tam ndag nda̰ el.

Tel tura Godndu 28:63

To gə́ kédé lé rɔ Njesigənea̰ lelee gə mba ra sə sí némeemaji ləm, mba kar bula lə sí ḭ dɔ maree’d gə́ kédé-kédé ləm tɔ lé rɔ Njesigənea̰ Ala a tel lelee gə mba tuji sí kar sí uduje guduru tɔ, bèe ɓa yeḛ a kɔr sí ne mee ɓee gə́ seḭ a gə kawje kaw taaje gə́ né ka̰ sí lé.

Tel tura Godndu 28:68

Njesigənea̰ a kar sí telje gə batoje kawje Ejiptə gogo gə rəw gə́ ma m’ula sí kédé m’pana: Seḭ a telje kooje rəw lé gogo el ŋga lé! Lée gə́ neelé ɓa seḭ a rabje rɔ sí karje njéba̰je lə sí ndogo sí gə́ ɓərje gə́ diŋgam gə njé gə́ dené keneŋ, nɛ dəw kára kara a ndogo sí el tɔ.

Tel tura Godndu 4:26

Ɓogənè ma m’ɓar dara gə naŋg nee gə mba kar dee to njékɔrgootaje ləm: ɓó lé seḭ raje kaiya gə́ togə́bè ndá yoo a ree gə tɔgee ya kar sí saneje ne kad mee ɓee gə́ seḭ a kaw taaje gə́ né ka̰ sí gir baa gə́ Jurdɛ̰’g nu lé, seḭ a síje keneŋ kuru sí əw el mbata seḭ a tujije ya.

Jujé 23:15

To gə́ taje gə́ maji lai gə́ Njesigənea̰, Ala lə sí pa ar sí aw ne lée’g béréré-béréré mbata lə sí lé togə́bè Njesigənea̰ a kar taje gə́ majel lai kara aw lée’g béréré-béréré mbata lə sí bèe to saar yeḛ a tuji sí ne mee ɓee gə́ maji gə́ Njesigənea̰, Ala lə sí ar sí lé tɔ.