Ojee 9:1 - Maktub gə́ To gə Kəmee

¹ Seḭ Israɛlje lé, maji kar sí raje rɔlel əsé alje rɔ sí To gə́ ginkoji dəwje gə́ raŋg bèe el, Mbata kuba gə́ seḭ ubaje Njesigənea̰ lə sí yá̰je Asəna gə kaiya-dené bèe ləm, Mbata loo-kunda-koje lai-lai Gə́ seḭ ndigi taaje nékoga dɔ ji sí gə́ mina̰ keneŋ ləm tɔ!

Ojee 9:1 Iomraidhean Croise

Pakɔsje 73:27

Mbata aa oo, deḛ lai gə́ d’unda rɔ dee rɔi’g ŋgərəŋ gə́ raŋg lé D’udu guduru ya ləm, Deḛ lai gə́ d’ubai d’ya̰’i lé kara D’udu bo̰ ya ləm tɔ.

Esai 17:11

Loo gə́ seḭ ma̰a deeje lé ndá Seḭ ulaje ŋgalaŋ siŋ-siŋ keneŋ ləm, Teḛ gə ndɔ ndá Né gə́ seḭ manje lé pudu bən ləm tɔ. Nɛ ka̰dee godo mee ndəa gə́ kəm kiŋga rɔlel keneŋ lé ya Ndá to némeeko̰ gə́ kuma̰ gə́ wɔji dəa godo.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 2:20

Un kudee ləw ba lé Seḭ tədje néməməna̰ gwɔb sí’g ləm, Seḭ tije kulaje rɔ sí’g ləm tɔ Ndá seḭ pajena: Seḭ ndigije ra kula ɓər el ŋga! Nɛ dɔdərlooje lai gə́ d’ḭ tar lé ləm, Gə gel kagje lai gə́ təb ləm tɔ lé Seḭ rogoje keneŋ Asəna gə néra kaiya-dené bèe.

Jeremi 44:17

Nɛ jeḛ ndigi raje né gə goo ta gə́ teḛ ta sí’g ləm, j’a tuuje né gə́ ə̰də sululu kar mbai gə́ dené gə́ pən dara’g ləm, j’a kunje nékar gə́ ka̰ saga naŋg kaareeje to gə́ jeḛ gə bɔ síje-je, gə mbaije lə sí, gə ŋgan-mbaije lə sí n’raje ne kédé mee ɓee-booje gə́ Juda ləm, gə mba̰-rəwje gə́ Jerusalem ləm tɔ. Yee ɓa jeḛ j’iŋgaje ne muru mba kar meḛ sí nda̰ ne ləm, j’isije ne dan rɔlel’g ləma, j’iŋgaje ne némeeko̰ kára kara el ləm tɔ.

Nɔ̰-ndôo gə́ wɔji dɔ Jerusalem 4:21

Maji kari al rɔi gə meendakaḭ I ŋgoma̰də gə́ Edɔm gə́ si mee ɓee gə́ Uts lé Mbata bai-oŋg neelé a teḛ rɔi’g ya, I a kai karee tɔli ndá i a kaw kudi dum tɔ.

Ejekel 16:15

Nɛ i ɔm məəi dɔ ma̰də’g ləi ndá riɓar ləi ari ra ne kaiya. I ar njédəstarje lai taa kaiya raije ndá i ya̰ rɔi yag ar dee.

Ejekel 16:30

See məəi mbɔrè gə́ ban ɓa bèe ɓa ari ra ne néra kaiya-dené gə́ ra né gə kəm sɔḭ el bèe wa. Mbaidɔmbaije gə́ Njesigənea̰ ɓa pa bèe!

Ejekel 20:32

Né gə́ seḭ ə̰jije meḛ sí’g pajena: A kaw lée’g béréré lé seḭ a kooje pai godo. Seḭ pajena: Seḭ ndigi toje kasjena gə ginkoji dəwje gə raŋg ləm, toje kasjena gə gel-bɔje lə ɓeeje gə́ raŋg ləma, seḭ ndigi poleje kag gə mbal ləm tɔ.

Ejekel 21:10

Dəwje lai-lai d’a gər to gə́ neḛ Njesigənea̰ n’ɔr kiambas lə neḛ sɔlee’g ndá n’a tel kula keneŋ kari ba el.

Ojee 10:5

Dəw-mee-ɓeeje gə́ Samari lé Meḛ dee a pélé wəs-wəs dɔ néndaji ŋgan maŋgje-je gə́ léḛ Bet-Aben’g, Koso-dəwje d’a kwa ndòo yoo magəpole lé ləm, Njékinjanéməsje ləa d’a ndəb pəd-pəd gə mbata ləa ləma, Gə mbata lə rɔnduba ləa gə́ a gə sané pa mbuna dee’g lé ləm tɔ.

Ojee 2:12

Bèe ɓa ɓasinè n’a kɔr kubu kudee’g kəm njéto səaje’g Ndá dəw kára kara a kɔree ji neḛ’g el.

Ojee 4:12

Koso-dəwje ləm dəji magəje lə dee Gə́ to kagje ba ɓa ta, Tɔɓəi d’ar kag tɔs lə dee ɓa ula dee ta tɔ. Mbata takə̰ji kuba Ala kyá̰ ɓa ar dee ndəm Ndá deḛ d’uba ne Ala lə dee d’yá̰ əw.

Ojee 5:4

Néra deeje ɔg dee loo tel ree rɔ Ala’g lə dee Mbata takə̰ji kuba Ala kyá̰ to mbuna dee’g ləm, Mbata deḛ gər Njesigənea̰ el ləm tɔ.

Ojee 5:7

D’ila ŋgonkoji dɔ Njesigənea̰’g el Mbata deḛ d’oji ŋganje gə́ to baukoréje, Ɓasinè lé naḭ gə́ kára ba ya a kas Kar dee tuji gə némajije lə dee na̰’d.

Amɔs 3:2

Ma mbər sí-seḭ ya kára ba Mbuna ginkoji dəwje’g lai-lai gə́ dɔ naŋg nee: Gelee gə́ nee ɓa m’a kar bo̰ néra majel lə sí lai ɔs ta sí’g ya.

Amɔs 4:5

Ḭjaje nékinjanéməsje lə sí gə́ ka̰ ra oiyo Gə́ əm-tiné to keneŋ ləm, Ilaje mbər nékinjanéməsje gə́ seḭ ḭje ne gə meḛ sí Raje arje ndiil ɓar dɔ’g lé ləm tɔ Mbata yee ɓa gə́ né gə́ seḭ ndigije ya, Seḭ gə́ Israɛlje lé, Mbaidɔmbaije gə́ Njesigənea̰ ɓa pa bèe.

Amɔs 6:13

Seḭ raje rɔlel dɔ né gə́ to gə́ né el ar sí pajena: See to mbɔl dɔ siŋga sí-seḭ ɓa seḭ iŋgaje ne siŋgamoŋ lé el wa.

Amɔs 8:10

N’a kar loo-ra-naḭje lə sí tel to gə́ loo-yoo ləm, Pakɔsje lə sí lai a tel to gə́ no̰ yoo ləm, N’a kar sí ulaje kubu-kwa-ndòo reŋ sí’g lai ləma, N’a kar dɔ sí lai àr ŋgori-ŋgori ləm tɔ. N’a kar ɓee neelé wa ndòo To gə́ d’wa ne ndòo lə ŋgon kára lə kea̰ bèe Ndá rudee a to kasəna gə ndɔ meekad mbag-mbag bèe.

Maktub gə́ Jak ula ne ar ngan-Allaje 4:16

Nɛ ɓasinè lé seḭ tije ne rɔ sí əsje ne ta. Kesta gə́ togə́bè ɓa majel.

Maktub gə́ Jak ula ne ar ngan-Allaje 5:1

Ɓasinè ooje ta nee seḭ bao-nékiŋgaje: No̰je gə mán-no̰ kəm sí’g ləm, tuma̰je ŋgururu-ŋgururu ləm tɔ mbata némeekonje gə́ d’a gə teḛ dɔ sí’g lé.