Ojee 8:9 - Maktub gə́ To gə Kəmee

⁹ Mbata deḛ d’ḭ d’aw Asiri To gə́ mburje gə́ unda rəa ŋgərəŋ bèe, Eprayimje lèbè kəm dee gə nékar Mba kwa ne sə dee baokura.

Ojee 8:9 Iomraidhean Croise

2 Mbaije 15:19

Pul, mbai gə́ Asiri andə mee ɓee’g gə rɔ, ndá Menahem ar Pul larnda as nékwɔji kwɔi-lə-né tɔl-dɔg-loo-rɔ-munda (300) mba karee la ne səa kar ɓeeko̰ ləa to ne njaŋg meḛ jia’g.

Esai 30:2

Deḛ d’ḭ d’aw Ejiptə lal dəjim Gə mba kiya rɔ dee gin siŋgamoŋ’d lə Parao̰ ləm, Mba kiŋga ne loo-kula-dɔ dee gel Ejiptəje’g ləm tɔ!

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Jeremi 2:24

Seḭ toje asəna gə ko̰-mulayḛ̀je-je Gə́ gərje loo gə́ dɔdilaloo’g maji ləm, Gə́ awje ndəŋ-ndəŋ goo malee Gə́ ra sí lé ləm tɔ, See na̰ ɓa a kɔg sí dɔ malee Gə́ ra sí lé wa. Deḛ lai gə́ saŋg sí lé D’iŋga sí kalaŋ lal dao ləm, Deḛ d’iŋga sí mee naḭyee’g Gə́ wɔji dɔ sí ya ləm tɔ.

Ojee 12:1

Eprayimje d’aḭ dɔm gə taŋgɔm ləm, Ta sukəmloo ɓa ginkoji Israɛlje d’aḭ ne dɔm bèe ləm tɔ, Nɛ Judaje lé meḛ dee to dɔ Ala’g lé Gə́ to Njemeenda londoŋ lé.

Ojee 12:2

Lel ɓa gə́ nésɔ lə Eprayimje ləm, Deḛ d’aḭ goo lel gə́ ḭ bər’g ləm tɔ, Gə ndɔ dee ndɔ dee lé deḛ d’ar taŋgɔm Gə néra gə́ kərm-kərm ɓa d’ḭ dɔ maree’d gə́ kédé-kédé. Deḛ d’ɔm na̰’d gə Asirije ləm, Deḛ d’odo ubu d’aw ne Ejiptə ləm tɔ.

Ojee 2:10

Yeḛ gər to gə́ neḛ ɓa n’aree kó gə mán-nduú gə ubu bèe el ləm, Larnda gə larlɔr gə́ neḛ n’aree lé kara Deḛ d’un d’ar magə-Baal lé ləm tɔ.

Ojee 5:13

Eprayimje d’oo rɔko̰ gə́ ra dee ləm, Judaje kara d’oo to gə́ dooje to rɔ dee’g ləm tɔ, Ndá Eprayimje d’ula kula Asiri Rɔ mbai Jareb’g mba karee ree la sə dee, Nɛ mbai neelé a kaskəm kɔr rɔko̰ lə sí el ləm, A kaskəm kar ta doo lə sí ər kəmsə el ləm tɔ.

Ojee 7:11

Eprayimje to d’asəna gə dərnda Gə́ kəmee àr dɔ rəa’g el bèe, Deḛ no̰ ɓar Ejiptəje ləm, Deḛ d’ḭ d’aw Asiri ləm tɔ.