Ojee 8:7 - Maktub gə́ To gə Kəmee

⁷ Mbata deḛ dubu lel Ndá lel-boo ɓa d’a kinja. D’a kinja dɔ kó nda̰ el, Ko gə́ uba aar jəm lé D’a kiŋga ndujee el tɔ, Esé ɓó lé to keneŋ ndá kara Dəw-dɔ-ɓeeje ɓa d’a sɔ ya.

Ojee 8:7 Iomraidhean Croise

Gḭ-Néje 41:23

Dɔ koje gə́ siri gə́ to gə́ sumee ləm, aar jəm ləma, lel gə́ ḭ bər kara tudu dee ləm tɔ lé d’uba goo dee’g.

2 Mbaije 15:19

Pul, mbai gə́ Asiri andə mee ɓee’g gə rɔ, ndá Menahem ar Pul larnda as nékwɔji kwɔi-lə-né tɔl-dɔg-loo-rɔ-munda (300) mba karee la ne səa kar ɓeeko̰ ləa to ne njaŋg meḛ jia’g.

2 Mbaije 15:29

Mee ndəa’g lə Péka, mbai gə́ Israɛl lé Tiglat-Pileser, mbai gə́ Asiri ree taa Ijo̰ ləm, gə Abel-Bet-Maaka ləm, gə Janoa ləm, gə Kedes ləm, gə Asɔr ləm, gə Galaad ləm, gə Galile ləma, gə ɓeeje lai gə́ Neptali ləm tɔ ndá yeḛ wa dəwje gə́ keneŋ gə́ ɓər aw sə dee Asiri.

Maktub gə́ wɔji dɔ Jɔb 4:8

Ma lé m’oo gao, deḛ gə́ d’ɔs gel néra gə́ kori-kori ləm, Gə́ dubu néra gə́ gə dɔ najee el ləm tɔ lé d’a kinja ka̰dee ya tɔ.

Gosota-Kəmkàrje 22:8

Yeḛ gə́ dubu néra gə́ kori-kori ndá a kinja némeeko̰, Siŋgamoŋ meekḭ jugugu ləa a tel to né gə́ kari ba.

Njekillamber 5:16

Né gə́ majel gə́ raŋg ya ɓəi, Ndɔje ləa lai gə́ yeḛ si ne kəmba lé Yeḛ a sɔ né dan loondul’g ləm, Némeeko̰je gə némajelje Gə néo̰gje rəa yaa̰ ləm tɔ.

Esai 17:11

Loo gə́ seḭ ma̰a deeje lé ndá Seḭ ulaje ŋgalaŋ siŋ-siŋ keneŋ ləm, Teḛ gə ndɔ ndá Né gə́ seḭ manje lé pudu bən ləm tɔ. Nɛ ka̰dee godo mee ndəa gə́ kəm kiŋga rɔlel keneŋ lé ya Ndá to némeeko̰ gə́ kuma̰ gə́ wɔji dəa godo.

Esai 55:2

See gelee ban ɓa seḭ saneje lar lə sí Dɔ né gə́ a la sə sí el lé wa. See gelee ban ɓa seḭ raje kula Mbata né gə́ as sí el lé wa. Ooje ta ləm ndá A sɔje ne né gə́ maji ləm, A kiŋgaje ne nésɔje gə́ lel lé ləm tɔ.

Esai 66:15

Mbata aa ooje, Njesigənea̰ si ree dan pər’g ləm, Pusu-rɔje ləa d’aiŋgwɔd to gə́ lel-mal bèe ləm tɔ. Yeḛ ar oŋg ləa taa pər gəgəgə ləm, Ŋgawjia gə́ ula lé to asəna gə ndo̰ pər gə́ o̰ bilim-bilim bèe ləm tɔ.

Jeremi 12:13

Deḛ dubu kó nɛ kun ɓa d’inja ləm, Deḛ dao ne dao-dao lal kiŋga né keneŋ ləm tɔ. Maji kar sí naije gə rɔkul dɔ né gə́ seḭ injaje’g Gə goo oŋg lə Njesigənea̰ gə́ taa pər lam-lam lé.

Nɔ̰-ndôo gə́ wɔji dɔ Jerusalem 5:2

Némajije lə sí lé tel to ka̰ dəw-dɔ-ɓeeje ləm, Kəije lə sí kara tel to ka̰ dəwje gə́ jeḛ n’gər deeje el ləm tɔ.

Ojee 2:9

Yeḛ a ndoné goo njéto səaje’g Nɛ yeḛ a kiŋga dee el, Yeḛ a saŋg dee nɛ a kiŋga dee el tɔ. Tɔɓəi yeḛ a pana: N’a tel kaw rɔ ŋgaw neḛje’d gə́ dɔtar, Mbata rɔlel gə́ n’iŋga kédé lé Ur dɔ yee gə́ n’isi ne ɓasinè.

Ojee 7:9

Dəw-dɔ-ɓeeje d’ɔr siŋga dee ho̰d, Nɛ deḛ gər el ləm, Ɓuga si taa dee loo Nɛ deḛ gər el ləm tɔ.

Ojee 9:16

D’unda Eprayimje d’ar ŋgira dee tudu kurum, D’a kandə nda̰ el, Ɓó lé denéje d’oji ŋganje kara Né gə́ to ŋgonkəm dee lé M’a karee udu bo̰.

Nahum 1:3

Njesigənea̰ lé to njekar oŋg ḭ səa kalaŋ el, Yeḛ to Bao-siŋgamoŋ: Dəw gə́ njera némajel lé Yeḛ a lal kar bo̰ nérea ɔs təa’g el. Njesigənea̰ njaa dan ko̰ ndi’g ləm, Gə dan lel-mal’g ləm tɔ. Ndije gə́ pélé dara lé to kor gə́ ḭ tor gɔlee’g.

Ajee 1:6

Seḭ dubuje kó gə tadee rəg-rəg ya nɛ seḭ injaje lam ba bèe. Seḭ sɔje né yaa̰ ya nɛ ndanje ndanee el. Seḭ aije né yaa̰ ya nɛ tɔlje ne kunda lə sí el. Seḭ ulaje kubu ya nɛ rɔ sí nuŋga ne so el tɔ. Nédɔji lə yeḛ gə́ ra kula ar maree godo kalaŋ asəna gə né gə́ ɔm mee ɓɔl gə́ kəmee mbudu’g bèe.

Njé gə́ Galati 6:7

Suje kəm rɔ sí el, dəw kára kara a kən gə Ala el. Né gə́ dəw dubu lé a kiŋga née ya.

Njé gə́ Galati 6:8

Dəw gə́ dubu né gə́ wɔji dɔ darɔ ndá né gə́ wɔji dɔ darɔ gə́ a kunda naŋg lé ɓa yeḛ a kiŋga ya, nɛ yeḛ gə́ dubu né gə́ wɔji dɔ Ndil lé ndá ndil lé ɓa yeḛ a kisi ne gə kəmə gə́ gə no̰ lé tɔ.

Tel tura Godndu 28:33

Koso-dəwje gə́ seḭ a gər deeje el ya d’a sɔ néndɔ lə sí ləm, gə néje lai gə́ seḭ iŋgaje loo-kula’g lə sí ləm tɔ ndá ndɔje lai d’a kula kəm sí ndòo ləm, d’a ra sə sí né gə́ kədərə ləm tɔ.