Ojee 8:6 - Maktub gə́ To gə Kəmee

⁶ Njekɔr gə́ ḭ Israɛl ɓa gə́ njelḛ̀ néndaji ŋgon maŋg lé Ɓó yee to gə́ Ala el, Gelee gə́ nee ɓa néndaji ŋgon maŋg gə́ Samari neelé D’a tədee njigi-njigi.

Ojee 8:6 Iomraidhean Croise

2 Mbaije 23:15

Loo-nékinjaməs gə́ Betel gə dɔ loo gə́ ndəw gə́ Jeroboam gə́ to ŋgolə Nebat ra ɔs ne Israɛlje ar dee ra ne kaiya lé yeḛ tɔs tila ləm, yeḛ roo loo gə́ ndəw aree tel to bu ləma, yeḛ roo magə lé ləm tɔ.

2 Mbaije 23:19

Jojias ar dee sané kəije lai gə́ to dɔ looje gə́ ndəw gə́ to mee ɓee-booje gə́ Samari gə́ mbaije gə́ Israɛl ra d’ar oŋg ḭ ne gə Njesigənea̰ pu lé, yeḛ ra aree aw na̰’d béréré gə né gə́ yeḛ ra Betel lé ya tɔ.

2 Sôrta Gḭka Israɛlje 13:8

Ndá ɓasinè, seḭ ə̰jije meḛ sí’g gə mba kun baŋga dɔ ɓeeko̰’g lə Njesigənea̰ gə́ to ji ŋgalə Dabid’g, mbata seḭ toje dəwje gə́ bulaje digi-digi ləm, mbata seḭ awje gə néndaji ŋgan maŋgje gə́ to larlɔr gə́ Jeroboam ra gə́ magəje ar sí lé ləm tɔ.

2 Sôrta Gḭka Israɛlje 31:1

Loo gə́ deḛ ra naḭ lé tɔl bém mba̰ ndá deḛ lai gə́ to Israɛlje gə́ d’aar keneŋ lé d’ɔd d’aw mee ɓee-booje gə́ Juda d’aw təd néndajije, gə tuji magəje, gə tuji dɔ looje gə́ ndəw gə loo-nékinjanéməsje mee ɓee’g lə Judaje gə Bḛjamije lai ləm, gə mee ɓee’g lə Eprayimje gə Manasəje ləm tɔ pugudu-pugudu. Tɔɓəi Israɛlje tel d’aw mee ɓee-booje’g lə dee, ar nana kara tel aw mee kəi’g ləa-ləa.

Jeremi 10:14

Dəw gə́ rara kara Négər ləa aree tel mbə ləm, Njelḛ̀ né gə́ rara kara rəa kul Mbata lə né gə́ yeḛ ndaji ləm tɔ, Mbata magəje ləa to néŋgɔmje ləm, Kəmə godo meḛ dee’g ləm tɔ.

Jeremi 48:13

Rɔ Moabje a kul dɔ magə’d lə dee gə́ ria lə Kemos, to gə́ rɔ gel-bɔje lə Israɛl kul ne dɔ Betel gə́ to nékunda-mee-yel dɔ’g lə dee bèe.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Ojee 10:2

Meḛ dee tɔ joo ndá d’a koo kea̰ ya. Njesigənea̰ a gə tɔs loo-pole-magje lə dee tila ləm, A gə tuji néndajije lə dee gə́ to kɔr mbalje lé ləm tɔ.

Ojee 13:2

Ɓasinè lé d’aar njaŋg dɔ kaiya ra dee’g ləm, Deḛ léḛ larnda lə dee gə́ néndajije Ar dee to magəje lə dee gə goo takə̰jije lə dee ləm tɔ. Néje lai neelé to kula ra njégər goso kulaje. Dəwje pata d’wɔji ne dɔ dee pana: Maji kar deḛ gə́ d’inja néməs d’ar dee lé Ton néndaji ŋgan maŋgje gə ndo̰ dee.

Ojee 14:3

Gə́ telje gə́ rɔ Njesigənea̰’g Tɔrje ndu sí areeje Uláje pajena: Maji kari ar məəi ti mbidi dɔ néra kori-korije’g lə sí lai Wa sí gə́ rɔi’g ɓó ɔs sí rəw el! J’a kula rɔnduba dɔi’g gə ta gə́ teḛ ta sí’g Yee ɓa maji unda kar sí j’injaje bɔ maŋgje ɓa gə́ nékinjaməs j’arije ya.

Misee 1:7

Néndajije ləa lai gə́ tɔl dee lé D’a təd dee njigi-njigi ləm, Nédɔjije ləa lai gə́ mina̰ lé d’a roo ləma, M’a tuji magə-poleje ləa lai ləm tɔ, Néje lai neelé deḛ mbo̰ dee na̰’d gə lar kaiya Ndá d’a tel to nékoga-dɔ-ji kaiyaje gə́ raŋg ya tɔ.

Habakuk 2:18

Néndaji gə́ tɔl lé see majee to ɗi mbata lə njetɔlee wa. Néndaji gə́ léḛ gə́ ndoo ne né gə ŋgɔm Gə mba kar njerea unda tar ɔm mée dɔ’g Loo gə́ yeḛ si ra magəje gə́ ta mundu lé kara see majee to ɗi wa.

Néra Njékaḭkulaje 17:29

Bèe ndá to gə́ jeḛ n’to ŋgan-Alaje lé ndá maji kar sí j’ə̰ji meḛ sí’g m’pana: Ala to asəna gə magə gə́ deḛ ra gə larlɔr əsé gə larnda gə́ deḛ léḛ əsé gə mbal gə́ deḛ tɔl ndaji ne né gə goo takə̰ji əsé goso lə dəwje lé maji kar sí j’ə̰ji bèe el.

Néra Njékaḭkulaje 19:26

Seḭ ooje gao to gə́ Pool lé ula ta meḛ dəwje gə́ Epesə gə kar dee el nɛ nai lam ba karee tel meḛ boo-dəwje gə́ d’isi ɓeeko̰ gə́ Asi gə loo-loo kara togə́bè ya tɔ. Yeḛ ula dee pana: Magəje gə́ dəwje ra gə ji dee lé to gə́ kankəm né el.