Ojee 8:10 - Maktub gə́ To gə Kəmee

¹⁰ Lée deḛ lèbè kəm ginkoji dəwje gə raŋg gə nékarje kara Ɓasinè m’a mbo̰ dee dɔ na̰’d. Waga ndá d’a si dan némeeko̰’g gin nékodo gə́ wɔi’g Gə́ mbai dɔ njékaa dɔ dəb ɓeeko̰je D’a gə kunda dɔ dee’g.

Ojee 8:10 Iomraidhean Croise

2 Mbaije 14:26

Mbata Njesigənea̰ oo boo-nékəmndoo gə́ al dɔ dee sula gə́ Israɛlje gə́ to ɓərje əsé ŋgankojije kara d’isi danee’g ɓó dəw kára kara gə́ askəm ree la gə Israɛlje godo lé.

2 Mbaije 17:3

Salmanasar, mbai gə́ Asiri ḭ aw rɔ səa ndá tədee rɔ, bèe ɓa Ojee ula dəa nea̰’g ləm, uga lar-gədɓee aree ləm tɔ.

2 Mbaije 17:4

Nɛ mbai gə́ Asiri oo to gə́ ta kula njuma̰ to mee kəi’g lə Ojee: mbata Ojee lé ula njékaḭkulaje rɔ mbai gə́ Ejiptə gə́ ria lə Sɔ ləm, yeḛ mbad kuga mbai gə́ Asiri lé lar-gədɓee gə́ gə ləb-ləb lé ləm tɔ. Bèe ɓa mbai gə́ Asiri lé wá təa gə kúla lar ilá daŋgai’g.

1 Sôrta Gḭka-Israɛlje 5:26

Ala lə Israɛlje ɔs mee Pul, mbai gə́ Asiri ləm, gə ɔs mee Tilgat-Pilneser, mbai gə́ Asiri ləm tɔ ndá Tilgat-Pilneser wa Rubḛje gə Gadje gə ges ginkoji Manasəje ɓər tɔɓəi yeḛ aw sə dee Halah, gə Habor, gə Hara, gə ta baa gə́ Gosan ar dee d’isi keneŋ saar teḛ mee ndɔ gə́ ɓogənè.

Esai 10:8

Mbata deḛ pana: See ɓé-njérɔje lə neḛje lé D’as gə mbaije el wa.

Esai 30:2

Deḛ d’ḭ d’aw Ejiptə lal dəjim Gə mba kiya rɔ dee gin siŋgamoŋ’d lə Parao̰ ləm, Mba kiŋga ne loo-kula-dɔ dee gel Ejiptəje’g ləm tɔ!

Esai 36:13

Togə́bè ɓa Rabsake aw gə́ kédé ɔr ndia gə́ tar wəl gə takɔji Judaje pana: Maji kar sí ooje ta gə́ mbai gə́ boi gə́ to mbai gə́ Asiri pa lé.

Jeremi 42:2

d’ula Jeremi, njetegginta pana: Maji kar ndòo raje lə sí taa kəmi rəgm ya. Ra mbai ta Njesigənea̰, Ala’g lé ləi mbata lə síjeḛ dəwje lai gə́ naije mbata jeḛ m’bula yaa̰ kédé nɛ jeḛ naije jebəre ba to gə́ i oo gə kəmi nee lé.

Ejekel 16:33

Kaiya-denéje lai lé d’uga dɔ ji dee ji dee, nɛ i ɓa yḛ̀ i un né ar njéto seḭje, i ar dee nénojije tel dee ne gə́ kaḭje mba ndɔr dee ne gə looje ɓəd-ɓəd dan kaiya raije’g.

Ejekel 16:37

aa oo, n’a mbo̰ njéto seḭje lai gə́ i iŋga rɔlel rɔ dee’g lé deḛ lai gə́ i unda dee dan kəmi’g ləm, gə deḛ lai gə́ i ə̰ji dee bəḭ-bəḭ ləm tɔ lé dɔ na̰’d, n’a kar dee d’ḭ gə looje ɓəd-ɓəd mbo̰ na̰ dɔi’g ndá n’a najii kar dee d’oo mee mbaai raga ndəgəsə.

Ejekel 22:20

To gə́ dəw mbo̰ ne larnda, gə larkas, gə larndul gə rɔm, gə kulum ta ɓɔgərɔ’g ar dee d’ula ndubu keneŋ mba kar dee léḛ lé, togə́bè ɓa n’a mbo̰ sí dan oŋg’d gə dan boo-oŋg’d lə neḛ ndá n’a kɔm sí ta ɓɔgərɔ’g lə neḛ kar sí lḛ̀je sələlə bèe tɔ.

Ejekel 23:5

Ohola uba goo ndukun ləa ya̰ ar mal njéto səaje gə́ to Asirije gə́ to njéboataɓeeje ləa o̰ mée lèm-lèm.

Ejekel 26:7

Mbata Mbaidɔmbaije gə́ Njesigənea̰ pa togə́bè pana: Aa ooje, neḛ n’a kar Nebukadnesar, mbai gə́ Babilɔn gə́ to mbai gə́ ur dɔ mbaije’g lé ḭ par gə́ dɔgel mba kaw rɔ gə Tirje gə kundaje, gə pusu-rɔje, gə njékal kundaje, gə koso-dəwje gə́ bula digi-digi.

Loo gə́ killa rea kəm Daniel’g 2:37

Ǝi mbai, i nja to mbai gə́ ur dɔ mbaije lai mbata Ala gə́ njesi mee dara’g ari ɓeeko̰ ləm, gə siŋgamoŋ ləm, gə tɔgmbaŋ ləma, gə rɔnduba ləm tɔ.

Ojee 10:10

M’a kar bo̰ néra dee ɔs ta dee’g to gə́ məəm ndigi Ndá koso-dəwje d’a kḭ mbo̰ dɔ na̰ rɔ sə dee Loo gə́ d’a tɔ dee gə kúla lar Mbata néra kori-korije lə dee gə́ gɔl joo lé.

Ojee 12:2

Lel ɓa gə́ nésɔ lə Eprayimje ləm, Deḛ d’aḭ goo lel gə́ ḭ bər’g ləm tɔ, Gə ndɔ dee ndɔ dee lé deḛ d’ar taŋgɔm Gə néra gə́ kərm-kərm ɓa d’ḭ dɔ maree’d gə́ kédé-kédé. Deḛ d’ɔm na̰’d gə Asirije ləm, Deḛ d’odo ubu d’aw ne Ejiptə ləm tɔ.

Ajee 2:6

Mbata Njesigənea̰ gə́ njeboo-néje ɓa pa togə́bè pana: Nai lam ba bèe ndá n’a gə́ yə dara gə naŋg nee ləm, gə baa-booje gə loo-gə́-tudu bura ləm tɔ.