Ojee 7:8 - Maktub gə́ To gə Kəmee

⁸ Eprayimje pélé na̰ Gə ginkoji dəwje gə́ raŋg ləm, Eprayimje tel to d’asəna gə bina gə́ d’ila Lal tel gelee bèe ləm tɔ.

Ojee 7:8 Iomraidhean Croise

1 Mbaije 18:21

Yen ŋga Eli rəm pər gə́ rɔ koso-dəwje’g ndá yeḛ pana: See ndɔ gə́ ra ɓa seḭ a kəwje rɔ sí kulaje panjaa sí na̰’d lé wa. Ɓó lé Njesigənea̰ ɓa to Ala ndá awje gée’g, ŋga ɓó lé to Baal tɔ ndá awje gée’g tɔ. Koso-dəwje tel d’ilá keneŋ el.

Esdras 9:1

Loo gə́ rudu néje neelé un ɗiao mba̰ ndá ŋgan-mbaije ree rɔm’g pana: Dəwje gə́ Israɛl ləm, gə njékinjanéməsje gə Ləbije ləm tɔ lé d’unda rɔ dee ɓəd mbuna dəw-mee-ɓeeje’g neelé el ləm, ndá deḛ ndaji ne néra deeje gə́ mina̰ gə́ to kḛji gə́ to néra Kana̰je ləm, gə Hetje ləm, gə Peresje ləm, gə Yebusje ləm, gə Amo̰je ləm, gə Moabje ləm, gə Ejiptəje ləma, gə Amɔrje ləm tɔ.

Esdras 9:12

Bèe ndá maji kar sí j’ar ŋgan síje gə́ dené taa ŋgan deeje gə́ diŋgam el ləm, j’a taaje ŋgan deeje gə́ dené kar ŋgan síje gə́ diŋgam el ləma, j’a saŋgje goo si dan maji’g lə dee əsé dan nébaoje’g lə dee el ləm tɔ saar gə no̰. Bèe ɓa siŋga sí a kḭ ne dɔ maree’g ləm, j’a sɔje ne némajije lə ɓee neelé ləma, j’a karee to ne gə́ nénduba lə ŋgan síje saar gə no̰ ləm tɔ.

Pakɔsje 106:35

Deḛ lé pélé na̰ wəs-wəs gə ginkoji dəwje gə raŋg Ndaji ne néra dee ləm,

Ojee 5:13

Eprayimje d’oo rɔko̰ gə́ ra dee ləm, Judaje kara d’oo to gə́ dooje to rɔ dee’g ləm tɔ, Ndá Eprayimje d’ula kula Asiri Rɔ mbai Jareb’g mba karee ree la sə dee, Nɛ mbai neelé a kaskəm kɔr rɔko̰ lə sí el ləm, A kaskəm kar ta doo lə sí ər kəmsə el ləm tɔ.

Ojee 5:7

D’ila ŋgonkoji dɔ Njesigənea̰’g el Mbata deḛ d’oji ŋganje gə́ to baukoréje, Ɓasinè lé naḭ gə́ kára ba ya a kas Kar dee tuji gə némajije lə dee na̰’d.

Ojee 7:9

Dəw-dɔ-ɓeeje d’ɔr siŋga dee ho̰d, Nɛ deḛ gər el ləm, Ɓuga si taa dee loo Nɛ deḛ gər el ləm tɔ.

Ojee 9:3

D’a si mee ɓeeko̰’g lə Njesigənea̰ el, Eprayimje d’a tel kisi mee ɓee gə́ Ejiptə ləm, Nésɔje gə́ mina̰ ɓa d’a sɔ mee ɓee gə́ Asiri ləm tɔ.

Soponi 1:5

N’a tuji deḛ gə́ d’unda barmba dɔ kəije’d gə́ tar no̰ boo-néje gə́ dara’g ləm, Gə deḛ gə́ d’unda barmba d’ubu ne rɔ dee gə ri Njesigənea̰ Esé gə ri mbai lə dee ləm tɔ lé

Malasi 2:11

Judaje lé d’uba goo manrɔ lə dee d’ya̰ ya. Deḛ ra néraje gə́ ram Jerusalem ləm gə mee ɓee gə́ Israɛl lai ləm tɔ. Mbata né gə́ d’unda gə kəmee d’ar Njesigənea̰ gə́ yeḛ nja unda dan kəmee’g lé Judaje d’ila ndɔl dɔ’g. Deḛ taa denéje gə́ to njépole-magəje.

Matiyo 6:24

Dəw kára askəm ra kula kar ɓéeje joo el, nà banelə a kwa gə yeḛ gə́ kára mée’g nɛ a kunda yeḛ gə́ kára ɓa dan kəmee’g tɔ, əsé yeḛ a ki rəa kər-kər gə́ rɔ yeḛ gə́ kára’g nɛ a ɓaar yeḛ gə́ kára tɔ. Seḭ asjekəm kundaje-kunda Ala lé ləm, gə kundaje-kunda néhulaije gə́ dɔ naŋg nee ləm tɔ ɓa korèje ne na̰ el.