Ojee 7:5 - Maktub gə́ To gə Kəmee

⁵ Ndɔ ra naḭ lə mbai lé Ŋgan-mbaije d’oso gə rɔko̰ Mbata mán-nduú gə́ mḭ gə́ d’ai yaa̰ lé. Mbai ɔm na̰’d gə njékula sul dɔ loo’gje.

Ojee 7:5 Iomraidhean Croise

Gḭ-Néje 40:20

Ndɔ gə́ njekɔm’g munda gə́ gogo lé to naḭ gə́ wɔji dɔ ndɔ koji Parao̰ ndá yeḛ ra muru gad ar kuraje ləa lai. Ndá yeḛ unda dɔ njekaree nékai gə njera muru gə́ tar mbuna kuraje’g ləa.

1 Mbaije 13:4

Loo gə́ mbai oo ta gə́ dəw lə Ala pa ila ne ndɔl dɔ loo-nékinjaməs’d gə́ Betel lé ndá yeḛ ula jia aree dəs ta dɔ loo-nékinjaməs lé pa ne pana: Wáje! Ndá ji Jeroboam gə́ ula par gə́ dəa’g lé tudu tar kurum aree oo loo kwa gə́ rəa’g el.

Pakɔsje 1:1

Dəw gə́ taa ta sula lə njémeeyèrje njaa keneŋ el ləm, Gə ɔs gɔlee naŋg gèŋ rəw’g lə njékaiyaje el ləma, Gə si na̰’d gə njékimlooje el ləm tɔ ndá Yeḛ si gə rɔlel ya.

Pakɔsje 69:12

Ma m’ula kubu-kwa-ndòo rɔm’g Ndá m’tel m’to ne nékɔrsu lə dee tɔ.

Gosota-Kəmkàrje 13:20

Yeḛ gə́ ɔr kura gə njékəmkàrje lé Tel to njekəmkàr tɔ, Nɛ yeḛ gə́ to njeboalookaw lə mbəje lé Iŋga némajel keneŋ.

Gosota-Kəmkàrje 20:1

Man-nduú gə́ mḭ to njekula sul dɔ loo’g ləm, Nékaije gə́ mḭ ar njekaiee ra ne né tar ɓəgəgə-ɓəgəgə ləm tɔ, Nana ɓa gə́ ra ɓəree ndá kəmkàr lalee.

Esai 28:1

Meeko̰ a koso dɔ ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé ləm, Gə pudu gə́ to néɗɔi-rɔ dɔ wəl-loo gə́ aar kó’g Gə́ wɔji dɔ deḛ gə́ d’ar kido tɔs dee ndəgərə naŋg lé ləm tɔ.

Esai 28:14

Seḭ njékula sul dɔ loo’gje Seḭ gə́ o̰je dɔ koso-dəwje gə́ Jerusalem lé Ooje ta lə Njesigənea̰:

Loo gə́ killa rea kəm Daniel’g 5:23

I ḭ gə mbai dɔ dara ɔsee rəw. Baije gə́ to mee kəi’g ləa lé deḛ d’odo ree ne nɔḭ’g ndá seḭ aije ne mán-nduú gə́ mḭ, i seḭ gə dəwje ləi gə́ boo-boo gə denéje ləi gə gamla-denéje ləi tɔ. I pidi ne magəje gə́ ra dee gə larnda gə larlɔr gə larkas gə larndul gə kag gə mbal tɔ. Magəje neelé d’oo né gə kəm dee el ləm, d’oo ta gə mbi dee el ləma, deḛ gər né kára kara el ləm tɔ ndá Ala gə́ kəmə ləi gə rəw-kabije lai to jia’g lé i ula rɔnduba dəa’g el.

Ojee 7:3

Gə goo némeeyèrje lə dee lé Deḛ su ne kəm mbai d’ar rəa lelee ne ləm, Gə goo taŋgɔmje lə dee lé Deḛ su ne kəm ŋgan-mbaije lə dee D’ar rɔ dee lel dee ne ləm tɔ.

Matiyo 14:6

Nɛ loo gə́ deḛ ra naḭ ləb koji Herɔdə lé ndá ŋgon Herodias gə́ ma̰də uba là dan njéndamje’g aree uru mee Herɔdə’g ndá léegəneeya, yeḛ ubu rəa aree pana:

Mark 6:21

Nɛ ndɔ kára bèe deḛ d’oo loo gə́ kəm tɔlee keneŋ gəd ya loo gə́ Herɔdə ra naḭ gə́ wɔji dɔ ndɔ kojee, yeḛ ɓar ŋgatɔgje ləa keneŋ ləm, gə ɓé-njérɔje-je ləma, gə dəwje gə́ boo-boo mee ɓee gə́ Galile lé ləm tɔ.

Njé gə́ Epesə 5:18

Arje mán-nduú tɔs sí naŋg el mbata yee ɓa siŋga sí a yɔ ne. Nɛ maji kar Ndil ɓa taa meḛ sí yal-yal.