Ojee 7:11 - Maktub gə́ To gə Kəmee

¹¹ Eprayimje to d’asəna gə dərnda Gə́ kəmee àr dɔ rəa’g el bèe, Deḛ no̰ ɓar Ejiptəje ləm, Deḛ d’ḭ d’aw Asiri ləm tɔ.

Ojee 7:11 Iomraidhean Croise

2 Mbaije 15:19

Pul, mbai gə́ Asiri andə mee ɓee’g gə rɔ, ndá Menahem ar Pul larnda as nékwɔji kwɔi-lə-né tɔl-dɔg-loo-rɔ-munda (300) mba karee la ne səa kar ɓeeko̰ ləa to ne njaŋg meḛ jia’g.

2 Mbaije 16:7

Akas ula njékaḭkulaje rɔ Tiglat-Pileser, mbai gə́ Asiri’g mba kar dee d’ulá pana: Ma m’to kura ləi ləm, gə ŋgoni ləm tɔ, gə́ ree ɔrm ji mbai gə́ Siri’g gə ji mbai gə́ Israɛl’d gə́ d’ḭ rɔ səm lé.

Gosota-Kəmkàrje 15:32

Yeḛ gə́ ɔs takwɔji-kəmkàr rəw lé Oo rəa-yeḛ nja gə́ né el, Nɛ yeḛ gə́ taa ta gə́ pa ne səa lé Iŋga gosonégər.

Gosota-Kəmkàrje 17:16

See lar gə́ ji mbə-dəw’g lé Majee to ɗi wa. See a ndogo ne kəmkàr wa. Nɛ kəmkàr na mée tas.

Gosota-Kəmkàrje 6:32

Nɛ dəw gə́ ndal dené gə mɔdkaiya lé Kəmkàr na mée tas. Yeḛ gə́ ra togə́bè lé ndigi tuji rəa ya.

Jeremi 2:18

Ɓasinè lé see ɗi ɓa seḭ a raje Mba kaw ne Ejiptə Kaw kai ne mán baa gə́ ria lə Nil lé wa. See ɗi ɓa seḭ a raje mba kaw ne Asiri Kaw kai ne mán baa gə́ ria lə Epratə lé wa.

Jeremi 2:36

See gelee ban ɓa seḭ ulaje rɔ sí ndubu Mba kar rəw-kaw sí tel ɓəd wa. Rɔkul a kḭ Ejiptə dəb dɔ sí’g To gə́ ḭ ne Asiri dəb dɔ sí’g bèe tɔ.

Ojee 11:11

D’a kḭ Ejiptə kalaŋ to gə́ yel bèe ləm, D’a kḭ ɓee gə́ Asiri to gə́ dərnda bèe ləm tɔ. Yen ŋga m’a kar dee d’isi mee kəije’g lə dee ɓəi. Njesigənea̰ ɓa pa bèe tɔ.

Ojee 12:1

Eprayimje d’aḭ dɔm gə taŋgɔm ləm, Ta sukəmloo ɓa ginkoji Israɛlje d’aḭ ne dɔm bèe ləm tɔ, Nɛ Judaje lé meḛ dee to dɔ Ala’g lé Gə́ to Njemeenda londoŋ lé.

Ojee 12:2

Lel ɓa gə́ nésɔ lə Eprayimje ləm, Deḛ d’aḭ goo lel gə́ ḭ bər’g ləm tɔ, Gə ndɔ dee ndɔ dee lé deḛ d’ar taŋgɔm Gə néra gə́ kərm-kərm ɓa d’ḭ dɔ maree’d gə́ kédé-kédé. Deḛ d’ɔm na̰’d gə Asirije ləm, Deḛ d’odo ubu d’aw ne Ejiptə ləm tɔ.

Ojee 14:3

Gə́ telje gə́ rɔ Njesigənea̰’g Tɔrje ndu sí areeje Uláje pajena: Maji kari ar məəi ti mbidi dɔ néra kori-korije’g lə sí lai Wa sí gə́ rɔi’g ɓó ɔs sí rəw el! J’a kula rɔnduba dɔi’g gə ta gə́ teḛ ta sí’g Yee ɓa maji unda kar sí j’injaje bɔ maŋgje ɓa gə́ nékinjaməs j’arije ya.

Ojee 4:11

Mɔdkaiya, gə mán-nduú gə́ mḭ gə mán-nduú gə́ sigi lé Ar dɔ dəw tel wagəsa.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ojee 5:13

Eprayimje d’oo rɔko̰ gə́ ra dee ləm, Judaje kara d’oo to gə́ dooje to rɔ dee’g ləm tɔ, Ndá Eprayimje d’ula kula Asiri Rɔ mbai Jareb’g mba karee ree la sə dee, Nɛ mbai neelé a kaskəm kɔr rɔko̰ lə sí el ləm, A kaskəm kar ta doo lə sí ər kəmsə el ləm tɔ.

Ojee 5:4

Néra deeje ɔg dee loo tel ree rɔ Ala’g lə dee Mbata takə̰ji kuba Ala kyá̰ to mbuna dee’g ləm, Mbata deḛ gər Njesigənea̰ el ləm tɔ.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ojee 9:3

D’a si mee ɓeeko̰’g lə Njesigənea̰ el, Eprayimje d’a tel kisi mee ɓee gə́ Ejiptə ləm, Nésɔje gə́ mina̰ ɓa d’a sɔ mee ɓee gə́ Asiri ləm tɔ.

Ojee 9:6

Mbata aa ooje, deḛ d’aḭ mbata tuji-boo gə́ oso dɔ dee’g. Ejiptəje d’a kwa dee gə́ rɔ dee’g ləm, Mopje d’a kar dee bwa-doɓarje ləm tɔ, Néje lə dee gə́ gad dee to yaa̰ ləm, Gə larndaje lə dee ləm tɔ lé Kun-pɔrɔrɔje d’a turu dɔ dee pubug ləm, Kunje d’a kuba mee kəi-kubuje’g lə dee ləm tɔ.

Abdias 1:7

Deḛ lai gə́ d’ɔm sə sí na̰’d lé Deḛ korə sí njal Teḛ sə sí rəw-nim-ɓee’g ləm, Baokuraje lə sí kara Su kəm sí dum ne dɔ sí ləma, Deḛ gə́ d’o̰ muru lə sí kara D’iya gumje no̰ sí’g ləm tɔ Nɛ kəm sí inja dɔ’g ar sí gərje el ya saar.

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.