Ojee 6:9 - Maktub gə́ To gə Kəmee

⁹ Kudu njékinjanéməsje to d’asəna gə gayim-dəwje gə́ d’um loo Gə mba tɔl dəwje gə́ d’aw gə rəw gə́ aw gə́ Sikem, Mbata deḛ d’ula ne rɔ dee mbiriri dan néra gə́ majel’g.

Ojee 6:9 Iomraidhean Croise

Gḭ-Néje 12:6

Abram njaa unda loo gaŋg aw saar teḛ loo gə́ ɓaree Sikem, saar teḛ loo gə́ kagje gə́ ɓar dee sɛnəje gə́ Moré d’aar keneŋ. Kana̰je d’isi mee ɓee’g neelé ɓəi.

1 Mbaije 12:25

Jeroboam unda gel ɓee-boo gə́ Sikem dɔ mbal gə́ Eprayim ndá yeḛ si keneŋ, tɔɓəi yeḛ ḭ keneŋ aw unda gel ɓee-boo gə́ Penuel tɔ.

Esdras 8:31

Yen ŋga jeḛ j’ḭ ta baa gə́ Ahaba mba kaw Jerusalem mee ndɔ gə́ njekɔm’g dɔg-giree-joo mee naḭ gə́ dɔtar’g. Ndá ji Ala lə sí to dɔ sí’g aree ɔr sí ne ji njéba̰je’g lə sí ləm, gə ji deḛ gə́ d’um sí gə rəw-rəw lé ləm tɔ.

Jeremi 11:9

Njesigənea̰ ulam pana: Ko̰ njuma̰ to mbuna dəwje gə́ Juda gə njé gə́ Jerusalem’g.

Ejekel 22:25

Njéteggintaje lə dee d’ula njuma̰ meḛ na̰’d dan mee ɓee-boo’g neelé. To gə́ toboḭ gə́ inja ne miḭ hər-hər gaŋg ne nékwa ləa lé deḛ kara tɔl dəwje ləm, taa nébaoje gə néje gə́ maji dum gə́ ka̰ dee-deḛ ləma, d’ar bula lə njékəisiŋgaje ḭ dɔ maree’d gə́ kédé-kédé dan mee ɓee-boo’g neelé ləm tɔ.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Ejekel 22:9

Mee ɓee-boo’g ləi lé njékṵda nanije kar dee d’ila ne məs d’isi keneŋ ləm, njé’g ləi d’usɔ né dɔ mbalje’g ləm tɔ, deḛ ra kaiya mee ɓee’g.

Ejekel 23:27

N’a kari unda ŋgaŋ mɔdkaiya ləi gə kaiya raije gə́ i ra mee ɓee gə́ Ejiptə’g, i a tel kila kəmi dɔ dee’g gogo el ŋga ləm, i a tel kḛji dɔ Ejiptə’g el ŋga ləm tɔ.

Ojee 2:10

Yeḛ gər to gə́ neḛ ɓa n’aree kó gə mán-nduú gə ubu bèe el ləm, Larnda gə larlɔr gə́ neḛ n’aree lé kara Deḛ d’un d’ar magə-Baal lé ləm tɔ.

Ojee 4:2

Kubu rɔ gə taŋgɔmje ləm, gə tɔl na̰ ləm, Gə ɓogo ləma, gə ndal na̰ gə mɔdkaiya ləm tɔ ɓa to keneŋ, Deḛ ra gayim dɔ na̰’d d’ɔm ne məs na̰ naŋg gə kédé-kédé.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Ojee 5:2

Gə goo nékinjanéməsje lə dee lé Njékaltaje d’ur dan néra majel’g lə dee Nɛ ma m’a kar bo̰ néra dee ɔs ta dee’g lai ya.

Ojee 7:1

Loo gə́ ma m’wɔji-kwɔji kaji Israɛl ndá Néra kori-korije lə Eprayimje Gə némeeyèrje lə Samarije teḛ to raga pai-pai Mbata deḛ ra néŋgɔmje ləm, Njéɓogoje d’andə mee kəije’g ləma, Gayim-ɓogoje taa loo gir loo gə́ raga pəl-pəl ləm tɔ.

Misee 3:9

Ooje ta nee ɓa, Seḭ mbai dɔ ŋgaka Jakobje ləm, Seḭ njéko̰ɓeeje gə́ Israɛl ləm tɔ lé Seḭ gə́ ə̰jije néra gə́ gə dɔ najee bəḭ-bəḭ ləm, Gə arje né gə́ danasur tel to né gə́ ndɔji pɔdɔdɔ ləm tɔ.

Misee 7:2

Dəw gə́ njemeemaji godo mee ɓee’g ləm, Dəw gə́ njera nédanasur godo mbuna dəwje’g ləm tɔ, Deḛ lai d’um loo gə mba kila məs, Ar nana kara iya gum gə mba kwa ne ŋgokea̰.

Soponi 3:3

Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Mark 14:1

Nai ndɔ joo mba kar dee ra naḭ Pag gə́ muru gə́ nétiee godo keneŋ lé. Mbai dɔ njékinjanéməsje-je gə njéndaji-maktubje saŋg goso né gə mba kwa ne Jeju ɓó gə karee wəi ne.

Tagə́maji gə́ Ja̰ ndang 11:47

Yen ŋga mbai dɔ njékinjanéməsje-je gə Parisiḛje lé mbo̰ njégaŋ-rəwtaje dɔ na̰’d dəji dee pana: See ɗi ɓa j’a ra wa. Mbata dəw neelé ra némɔrije ɓəd-ɓəd bula yaa̰.

Néra Njékaḭkulaje 4:24

Loo gə́ d’oo bèe ndá d’unda ndu dee na̰’d bura d’ar Ala pana: Mbaidɔmbaije, i nja unda dara gə naŋg nee gə baa-boo-kad gə néje lai gə́ to keneŋ ləm,